هنا

[مـصطفى]

حياتنا بالمجتمعات الشرقيه عباره عن منافسه
كل شي منافسه
طبعا مابيها شي المنافسه الشريفه اذا كانت بمجال معين

لا، احنه منافساتنا مو شريفه ، تجبرك تخوض حياة انت ماتريدها ولا مخطط الها

ولهذا تشوف حتى اللي واصل وعنده فلوس مامرتاح لان يحسها مو الحياة اللي يريدها ويشعر بضغط المنافسه
واعتقد هو هذا السبب بقلة المواهب بالعراق والكفاءات
الاغلب ماعدهم الجرأه يتركون غمار المنافسه على الهندسه والطب ويروح مثلا قسم يحبه مثل الموسيقى والفنون وغيرها حتى لو يدري بنفسه راح يحصل نفس الاموال اللي يحصلها هناك ..

قبل فتره سمعت طالبه بكردستان منتحره لان مامحققه درجات عاليه ، خطيه ماكدرت تتحمل ضغط المنافسه اللي تعيشه ، والا لو كانت عايشه بمجتمع محد اله علاقه بالثاني چان كلش طبيعي تعيد سنه وحتى عشر سنوات ..

حتى هنا بالدرر و بالفيسبوك اكو منافسه ، تحسه مثل حلبة المصارعه كلها تتعارك حتى يفوز بينا واحد بالنهايه يكول انا افضلكم واحسنكم وافهمكم ولذلك تشوفها صايرة عرايك بالسكرينات من كل حدب وصوب ومحد يقبل يكول اني غلطان خاف يخسر المنافسه ..

السبب اللي يخليك تتمنى تعيش باوربا وامريكا وتشرد من مجتمعك ، هو انو هناك ماكو منافسه من هذا النوع ومحد اله علاقه بالثاني لهذا تريد تتصرف بحريتك هناك بدون ماتخاف انك تخسر المنافسه ..

قبل شوية اتصفح وشفت شاب قاتل اثنين من خواته هو الخبر قديم شويه لان ناشرات صورهن بالفيسبوك ، واللي دفعه لهذا الفعل ان مايريد يخسر منافسة الشرف ويه اقربائه وابناء محيطه ، عادي يضحي بخواته وحتى امه او اخوه او اي احد رغم هو مو احسن منهم لكن حتى يبقى بالمنافسه مال الشرف اللي يخوضها ويوصل رسالة لمنافسيه انو انتم مو احسن مني شرف ولذلك قتلت خواتي ، فالمسأله لا دينيه ولا اي شي والدليل لو هو عايش بكوكب ووياه خواته وشخص غريب آخر فقط ، وهذا الغريب يشوف خواته بدون حجاب ماراح يقتلهن او يأذيهن لان ماكو احد ينافسه هنا ..

بالنهاية ، طوبى لكل واحد عنده جرأه ينسحب من المنافسات اللي مجبور عليها ويعيش مثل مايريد..

[مـصطفى]

احمد البشير واحد من دعاة الفوضى بالعراق ، لايدور اصلاح ولا شي حاله من حال البزاز والكربولي ، يتعاطون ويه الاحداث بطريقه ناعمه تعبر على السذج اللي واحدهم من يشوف البشير يشفي صدره بتسقيط شخصيات هو يكرهها ويشوفه مو ضده (وهذا المهم عنده) فيتوقعه وطني ومصلح وداعم لقضيته ولكن هو ماداعم الا للفوضى لان خبزته عليها ..

وبصراحة نتائج برنامجه على الواقع جدا سلبية، لان ٩٥% من شبابنا يتوارثون التوجهات السياسيه من الاهل مثل اي صفه اخرى ، هذا يعني سخريته من رجال الحشد لم تنتج الا جمهور حشداوي متعصب وسخريته من مقتدى الصدر لم تنتج الا جمهور صدري متعصب ، (غير هم ذولي اللي منتظرين احمد البشير يخلصكم من تقديسهم للرموز ؟ منو بعد غيرهم ؟ )

عن الحلال والحرام بقت فئه ثالثه متأثره بي الي مقدسهم مره جبته بالطاري بصفحة احمد ، وره دقايق حذفت تعليقي لان سووا عليّه حفله مال اعضاء تناسليه وخفت لايجي واحد يفجر نفسه يمي ..

المهم ، البشير ما انتج جيل حر ولا راح ينتج ، لان اصلا تحرير النفس شي مو سهل يحتاجلك سنوات من العمل على نفسك وزعزعة الاساسات ، اما السخريه وعلى طريقة البشير فما تنتج الا جمهور متعصب و رث بنفس الوقت وعاد شلون احنه عايزين رثاثة ؟

اصلا الرموز المقدسه احنه جنا ننتقدها هنا بأيام ماجان البشير داعم لجماعة قادمون يا بغداد ، وهو اجه و كل اللي سواه تغاضى عن مقتدى الصدر طيلة ٥ مواسم وما انتقده الا لما صار بينهم خلاف شخصي ..

عموما ، لاتصير ساذج ، مو كل واحد يتهجم على الاحزاب معناتها هو خوش ولد واحسن منهم ولازم ناخذ كلامه راس مال ، اذا هيج المنطق فماكو واحد يكره الحكومة اكثر من رغد بنت صدام يعني هم لازم نقدسها منا ورايح هي والرفيق عزت ابراهيم الدوري وننصت بأذعان لخطاباته لانها تهاجم الحكومة واحزابها ولاتعترف بالقدسية كذلك ..

