خريطة دراسة امتحان الاحياء والوصول الى ال 100
- طريقة الدراسة :-
- اولاً :- تبدي تدرس الفصل_الأول تختمو كامل ، وتركز كل التركيز على وزارياتو واسئلة الفصل واضح ؟ .
- ثانياً :- تنتقل لفصل الوراثة تدرسو تختمو وتركز على الوزاريات ( اهم شي الوزاري بالوراثة ) وايضاً لا تنسى اسئلة الفصل .
- ثالثاً :- تكمل الوراثة وتنتقل لفصل التكاثر الي هو فصل الثالث وتراجعو وتحفظ وزارياتو مثل اسمك واضح ؟ ولا تنسى أيضاً اسئلة الفصل .
- رابعاً :- لمن تكمل دراسة التكاثر تنتقل لفصل الأنسجة الثاني وتراجعو واهم شي اهم شي ماتطلع الا تضبط وزارياتو مثل اسمك مع اسئلة الفصل.
هذا التسلسل برأيي هو افضل تسلسل لأنه راعيت محتوى كل فصل , فالانسجة ربما اقصر فصل لكن اقرب فصل للنسيان لهذا خليتو للاخير , فصل الأول يندرس اول فصل لأنه تقريباً أكثر فصل دارسينو , الوراثة هي اقل فصل بي حفظ واكثر فصل سهل وينفهم قبل لا ينحفظ لهذا خليتو ثاني فصل يندرس , اما التكاثر فخليتو بمكانو المضبوط بحيث يندرس قبل الأنسجة فقط لأنه مطول يحتاج شويه وقت وتركيز .
- ملاحظات مهمة :-
- اولاً :- تدرس الرسومات فصل بفصلو وحسب التسلسل الي حچيتو فوك واضح ، بعدين من تخلص المنهج كامل ترجع مراجعة سريعة للرسومات قبل الامتحان مفهوم ؟ .
- ثانياً :- لا تدخل للامتحان الوزاري اذا مو ضابط الاسئلة الوزارية لأنه متأكد راح تجيب 120 درجة وزاريان مكررة بالقليل بالامتحان الوزاري ولو اتوقع ..... الذكي يفهم .
- لا تغير مصدرك قطعاً خصوصاً بهاي المادة ترا تتدمر ، اذا تريد اشر الاسئلة على مصدرك واقراهم بي لكن اياك تحفظ من غير مصدرك.
سالم ال منصور
شبكة نيوتن التعليمية
رد مع اقتباس
المشاركة الأصلية كتبت بواسطة ۛ ּمــذڪــڕاټ ̨؏ــاڜــڦ
