خف جدمه العمر
لحگ بالتلاثين
وردت خطوة فرح
ما مرت بجدمه
للمثلي الحزن ينفع
واريده يزود
لأن كثر الظلام
يبين النجمة
ودوخني الشمع
من شفت خصمه الليل
حرگ روحه حرگ
ما خاف من خصمه
وتعبني جرف
ما اشتكي من الروج
المهم باقي جرف
لو روجك يثلمه
عمت عين الزمن
علاك عن الگاع
شما يعله النخل
هم بالأصل فصمه
الم صبري ملح
گوة اعله وجه الگاع
ومطر ينزل كلامك
فوگه ويحطمه
غلطان الشجر
من يزعل ويه الماي
ويذم نفسه السهل
لو عيّر القمة
******
البيتك ما اجيب الروح واطيب
ويجي يوم الجروح تهيد واطيب
مو هيچي اليجازي الفضل والطيب
أشد جرحك تحط جروح بيه
رد مع اقتباس
المشاركة الأصلية كتبت بواسطة ּقَزوۄومُ