[مـصطفى]

في العقد الاخير وما حمله من تطور تكنلوجي رهيب، اصبح من السهل الحصول على المعلومات، لذلك بدأنا نلاحظ ضهور طبقة ثقافية(نص ردن) على الساحة.
بعد نقاشات كثيرة، بدأت بملاحظة ان هناك طبقة لا يستهان بها من الشعب العراقي، ممن يمجدون ويمدحون المجرم هتلر، ويدافعون عن تلك الجرائم بحق سكان اوربا والعالم، ومما يزيد الدهشة والتعجب، ان هؤلاء اصبحوا يتمنون ظهور حركة تشبه النازية في العراق والمنطقة العربية.
الازدواجية المطلقة عند الكثيرين اصبحت شيء بديهي في هذا المجتمع، فتراه يمجد هتلر ويشتم صدام رغم ان الاثنين مجرمان مع احزابهم وكل من اتبعهم.
.
صحيح اننا ندعم الحرية المطلقة للافراد، لكن لا السماح لهؤلاء بالتجمهر مستقبلا هو امر مرفوض، فالتجارب السابقة تكفينا.

[مـصطفى]

اني برأيي القوانين ما وُجدت لكي تتم من خلالها تنظيم حياة الناس وتسهيلها ومن هاي الكلاوات ، لا اطلاقآ ، وإنما لكي يتم من خلالها إستعباد الناس وإستغلالهم بإسم القانون ،

وإلا بعز أم الحظر والتشديد الي صاير يروحون يفتتحون جسر مدري طريق سامراء ــ رمادي وأكثرية المتواجدين من دون " كمامة " زين ذولة مشمولين بغرامة " الـ 25 " لو لا

كلاوات قانونيه

[مـصطفى]

الجمال المثالي مزعج لدرجة انه يطردك ولا يجعلك تتأمل فيه شيئا
احب ذلك الجمال الذي تكتشفه انت لا يدلك عليه ذاته
ان لا يكون الجمال وحده المسيطر على كل شيء
إن أجمل امرأة في العالم لا تدرك ذلك
. يدركه شخصا واحدا فقط
هو من تنبعث منه الاقاويل والرؤية
ذلك الجمال الذي يدركه الجميع انه جمال خداع
ينتهي بعد القول وان أعظم الأشياء لا تقال
ان يبقى المجهول سرها هو ما يحيلها الى مستحيل
وان الاستحالة هو الشكل الامثل للجمال

كل اعتراف بالجمال هو تحقق غاية الجمال
إفساد لروعته. تدنيس لشكله المثالي
المرأة الأجمل بالعالم هي المرأة التي لا اشاركها القول
حتى لو كانت لا تدرك ذلك فالأهم انها غير مدركة وليست قادرة على التفكير بذلك الجمال
ان لا يتحقق الجمال الا بالافصاح أيضا هو سره

كما يقول ريلكه وما الجمال الا بداية الرعب..
هذه الجملة الساحره هي تدليس
الرعب الحقيقي يكمن في سر الاعتراف
في سر القول والتلقي،
ليس الجمال بداية الرعب بل الاعتراف بالجمال هو بداية الرعب كله

[مـصطفى]

املك شتائم كثيرة للطغات والصعاليك
شتائم عدة
وربما هذه الشتائم تجلب لي الموت في يومآما
احتفظ بها كما لو أنها موهبة أدبية
اطلقتها كثيراً امام السفلة
والناس الذين يعتبرون إن الشتائم عادة سيئة
اطلقتها في حضور القديسين والخونة
والاطباء الذين يشفون الناس بأموال كثيرة
وامام رجال الدين حين انطحنوا في السلطة
ولأن وقد كبرت وأخذت هذه الموهبة
تكسر ظهري ،
اريد ان أبيعها كي لا تنقرض هذه الموهبة
وتختفي كلدينصورات
أريد ان اطمئن عليها قبل موتي
ويشتريها مني احدكم بأي ثمن...

[مـصطفى]

الشعب العراقي بعده ما متجاوز مرحلة التفكير السحري
وايمانه قوي جدا بهاي الخرافات
اقوى حتى من ايمانه بالعقائد الدينية

ممارسات السحر والشعوذة وهاي الملاعيب
الها اهمية كبيرة بالمخيلة الشعبية العراقية
وما ممكن فهم طريقة تفكير العراقيين بدون فهم علاقتهم بهاي الممارسات وايمانهم بيها واعتقادهم بتأثيرها المباشر على حياتهم
المناطق المقدسة والاحياء الفقيرة تعتبر بؤرة ومركز لهاي الممارسات
ولا يتقتصر الأمر على النساء مثلما يشاع
ولا يقتصر كذلك على الاميين

واعتقد هاي الحالة ما مختصة بالعراق
انما مغروسة غرس باغلب العالم العربي والاسلامي

الصور مأخوذه بحمامات احد المراقد

[شذى الأرجوان]

اخي. طبعا. عذرا للمداخله لكن.مو خرافات. لان السحر ذكر بلقرآن الكريم

[مـصطفى]

اخي. طبعا. عذرا للمداخله لكن.مو خرافات. لان السحر ذكر بلقرآن الكريم

صح بس من تعبر الحد تصير خرافات ومن تتسخر لأذية الناس الناس نفسها راح تؤمن بيها اكثر من معتقداتهم لهذا كلت خرافات

[شذى الأرجوان]

اوافقك الرأي،اخي. اصبحنا. في عصرنا هذا نتطرق لهيج. اشياء حرمها الله. دنرجع لوره للعصر الجاهلي حشاك. ::