دائما تشوف بالافلام خصوصا الامريكية بطل الفلم يضرب واحد راشدي او دفره وياخذ سيارته ويشرد او يلاحق شخص معين، وصاحب السيارة او الدراجة محد يهتمله لا اللي بالفلم ولاالمشاهد..
تره احنه هذا اللي ينضرب دفره وياخذون سيارته ويشردون بيها، فـ شوية لازم نتفاعل وي حقيقتنا اللي بالافلام مو نضحك ع نفسنا او نگول لبطل الفلم عفية!
مو؟!
التعديل الأخير تم بواسطة مـصطفى ; 27/February/2021 الساعة 4:19 pm
محد يگدر يگول للطبيب انت مامجبور ع الطب انما تشتغل بفلوسك؟!
محد يگدر يگول للمعماري انت ليش تنزل صورك بجوار نصب الحرية تره انت ماخذ فلوس وهذا كذلكريعتبر انجاز لفترة عبد الكريم قاسم؟!
ومحد يگدر يگول لكاظم الساهر ماكو داعي تطلب جماهيرية ومؤيدين لان انت تغني بفلوسك ؟!
ومااعتقد اكو واحد يحجي على الروائي الجيد ويگله اكتب واسكت لان انت جاي تكتب وتاخذ جوائز وفلوس؟!
بس من توصل للجندي بالقوى الامنية او الحشد يگلوله لاتحجي زايد انت ممجبور تروح للحرب ، ممجبور تحجي وتطالب بالدعم الاعلامي لان انت ماخذ فلوس على عملك ، نعامل الجندي وكأنه حارس شخصي النه، وكأنه الة حديدية او شركة امنية او نعامله وكأنه موظف بدائرة الضريبة !
افهم ان الجندي مو موظف ، مو موظف يمعود، تره هي مو هوسة وتريد تنبص بيها بطلوا تخبلون بنفسكم المنطق واحد لو يجي ارسطو من جديد مايغير المنطق حسب مزاجك وعقلك الجمعي البائس هذا !
بعض العراقيين من يريد يختلف وياك ( وهو في اعلى درجات ثقافته ووعيه) مدري ليش يروح زايد بحديقة الحيوان ، يااخي اختلف ...
بس لاتدخل لحديقة الحيوان وتبقه تگمز مثل البعير !
والنوب لاتحچي على غيرك وتسيء الهم بالجهل والوصوفات الهمجية وتحاول تترفع عنه باساليب رخيصة!
اختلف بس لاتتخلف
ماكو اي علاقة بين الجمال والنزاكة
يعني ربما تلگه شخص مو حلو بس هو نازك وعطره يمشي گدامه واظافره مقلمة وملابسه كشخه واسلوبه يجنن.
وربما اكو انسان يخبل وحلو وعيونه زرگ بس ريحة جسمه تلزمها بيدك ، وتخلي عيونك تدمع!
وهنا من تشوف انسان حلو متزوج شخص مو حلو فتش عن اسباب اخرى راح توصلك لقناعة انت ماجنت مؤمن بيها!.
اذا ماگدرت تسعد الاخرين حاول تسعد نفسك فقط، (تره مو عيب ترتاح انت دون الاخرين )فتش على جزء من السعادة بحياتك، ممعقولة تبقه تلف وادور على الم جرحَك بيوم من الايام !
ممعقولة تبقه شايل جرحك وتفرفر بيه گدام الناس وتصيح مجروح، محد راح يضمد جرحك دون مقابل لو مو اليوم باچر راح يجيك ويگلك اطلبك ضماد تعال, وانت مطلوبلي واذا ماوفيته راح يفضحك ويتشمت بيك كدام اليسوه والمايسوه ؟!
دور على روحك وين تايهة، بيش مشغولة، شوف وين گاعدة، فززها بكلمة، فززها بغدٍ افضل، اصنع يومك من الخيبات اللي مريت بيها اللي مااذت احد بس حياتك، الخيبات اللي تگدر تمر عليك وتغلس عليها بس راح يجي اليوم اللي تحولهن الى وعي چنت محتاجة بلحظة ضعفك !
دور على گلبك الطيب، باوع على وجهك بالمرايه شوف الله شمنطيك من عافية، شمنطيك من صحة !
اللي يضحك مو احسن منك
واللي يفكر مو افضل منك
واللي يسولف تگدر تخليه ينعجب بسوالفك انت ايضا
مشكلتك من تتمرض ماتقبل تروح للطبيب
واول طبيب لانكسار روحك
هو انت
انت من تعرف قيمتك وقيمة الوقت اللي جاي تضيعه بسوالف مالهن قيمة راح تعرف وين علتك وعلاجها !
سنة 1995 لزمو حرامي أمريكي اسمه "ماك آرثر ويلر" وهو يحاول يسرق مصرف في عز النهار !
ومن حققت ويا الشرطه سألوه ليش ارتكبت الجريمة بهذا الوقت و بدون وسيلة تنكر ؟
اندهش و انهار وهو يصرخ ويگول اني متنكر
هنا اضطرت الشرطة أن تواجهه بتصوير كاميرات المراقبه الي بينت وهو بدون أي قناع !
