ليش تغيرت عني شجاك
ﻋﻨﺪﻱ ﻳﻤﻚ ﻓﺪ ﻃﻠﺐ ﻫﻮ ﺍﻻﺧﻴﺮ
ﻭﻏﻴﺮﻩ ﻣﺎﻋﻨﺪﻱ ﺑﻌﺪ ﻣﻨﻚ ﻃﻠﺐ
ﺍﺭﺩ ﺍﺳﺌﻠﻚ ﻣﻤﻜﻦ ﺗﺮﺩ ﺍﻟﺠﻮﺍﺏ
ﻭﺧﻞ ﺟﻮﺍﺑﻚ ﻭﺍﺿﺢ ﻭﺑﻴﻦ ﺍﻟﺴﺒﺐ
ﺍﻧﺘﻪ ﻣﻮ ﻛﺘﻠﻲ ﻋﻤﺮ ﻣﺎﺭﺍﺡ ﺍﺧﻮﻥ
ﻭﺭﺍﺡ ﺍﻇﻞ ﻭﻳﺎﻙ ﻭﺑﺄﻧﻈﻒ ﻛَﻠﺐ
ﺷﻨﻬﻮ ﻣﻨﻲ ﺍﻟﺼﺎﺭ ﻓﻬﻤﻨﻲ ﻋﻠﻴﻪ
ﻭﻟﻴﺶ ﺟﺎﺯﻳﺖ ﺑﻬﺠﺮ ﺫﺍﻙ ﺍﻟﺘﻌﺐ
ﺧﻞ ﻧﺨﻠﻴﻬﺎ ﺍﻟﻨﻘﻂ ﻓﻮﻙ ﺍﻟﺤﺮﻭﻑ
ﻭﻻﺗﺤﻴﺮﻧﻲ ﻭﺍﺣﻴﺮﻙ ﺑﺎﻟﻌﺠﺐ
ﺍﻧﺖ ﺗﺪﺭﻱ ﺍﻟﻨﺎﺱ ﺣﺴﺪﺗﻨﻲ ﻋﻠﻴﻚ
ﻭﻣﻨﻪ ﻳﺎﺧﺬ ﻋﺒﺮﺓ ﻛﻞ ﻭﺍﺣﺪ ﻳﺤﺐ
ﻫﺴﻪ ﻟﻴﺶ ﺗﻐﻴﺮﺕ ﻋﻨﻲ ﺷﺠﺎﻙ
ﻭﻳﺎ ﺣﺠﻲ ﺍﻟﻌﻨﻲ ﺍﺧﺬﺗﻪ ﻣﻦ ﺍﻟﻐﺮﺏ
ﺭﺩ ﺟﻮﺍﺏ ﻭﻻﺗﺨﻠﻴﻬﺎ ﺗﻄﻮﻝ
ﻻﺗﺨﻠﻲ ﻋﻴﻮﻧﻲ ﺗﻨﻄﺮ ﻋﺎﻟﺪﺭﺏ
ﺍﻧﻪ ﻣﺎﺑﻌﺘﻚ ﻭﻻ ﻟﺤﻈﺔ ﺍﺑﻴﻊ
ﻭﺍﻧﺖ ﺑﺎﻳﻌﻨﻲ ﺑﺮﺧﺺ ﺳﻌﺮ ﺍﻟﺘﺮﺏ
ﻫﻴﺠﻲ ﻫﺎﻧﺖ ﻋﺸﺮﺗﻲ ﻭﺫﻳﺞ ﺍﻟﺴﻨﻴﻦ
ﻭﺍﻧﺖ ﺑﻌﻴﻮﻧﻲ ﻋﺸﺖ ﺍﻏﻠﻰ ﻣﺤﺐ
ﺍﻧﻪ ﻣﺎﻋﻨﺪﻱ ﺫﻧﺐ ﺩﻭﻡ ﺑﻬﻮﺍﻙ
ﻭﺍﻧﺖ ﺟﻨﺖ ﻭﻳﺎﻱ ﻛﻞ ﻋﻤﺮﻙ ﺫﻧﺐ
رد مع اقتباس
المشاركة الأصلية كتبت بواسطة كبريائي قاهرهم
