هنا

[مـصطفى]

اقل شي الواحد يرجع 20 سنه من يسمع هاي الموسيقى

[مـصطفى]

برأي الخاص والما الة داعي ممكن ان بيوم من الايام راح يمل الاطباء من محاربة الأمراض وتطور البكتيريا، وبمساعدة العلماء ممكن ينقلون الوعي الخاص بيك الاله ذكية وقوية
وممكن تنقل وعيك من التنوما لروبوت ايجار بجزر الهونولولو تگضي بي العطلة عادي كلش

ماتصدگ؟ تخيل تروح للماضي وتكول لجد جدك خابرت صويلح الطالع تهريب لالمانيا صوت وصورة، شراح يجاوبك؟ يزيجلك طبعاً

العلم مجنون وكلشي ممكن يتحقق بس غير يخلونة نحرر فلسطين

للخلود عدة أشكال

[مـصطفى]

عن الإعادة في الأغنية فقط، أتحدث
اِسْتَمِعْ لأية أغنية عراقية، تجد إن إعادة المقطع الغنائي يتردد بالتفصيل نفسه عند المغني والفرقة الموسيقية والتوزيع نفسه ..
واستمع لمقطع من أغنية (بستناك) لنجاة الصغيرة وتحديدا حفلة الكويت ..
هي تعيد كلمات (مرايتي ئوليلي يمرايتي حبيبي مكاش لي بالوئتي وفاتني بوحدتي وانت) أربع مرات ..
وتعيد كلمات (أبصّ لروحي وأصعب على روحي نسيني ليه، حبيبي وأغله من روحي نسيني ليه على نغم الصبا لأربع مرات)
كل مرة بطريقة مختلفة ..
وبأداء مختلف ..
يا ملحنين .. يا موزعين .. يا مطربين ..
للإعادة وظيفة .. وفرصة لأداء جديد .. مو تعيد السالفة ..
تره اتحملناكم هواي ..

[مـصطفى]

مايسمى بالمدونين واللي هي ما ادري شنو يعني مدون، عموما واعلاميي السلطة ولواحيكها وعباهلة المثقفين

فارشين و نايمين بالكلاب هاوس

حجاية والثانية وكلك لازم تحاورون الحكومة لازم تشتركون بالانتخابات لازم تنتخب

[مـصطفى]

حتى تعرف شنو 'امريكا'
امس بايدن وقع على طبع (1.9) تريليون دولار..
بجرة قلم امريكا حصلت على 1900 مليار دولار (بكد ميزانية العراق ل25 سنة) كلف امريكا اوراق طباعة فقط..
(اي عملية طباعه يجب ان يتوفر مقابيله مخزون ذهب وامريكا استثناء)
روسيا والمانيا واكبر دول العالم تكد وتتعب وتصنع وتصدر سنة كاملة ماتكدر توصل لربع الي حصلتة امريكا بجرة قلم...

السبب الي جعل امريكا تسيطر على العالم هو بناء القواعد (عين الاسد مثلا) واستعباد الشعوب وزرع الفوضى وتغيير الانظمه وجعلها انظمة عميلة!!
-لهذه الاسباب امريكا تعبر القارات وتتحكم بمصيرك، حتى الامريكي يصعد فيراري وانت فرحان بسايبة!!!

[مـصطفى]

امريكا، بريطانيا،المانيا وهواي دول بعد ما تعمتد على (الشهادة) خلال التعيين
الان يعتمدون على (المهارة).
يعني حتى اذا ما عندك شهادة وانته سوفتوير جيد او دزاينر جيد او مختص بمجال، تكون الاولوية الك بالتعيين

العراق الي يعيش بالعصر الحجري
تكون الاولوية اذا عندك (شهيد)
وهذا سبب من اسباب تعيين ناس مو ختصاص ولا كفاءة
بمناصب واماكن ادارة الدولة

-يعني اذا شفت منهولة اعلى من الشارع كول المنهولة مستهتره لا تكول المهندس واسطات

[مـصطفى]

ماذا؟!
لو أن التأريخ كان قد بدأ قبل ساعة
لكنا قبل دقائق نعيش في الغابات والفيافي
لكنا الآن نفترس البهائم والطير.

لو أن التاريخ كان قد بدأ قبل ساعة
لكانت حياتنا الجنسية تجري بسهولة ويسر
على أطراف الغابة ،على الرمل الحار
على شاطئ البحر، بعد أن نقذف بشبكة الرغبة
تخرج لنا الأطفال والأسماك بفطرة المحبة والخوف.

لو كان التاريخ كان قد بدأ قبل ساعة
لكنا مازلنا نركض وراء الطريدة
بفؤوس الجوع والقلق.

لكن لا، التأريخ كان قبل ذلك بكثير,كثير جدا
التأريخ مازال يراوح في مكانه.

الفرق أن الذي كان يجري في الغابة
والصحراء وعلى شاطئ البحر
يجري الآن في غرف سرية
في قصور سرية
وكتب مقدسة.

[مـصطفى]

قبل يومين جو شو مسوي جلسة بالكلاب هاوس
وجان اكو مصري سويدي
فسأله جو
كله صحيح يمكم بالسويد الناس تنتحر من كثر الرفاهية

والولد اكد اله انعدام المشاكل في الغرب وان الحياة مملة من كثر الرفاهية

هذا جو شو رايح اغلب بلدان اوربا
ورايح لجلسة استماع بالكونغرس وهذا مستوى تفكيره وتحليله للغرب
هذا الساذج يفكر مثل ماجان يفكر حجي شمخي بالستينات

اوربا والغرب مليانة مشاكل اقتصادية واجتماعية
الانتحار بسبب ضغط الحياة مو بسبب الرفاهية ياجو

المشكلة جو وغيره يصنعون رأي مجتمعات وهمة بهالسذاجة من الطرح والتحليل وضعف الملاحظة

[مـصطفى]

بداية كل يوم جديد ، بداية فرصة جديدة لتحقيق الحلم بداية لطرد الافكار السلبية وزرع أفكار ايجابية

من هل اليوم اوعد نفسك :-

- تتغيير للأفضل راح تلتزم أكثر .

-راح تقوي علاقتك برب العالمين اكثر.

- راح تكون لنفسك كل شيء ومتحتاج احد

- راح تسوي كل واجباتك ع اكمل وجه ومتقصر ب شيء
- تدرس بجد ، وتكمل طريقك

- تخطط ، وتخلي هدف وتشتغل عليه .

- تخلي ببالك مرت 5 اشهر من السنة وتشوف شنو انجزت ؟ شنو حققت ؟ وتراجع حساباتك من جديد.

- تبتعد عن كل شخص مؤذي .

- تنسى الماضي وتركز بالحاضر حتى تصنع مستقبل يليق بيك

- وأخيراً تهتم بصحتك لانها اهم شيء

[مـصطفى]