هنا

[مـصطفى]

هو ليش مقدمات فقرة الطقس في بعض القنوات العراقية لبسهم يشبه الى حد كبير لبس "فتيات المواعدة" الدرجة العاشرة.
يا عيني هذا تلفزيون، يعني ملايين المشاهدين يعني عوامل متكاملة، ميرهم ما تصرف للصورة حتى تضمن مادة صورية براسها حظ.
مادري القناة تجبر المقدمة على ستايل معين لتبدو مثيرة بستايل مخربط ؟!
طيب هل يتابع مدير البرامج والاخبار بقية القنوات العربية والعالمية ويشوف نوع الملابس الي تلبسها المقدمات؟!
هل سامعين بشي اسمه ستايلست، يفترض يستعينون بي لاختيار المقدمات او يساعدهم باختيار ملابسهم او يدخلوهم دورات تحسن من اختيار ملابسهم.
اقصد حتى اذا رادو يعتمدون الاثارة لجذب متابعين اكثر لقنواتهم، فممكن تكون مثيرة وبملابس مرتبة.. نظيفة.. متناسقة.. مكوية.. ماتريال القماش حلو يكعد عالجسم، يعني اثارة كلاس افضل بكثير من اثارة چييب كانه طالع ببث حي من احد ازقة اقليم الطوايل .

[سـمــيــر ..]

عمي الله بالخير يا ولد موجود لا ..؟

[مـصطفى]

عمي الله بالخير يا ولد موجود لا ..؟

شني كاعد بفاتحه

[سـمــيــر ..]

شني كاعد بفاتحه

شوف عيني ..

اني اكرهك وانته تبادلني الشعور بل تأكيد ..
ليش منعلن الحرب علنية بيني وبينك ..؟
شتكول لو عندك رأي ثاني ..!

[مـصطفى]

شوف عيني ..

اني اكرهك وانته تبادلني الشعور بل تأكيد ..
ليش منعلن الحرب علنية بيني وبينك ..؟
شتكول لو عندك رأي ثاني ..!

لا خليها حرب بارده خويه واني اجددلك كرهي يا مكروه

[سـمــيــر ..]

لا خليها حرب بارده خويه واني اجددلك كرهي يا مكروه

أموتك بشرفي
روح شردت ..

[مـصطفى]

أموتك بشرفي
روح شردت ..

لا اتتنتتتت اي

[مـصطفى]

ماتذكر شكد جان عمري بس جنت مندمج وي الاغنيه حيل حاضن الصوبه، دخلت بنت اقاربنا تبلغ امي "فلانه انتحرت" امي خرمشت خدودها وبدات تبجي والبنت الثانيه هم، جان لازم يبجون بدمع ماينسمع لان المنتحره مدانه لانها تنتهي بتاء تأنيث ومدانه مرة اخرى لانها لم تحتمل المعاملة المحترمة والانسانية لاباء الغيرة والشرف في سجون القايد الاوحد.
بيت فلانة اخذوهم بليلة ظلمة للامن العامة، فلانة كانت توها فايته بالعشرينات هادئة جميلة يضحكها الهوه الناس تحسدها لسرعة وسهولة وبساطة ضحكتها.
بقت فترة في الامن بعدها طلعت مو هي نفسها، وانهت حياتها بالقفز من احد جسور
محد لحك عليها، ولا احد عرف شصار وياها، لكن ممكن تتخيلون شنو شافت الي خلاها تقرر تنهي حياتها بايدها.
لم يعاقب من تسبب بسحق عائلة كاملة، لا كاتب التقرير ولا المشرف عالتحقيق ولا المشرفين عالتعذيب ولا المسؤلين عنه، بالعكس استثمروهم لانتاج المزيد من الفلانات المنكسرات..

[مـصطفى]

انا واقع تحت تاثير مشاعر سلبية نقلها الي فيلم the wight tiger انتاج بوليوود ....
كتبت الف مرة ومسحت، اعلنت كراهيتي لكل شي وسبيت وحجيت وثرت وغضبت وكسرتلي جم حرف وسحلتلي كم تنوين فتح ورفعت المجرور وكسرت المنصوب ورفيت بنص ام ادوات التوكيد.
سجلت فديو البؤوس بي شگابين شگابين، قبل لا لنطي ايعاز نشر، مسحت كلشي.
بعدين اخذت نفس عميق عطست مسحت خشمي صار احمر وديحركني لان داستخدم عصارة diffren اعتقد هيج اسمها، وميبسة
سويتلي زنجبيل بالليمون كعدت رجل على رجل تمنيت لو اكو جكاير جان دخنت بس لحسن حظ رئتيني، بطلت تدخين
قررت ان ما اكتب اي شي، واني تحت تاثير ما، تعلمت ان اتنفس بعمق واباوع للسكف والكالي فكرة ثانية افكر بيها.. فغنيت ها سمرة بس .. واستمريت وطز بكل شي وهاي الطز ايضا ظلال خفيفة لتاثير كتاب قريته مدري شنو ومدري شوكت.

[مـصطفى]

وحده من مشاكل العراق ثقافة تمجيد الموت، واغداق المدائح والاوصاف البطولية والتقدير للميت/الضحية، هذا ما جعل الشباب يتراكضون بلا وعي لحتفهم، وبالتأكيد شجع كل السلطات دينية او ايدلوجية بالاستمرار في ممارساتها العنيفة تجاه المجتمع.
لعد بشرفكم هل هي طبيعة سوية ان تودع الام ابنها بالهلاهل لقبره.. او ان يسمح الاب والام لاطفالهم بالانخراط في مجاميع مسلحة لغاية سلطوية ويحتفلون بي، المتاجرة بالحزن ضد الطبيعة البشرية السوية، وما نحن فيه من تمجيد للموت مرض اجتماعي خطير تروج له السلطات انتبهو.