اكو عراقي حجه سالفة واقعية يكول :
تعرضت لحادث ونقلوني الى مستشفى الكسور ، بعد ان عالجوني ودوني للردهة وچان اكو بالردهة 3 زلم مكسرين كلش هواية ..
واحد متوسط العمر واثنين شباب ..
الچبير بيهم يضحك لحظة ويبچي لحظة فسألته عن السبب فبعد ما أطمأن قال : آني خال الشباب ونسكن بنفس القرية والدنيا دارت لنا ظهرها ..
اي شغلة نسويها تفشل
زرعنه ما صار مطر
اشتغلنا بيع وشره بالغنم ، انصابت بمرض وفطس الحلال
وين ما نذبها تنسد بوجهنا
فآخر شي فلسنة لا ظل عدنه ولا دينار
بس عندنا بالبيت مسدس وبندقية فقررنا نسلب ونخطف
لمن صار وقت الغروب حطيت المسدس بعبي ووقفت بالشارع وولد اختي وياهم بندقية وواقفين بعد كيلو عني
اجت سيارة بطة حديثة وبيها واحد امبين عليه ابن عز وزنكين
اشرت له وقف وصعدت يمه بالصدر مشينه 200 متر طلعت المسدس وخليته براسة قلت له انته مخطوف لا تتحرك وسوق ..
مشى الى ان وصلنا ولد أختي صعدو ليوره وحطوا البندقية بظهر السايق ومشينه وبعد مسافة دك موبايل السايق قلت له : جاوب قول لأهلك انك مخطوف والجماعة ايريدون فدية ..
ففتح الخط وجاوب بهدوء بعد السلام على المتصل قال : ترة آني ما كدرت افجرالسيارة بأول سيطرة راح انفذ باللي بعدها كلت له شكاعد تحجي
قال اي والله السيارة مفخخة وآني انتحاري ورفع قمصلته وطلع لابس حزام ناسف وشوفني دكمة التفجير وبعدها زاد سرعة السيارة
وهنا بدأ الموت يتراوالنه وبدينة نتوسل ونبوس يمعود ابو الغيرة قال : اتسلبوني واني ادور الشهادة وبقه يسب ويشتم ومصر إلا نبقه وياه ونموت سوه
بعدين بالتواسيل وافق ننزل والسيارة تمشي 140
الشباب فتحوا الباب وطفروا وظلو يجدحون بالشارع وآني بعدهم
وراها ما حسيت الا الصبح اني والشباب بالمستشفى فلهذا السبب اضحك وأبجي !!
حتى بالسلب والخطف الله ماموفقني. .
