هنا

[مـصطفى]

اذا كعدت الصبح من النوم
وشفت الحيوانات هيَ الي تتحكم بالمشاريع و البزنس لا تتفاجأ ابد و لا تنصدم !
عام 2006 قررت شركة BGL GROUP
تقدم خدمة أسمها Comparethemaekt
الخدمة عبارة عن موقع مقارنة لأسعار المُنتجات ، كذلك يقوم بالتأمين على المنازل و السيارات والسفر ،
فچانت حملتهم الأعلانية الآولى بشخصيات حيوانية
اسمها "الميركات "
الى أن تطور الموضوع وصارت هاي الحيوانات هيَ الي تدير هذا المشروع أمام الزبائن ،

بعد دراسات شافو الحيوانات بيها مجموعة من الأيجابيات منها راح تترك آثار نفسية جيدة للمستهلك و تترك انطباع ايجابي والها تأثير عاطفي ممتاز بعدها أنتشرت وبكثرة سالفة أستخدام الحيوانات بالمشاريع الخاصة

و على سبيل المثال مُنتج شيبسي من أطلق حملته الأعلانية للمُنتج الجديد جانت القطط العنصر الأساسي بهاي الحملة ،

[مـصطفى]

احياناً التكرار مفيد

حسب رأيي الملحدين ٣ انواع ، اكو المثقف والقاري والباحث والحد عن قناعة ويطرح اراءه بشكل لطيف ومؤدب وغالبا النقاش وياه يكون ممتع.

والنوع الثاني هذا ما يدري ليش صار ملحد شافها مودة وطشة ويريد يصير مميز،
او يريد يشرب مثلا او يسوي علاقات خارج اطار الزواج فقرر يصير ملحد حتى يلگي مبرر لافعاله بدون اي تأنيب ضمير، وهذا عادة ماعنده مشكلة ويه اي دين بس من يجي يم الدين الاسلامي يصير ملحد، هذا يسمى نص ردن..!

اكو نوع ثالث وهذا اني احب اهينه، الملحد الطائفي..!! الي هو قرر يصير ملحد او "يدعي" الالحاد حتى يمارس احقر انواع الطائفية، ومن واحد يجي يگله يابه ترة انت طائفي، يجاوبه يگله اني ملحد وانعل ابو ذوله يابو ذولاك!!!
هذا انسان حقير وضيع وقذر، واكو منه هوايه!

[مـصطفى]

اكو وجوه من تشوفها تنطيك انطباع عن صاحبها، هل تتلائمون ولو معرفة على كد السلام او لا.
الموضوع فسرته الاديان الي تؤمن بتناسخ الارواح ان الاشخاص الي ترتاحلهم فهؤلاء كان لهم دور ايجابي بحياتك، والاشخاص الي تنفر منهم هذول كان الهم دور سلبي بحياتك السابقة، الاديان الابراهيمية التي لا تعترف بالتناسخ وتؤمن بحياة دنيوية واحدة تحدد حالة الروح في ابديتها، تقول ان الارواح اذا تشابهت انجذبت لبعضها واذا اختلفت تنافرت، واختصرها نبي الاسلام بحديثه "الارواح جنود مجندة ما تقارب منها ااتلف وما تنافر منها اختلف"، بهالبساطة.
الفلسفة من بدايتها انتبهت لهذا الموضوع وقسمت الشعوب وسلوكياتها بعيوبها ومحاسنها، حسب غذائهم ومناخهم مثل ارسطو وابن خلدون وغيرهم، وبالنتيجة الغذاء والجو ياثر عالملامح الي تنطي انطباع للمقابل بالرفض او القبول.
بداية القرن العشرين اكتشف العلماء ما يسمى الفرمونات وتاثيرها على الانجذاب والتزاوج بين الحيوانات.
وبينما كانت مختبرات العراق قد توقفت وتم سوق الجميع لحرب طاحنة ثمان سنوات، في القسم ا لا خر من العالم كانت مختبراتهم مستمرة على قدم وساق باكتشاف سر كلمة (حبيتك من اول نظرة/ او مدري ليش ما ارتاحله) اكتشفو وجود نفس هذه المادة الكيماوية اي الفرمونات تفرزها اجسامنا هي مسؤلة عن الجذب ولرفض اللاواعي والغير مرتبط باحكام. في اجسامنا كبشر ومن هنا بدا تفسير سر الانجذاب والرفض من اول مرة او بدون سبب.
من ماقيل اعلاه كله اريد ان اقول شلون راح اقنع واحد او وحدة ان فرموناتهم، هي المسوؤل الاول عن جاذبيتهم وتفرزها اجسامهم من الابط المخرج والسرة، ولا علاقة لجهاز المكرودة الضبعة التناسلي بازماتهم النفسية.
هاي شلون اقنعهم..

