طريقة دراسة الرياضيات السادس العلمي
- اولاً :- تبدي فصل فصل بالتسلسل ( رأيي الشخصي ) اذا تريد تعبر على غير فصل انت حر لكن اني اگول فصل بعد فصل بالتسلسل .
- ثانياً :- تفتح ملاحظات وقوانين الموضوع الي عندك ( من مصدرك الي متعود عليه) تقراهم تسترجع معلوماتك .
- ثالثاً :- تبدي تحل بالاسئلة الرياضية بالتدريج أمثلة ثم تمارين ثم تنتقل لوزاريات الموضوع ( الوزاريات تدرسهم بعد الموضوع مباشرةً مو بعد ماتكمل الكتاب ! او الفصل ! لا رأسا ورا الموضوع تحل وزاري).
ملاحظات :-
- الاسئلة الي بيهم افكار ولوفات تحلهم ورقة وقلم وتركز عليهم أما الاسئلة الي مباشرة مابيها لوفة فتحل سؤال او سؤالين عليهم بيدك ثم الباقي تطلع عليهم لأنهم نفس الشي .
- جداً ركز على وزاريات آخر 5 سنوات جداً لأن مهمة حيل شكد تكدر حلهم كلهم ورقة وقلم واضح ؟
طبعاً مع منهجك.
- بحلول الوزاريات اذا ماعندك وزاريات تگدر تحل على اي ملزمة عادي مايعتبر تغيير مصدر خصوصاً هاي مادة فهم مالها علاقة بالحفظ المهم تقرا ملاحظاتك وقوانينك من مصدرك الثابت اما الحلول ماكو اشكال.
رد مع اقتباس
المشاركة الأصلية كتبت بواسطة حلم عمري