جاوب "ماك آرثر" بكل ثقة وأريحية وگال چنت داهن وجهي بعصير الليمون لاعتقادي هو مثل الحبر السري وهو راحيمنع اي احد يتعرف على ملامحي وحتى ما تشوفني كاميرات المراقبه
هاي الحادثة ألهمت العالمان النفسيان "دانينغ و كروجر" لاطلاق النظرية النفسية الشهيرة واللي سميت بـ (تأثير دانينغوكروجر Dunning–Kruger effect.).
والتي كان فحواها :
"أن الأشخاص متدني الذكاء وقليلي الكفاءة دائما عندهم إحساس بجنون العظمة وواثقين من قدرتهم الضعيفة لأقصىحد"
لو فكرت للحظة راح تشوف كلامهم منطقي جدا إلي حد مخيف لدرجة أن هاي النوعية من البشر موجود بكل مكانحولنا..
في الكتاب والشعراء اللي يتفاخرون بكلماتهم الركيكة.. . في الإعلامي الي يعتقد انه حامل لواء الشرف والوطن مع أنهفاشل وكذاب .... في السياسي المعتوه الي يتوهم نفسه خطير ولا احد مثله ! ... وفي وفي
في نفس اللحظة تلگه من الموهوبين والأذكياء يعانون من وساوس وشكوك وأحاسيس سخيفة تبينلهم لا يستحقونالنجاح الي وصلو اله ودائما يخافون ينكشف امرهم في بأي وقت ويطلق علي هذه الظاهرة متلازمة المحتال أوImpostor syndrome
مشكلة العالم أن الأغبياء والمتشددين واثقون بأنفسهم أشد الثقة دائما، أما الحكماء فـ تملؤهم الشكوك.....
مسكين...
فعلا الحكماء تملأهم الشكوك
والاغبياء بتصرفاتهم واثقين فيعيدون دائما التجارب لثقتهم بأنفسهم
مو مشكلة اذا عافك انسان چنت تتصوره كلشي بحياتك، من تاكل تتذكره وتكول اتمنى هاي اللگمه اله، من تطلع سفره تتمنى رجله على رجلك!
انسان چان يحبك ويخاف عليك ويريدك بكل وجودك وبلحظه ماتعرف شنو تسميها يتغير ويبدي يتراجع عنك، يوم يمك يومين يم غيرك، وتجي اللحظه المخيفه من يگلك بكل برود كلشي انتهى!
كل هذا مو مشكله المشكله والكارثه من تبدي تتجاوز كل اللي صار وبديت تبحث عن شخص بديل او حضن بديل راح تتبع نفس خطوات اللي صارت ويه اللي عافك بلحظه، لحظة رادت تنهي وجودك من الحياة وحسيت بيها اي معنى ما الك ؟!
القلم اللي مايكتب بيدك حلو
اشمره لغيرك
ممكن يستفاد منه
انت ابحث عن قلمك الخاص بيك ، يخط تحت اصابعك كلمات من ذهب وحروف معدنها اصيل ، قلم تكتب بيه مو تحك بيه اذانك؟!
كلام عين العقل:::من وجد البديل نكر الجميل::::كل ساق سيسقى بما سقى
اللادينية : هي اتجاه فكري يرفض مرجعية الدين في حياة الإنسان ويؤمن بحق الإنسان في رسم حاضره ومستقبله واختيار مصيره بنفسه دون وصاية دين أو الالتزام بشريعة دينية، وترى أن النص الديني هو مجرد نص بشري محض لا ينطوي على قداسة خاصة ولا يعبر عن الحقيقة المطلقة.
الاعتقاد ببشرية الأديان، بغض النظر عن الاعتقاد بفكرة وجود إله أو آلهة أو عدم الاعتقاد بذلك ، يعني قد يكون لاديني ملحد أو مؤمن بالله !
والمقصود بالدين هنا كل ( الاديان ) بمذاهبها .
وبحسب الموسوعة المسيحية العالمية "باريت" طبعة 2001م، فإن عدد الديانات في العالم عبر التاريخ بلغ حوالي 10000 دين متميز ..
لمن يكون اتجاهك الفكري لاديني ، يعني انك تاخذ نفس الموقف من جميع الاديان والمذاهب وكل مظاهرها وفعالياتها واعيادها ، يعني صلاة الجمعة والتراويح والمناقب النبوية عند السنة وفعاليات عاشوراء عند الشيعة والقداس وعيد القيامة عند المسيحين وعيد الغفران عند اليهود وعيد الصيام عند الايزيدين !المشاركة الأصلية كتبت بواسطة مـصـطـفـى
اما تكون حيادي وتهنىء كل المذاهب وتجاملهم مجاملة بسيطة لاجل نشر روح التعايش بين المكونات ، او لا يحق لك ان تهاجم دين او مذهب وتتقرب وتداهن دين و مذهب اخر ، وانت تدعي بانك لاديني اوملحد ..