[مـصطفى]

احلى ما في الغرب هو ثقافة التجربة وحب التجربة الي عدهم، وهذا بالمناسبة خلقلهم فرص عظيمة للعمل.
شلون!!
الغربي من يزور بلد او ناس من بلد ثاني، يتعرف على كل ما يخص ثقافة حياتهم اليومية، يعني ما يخص الاكل والشرب والملبس والعناية بالجسم منتجات او رياضة.
كثير من المفردات الشرقية تحولت الى براندات فخمة يقتنيها الناس هنا ويدخلوها في روتين حياتهم.
مثلا شركة ritual شركة لصناعة منتجات للعناية بالبشرة كل منتجاتها طبيعية مستوحاة من تراث الشعوب بهالمجال شرق وغرب، وعدهم خط عطور زيتية لتعطير الاماكن ووياها مباخر فااااااااااااخرة.
هالشركة مسويتلها جيس حمام تبيعه ب8$
اما اذا باكيت كامل من ليفة وجيس وكم شغلة بالغرامات فيكلف مايقارب ال100$, ووياه هدية كارت يحجيلك عن تاريخ البراند ومنين مستوحى طبعا هم مستوحي من الحمام الكوري ويحجي عن فضل هذا الروتين بمنح الشعب الكوري البشرة النقية والمشدودة وغيره من كلاوات التسويق.
كذلك بالمشاريب، بهارات الشاي الهندية تنباع 21غم مايقراب 4$، بينما بهالمبلغ تكدر بالعند تشتري شجرة كاملة، بس بفضل البزنس وملاعيب الدعاية والتسويق تحول هذا المنتج البسيط من منتج يتناوله شعب مدقع بالفقر، الى منتج فاخر يدل على ثراء صاحبه.
وهنا الناس تشتري لان هاي المنتجات مو كمالية وانما منتجات اساسية نحتاجها بحياتنه اليومية.
هالنموذجين الي ذكرتهم حرفياً مشغلين الاف العمال ورزق لالاف البيوت، في الشرق حيث البلدان صاحبة المواد الاولية للبراند والغرب البلدان المستهلكة لمنتجات هذا البراند.

[مـصطفى]

اني مؤمن ان لكل شخص رسالة بهاي الحياة، ومؤمن هم لكل منا طريقته بايصالها، وبما انه احنه بزمن كل انسان يكدر يكون كل شيء يريده مع شوي جهد لتوفر المعلومة +الادوات، جاي اشوف هواي قنوات ياخذ اصحابها على عاتقهم ايصال رسالتهم.
وهنا لازم نبدي نحجي عن الرسائل المصورة الي تحتاج تشد المتابع من اول لحظة وتجبره ان يكمل، انشاء هوية بصرية كلما كانت فريد ومريحة للعين والاذن كلما تعلق بها المتابع اكثر، مرات يتابعون حتى اذا مكان في المادة ما يستحق او معلومة ميتوافقون وياها، ممكن يتكرر الموضوع مرة او ثنين روح عشرين بالاخير هم يريد المتلقي معلومة.
وهنا اللعبة معلومتك كلما كانت صحيحة مكثفة وبسيطة كلما كانت قاعدتك رصينة اكثر.
قبل شوي شفت فديو لبنت تقدم برنامج نسوي، اللنت طلتها حلوة متمكنة من ادائها مشكلتها كان بالمادة الي دتعرضها المادة المكتوبة كانت مكتوبة بشكل معلومة طايفة، الاخت المقدمة لاتعرف ان المرضوع الي كانت تتكلم عنه هو ايضا يعتبر جرم حسب منظومتها القانونية لكن هذه الانظمة معطلة لوجود مجاميع فوق القانون اقصد المجامبع الدينية/العشائرية ولوجود تحايل وفساد وايضا مقبولية اجتماعية لتزويج القاصرات، ثانيا والاهم المقدمة في مدخل الحديث عن زواج القاصرات اهانت طبقة عمرية من الرجال واعتبرت مرض السكري والضغط عار الامر الي دعاني لايقاف الفديو وعبوره والحكم على المحتوى.
كتابة سيناريو لبرنامج توعوي عملية لايمكن استسهالها او اغفال اهمي البحث والفلترة بيها خصوصا وانتو كبرنامج، دتخوضون في حقل الغام، ممكن يتحول البرنامج الى ثورة للتغير وممكن يتحول الى اضافة سيئة لسوق السوء الموجود في هذا العالم الصغير انتم من يختار الطريق والقرار بيدكم.
صدقا اتمنى لكم التوفيق نحن بحاجة فعلا لبرامج تناقش قضايا مجتمعنا الكثيرة..

[مـصطفى]

النسويات عدهن قالب جاهز للحريات وعلى اساسه يدافعن عن المرأة ولازم المرأة تعيش بالطريقة الي تناسبهن حتى يدافعن عنها.
يعني اذا المرأة اختارت تعيش كربة منزل وتدلل زوجها واطفالها راح يعتبرنها خاضعة ذليلة وتستحق التعنيف وتخرج من نطاق الدفاع.!
ولازم المرأة تعيش بالطريقة الي تحددها النسويات وتتبع نمط الحريات الي ينادن بي حتى تصير ضمن نطاق حمايتهن
او بالاحرى ضمن نطاق النساء الي يتاجرن بقضيتهن هه

[مـصطفى]

النسويات عدهن قالب جاهز للحريات وعلى اساسه يدافعن عن المرأة ولازم المرأة تعيش بالطريقة الي تناسبهن حتى يدافعن عنها.
يعني اذا المرأة اختارت تعيش كربة منزل وتدلل زوجها واطفالها راح يعتبرنها خاضعة ذليلة وتستحق التعنيف وتخرج من نطاق الدفاع.!
ولازم المرأة تعيش بالطريقة الي تحددها النسويات وتتبع نمط الحريات الي ينادن بي حتى تصير ضمن نطاق حمايتهن
او بالاحرى ضمن نطاق النساء الي يتاجرن بقضيتهن هه

النسويات يدعن لتقبل المطلقة والأرملة كزوجات دون رؤية اي عيوب بيهن

لكن هن دائماً يرفضن الرجل المٌطلق وما يقبلن بي كزوج بأعتبار عنده تجربة سابقة فاشلة.!

المجتمع ذكوري لكن يدار بالمزاج الأنثوي

[مـصطفى]

ما تنمرت ابداً على الناس المؤمنة بفطرتها ان الادعية والزيارات والحرمل ممكن تقيهم من كورونا ولا اعتبرتهم ناس اغبياء ابداً
في بلد ما بي ابسط مقومات السلامة والوقاية من الوبائات ضروري يكون عندك شي تستند عليه حتى ما تموت من الرعب شي يطمنك ولو شوية
احنا العقلانيين مرعوبين جداً كوننا نعرف حقيقة ان لا علاج للمرض ولا اي طرق وقائية ممكن تحميك تماماً وننتظر اصابتنا بأقل خطأ نرتكبه
الفرق ان هم ينتظرون مثلنا بشوية اطمئنان بداخلهم.!

وكلنا نعرف ان الايمان حاجة والفقراء بهيج اوضاع يكونون بأمس الحاجة للأيمان وهالاشياء موجودة بكتبنا الي نقراها ودائما ما نتناقش بيها فكرياً فليش من تصير على ارض الواقع نتنمر عليها.!

[مـصطفى]

المثلي عنده عالم خاص وتجمعات خاصة ومواقع تواصل خاصة ونوادي وملاهي خاصة وما يقبل احد يشوفه مختلف.!

ما اعرف ليش المثلي محتاج يعلن عن ميولة الجنسية وما يحتفظ بيها كخصوصية ما تتعدى الفراش وليش ما يكمل حياته طبيعي ومو شرط نعرف هو شيشتهي.

العالم صار مقرف بمسألة التعاطي مع المثلية والتطبيع الها واجبار الناس على تقبلها واحترامها والطعن بأنسانية كلمن ما يحبذها ولا يشوفها شي طبيعي.


ولكن بالنهاية
استسهال الموضوع ..
اغماض العين عن المواجهة ..
راح يخلينا نصطدم بناس تدافع عن العهر ..
وما تهتم لقيمة الشرف ..

[مـصطفى]

انعدام ثقافة الطب النفسي وخجل الناس من مراجعة الطبيب النفسي مشكلة تنضاف لقائمة المشاكل المجتمعية الا منتهية وهي الاساس بأغلب المشاكل.

من الطفولة تبدي العقد النفسية تتشكل داخلنا بداية من سوء معاملة الاهل بقصد وغير قصد مروراً بعقد المعلمين الي تتفرغ بينا بالمدارس وبيئة الشارع ومراهقتنا الي يتم التعامل معاها بشكل خاطئ من قبل الاكبر سناً وتحمل المسؤوليات بوقت مبكر ناهيك عن الضروف البيئية ومشاكل البلد وانفصام المجتمع.
كلها عوامل تحولك الى انسان مأزوم نفسياً وتعاني من مشاكل نفسية غير مشخصة انت نفسك تجهل الاصابة بيها لذلك دائماً ما تستغرب نفسك بتصرفات لا ارادية وغير مفهومة وتجهل احياناً سبب بأسك ومعاناتك.!
اضافة الى ان الامراض النفسية اخطر من البايلوجية والاخيرة ٧٠٪؜ من اسبابها هي نفسية