لو جئتني بوجه لم أره من قبل
وصوت لم أسمعه أبداً
سوف أعرفك
لو أن ما يفصل بيننا قرون سوف أشعر بك
في مكان ما بين الرمال والغبار الكوني
في كل نهاية وبداية
نبضٌ صداه أنت وأنا
عندما نغادر هذا العالم
نتخلى عن ممتلكاتنا وذكرياتنا
الحب هو الشيء الوحيد الذي نأخذه معنا
هو فقط ما نحمله من حياة لأخرى ...
في الحقيقة والواقع حسب الاستقراء التام الذي اجريته اثناء بحثي في الفيس بوك وجدت ان الناس صنفان
إما مثقف
أو بائع للثقافة
اذا كنت مثقفا فهذا يعني انك تمتلك فكر وعقيدة ثابته
اما اذا كنت بائعا للثقافة فهذا يعني انك تمارس دور الحرباء في المجتمع تارة تطبل لهذا وتارة تطبل لذاك
ليست لديك اسس ولا عقائد ولامُسلمات والأرجح انك لاتمتلك الشجاعة الكافية لمصارحة نفسك بذلك
التطبيل لليدفع اكثر... شغلهم الشاغل الفلوسس الكاشش بودي اسويلهم تاگ واحد واحد بس خاف يحظروني وينتهي البؤس الي بحياتي
السوشل ميديا وتأثيرها على الواقع
من ينفتح حديث بين جماعة عابرة في باص عمومي او سرة طويل بدائرة حكومية الحديث بالعادة يكون حول الظرف الاقتصادي او الفساد وسوء الخدمات او الاضطرابات السياسية، مراح تسمع مواضيع عن النسوية والذكورية او اليمين واليسار او الحداثة والنيوليبرالية ، هاي المواضيع متشكل اي اهمية عند الشارع العراقي ولا اكو اي اهتمام عام بيها.
ليش هاي المواضيع ماخذة حيز بالسوشل ميديا وتوصل الى حد العركات وتبادل العنف اللفظي والنفسي بين معتنقيها بس مالها اثر في ارض الواقع؟ اكو شعب في السوشل ميديا يختلف جذرياً عن تطلعات وافكار وسلوك الشعب العراقي الموجود بالواقع وتعداده ميجاوز ال 5 آلاف في افضل الأحوال وهذا رقم تقديري ، ومتقوقع على نفسه في كروبات السوشل ميديا او بعض الصفحات ويتناول بحماس مواضيع مالها اهمية لا بالخارطة السياسية ولا الاجتماعية للعراق.
شلون تكون الشعب السوشل ميدياوي وشلون انفصل عن الواقع؟ ، من بدت السوشل تدخل لكل بيت عراقي صار تلاقح حضاري مباشر بدون مقدمات بين الحضارة الاوربية وبين المجتمع العراقي وهالشي خلق صدمة حضارية بين شريحة من الشباب والبنات، لذلك حاولوا اللحاق سريعاً بركب الحضارة الاوربية من خلال دخولهم المباشر الى افكار فلاسفة وعلماء هذه الحضارة وراحوا يرددون أفكارهم وينشروها بس هل ياترى كان الهم صدى او تأثير في المجتمع العراقي؟.
سعدون الساعدي بعد مكمل حفلة بكربلاء تجمهرت الناس حوله وتدخلت الشرطة علمود تطلعة من الازدحام ، يعني سعدون الساعدي صاحب اغنية صورني يعطواني وصمون عشرة بالف، يملك تأثير على المجتمع العراقي اكثر من تأثير شعب السوشل ميديا وافكارهم اليتصارعون بيها لسنوات، وهنا لازم نفهم شنو السبب اليخلي مطرب شعبي مثل سعدون يملك تأثير اكثر من تأثير شباب يتناقلون ويبشرون بأفكار الحضارة الغربية؟.
بدر شاكر السياب في كتاب كنت شيوعياً يكول ما معناه من جنة ندعوا الفلاحين لافكار الشيوعية مجنة نحجي عن الديالكتيك ولا فائض القيمة ولا المادية جنة نكلهم الشيوعية راح تخليك تساوى وية الاقطاعي والكاع التزرعها راح تصير الك وبهاي الطريقة كدرنا ننشر الشيوعية بين اواسط الفلاحين الجانوا اغلبهم امين وتحمسوا للشيوعية ، الفلاح وين راح يفتهم شنو ديالكتيك وشنو فائض قيمة واذا نسولفلهم بالمادية التدحض وجود الله راح ينفرون من الشيوعية.
شعب السوشل ميديا ينقل افكار الحضارة الاوربية بطريقة أكاديمية وطريقة الطرح الأكاديمي ملائمة للافكار عندما تطرح في سياق البحث الأكاديمي وسياق البحث الاكاديمي مفهوم للمختصين في هذا المجال بس غير مفهوم لعامة الناس ، من تريد تخاطب عامة الناس بفكرة معينة لازم تخاطبهم بطريقة مبسطة وتنطيهم زبدة الفكرة وخلاصتها والا راح تبقى أفكارك حبيسة كروبات وصفحات السوشل ميديا وراح تندثر بتقادم الزمن.
لكني أحبك كثيراً ، رغم مللي الجامح تجاه كل شيء و رغبتي بالوحدة دائماً ، اُحبك حتى و إن كنت غاضباً و يطرقني وجعي ؛
لا شيء في العالم أستطيع الإستمرار بحبه و أنا أمرّ بكل هذا إلا حُبك أنت
أعتقد إني لم أتعلم شيئًا آخر سوى أن أحبك كل يوم أكثر
حينما تغرق سفينتنا
انا سأكون على الخشبه
وانتِ ستغرقين
فلا انا غبي كـ جاك ولا انتِ
بجمال روز
إنني احبك
ولا أجد ضرورة للصراخ بنبرة مسرحيه : هذه هي حبيبتي
فالمسمى لا يحتاج إلى تسميه،
والمؤكد لا يحتاج إلى تأكيد
إنني لا أؤمن بجدوى الفن الإستعراضي،
ولا يعنيني أن أجعل قصتنا مادة للعلاقات العامه !
سأكون غبيا لو وقفت فوق حجر،
أو فوق غيمه ،،،،
وكشفت جميع أوراقي ..
فهذا لا يضيف إلى عينيك بعداً ثالثا،
ولا يضيف إلى جنوني بكَ دليلاً جديداً !!!!
تفيد بـ إيــه يا ندم.. يا ندم
بصوت الست
ايباااه ايام التدخين، شباب تذكرون من چنت خابصكم بجگايري؟
صار لي سنه ممدخن
من چان عمري 6 سنوات، بـ "الأول الأبتدائي" چان عدنا (امتحان علوم) وچنت ما دارس زين، فـ بالأمتحان سألني المعلم: وين عينك … وين أذنك، فجاوبته صح
النوب سألني وين "فمك" فـ اشرت على حلگي واني ما متأكد انو الفم هو نفسه الحلگ، لأن چنت ما اگدر اميز بين "الفم والأنف"
رجع سألني وين "أنفك" فـ اشرت على خشمي
والحمد لله عدت على خير وأخذت ١٠ من ١٠
هذا أقدم حدث أكدر اتذكره بتفاصيله الكاملة بحياتي كلها، اما الأحداث اللّي قبله فما اتذكر منهن أي شي، غير مقتطفات بسيطة ومو اكيده هم.
هواي ناس يدعون انو همه يتذكرون أحداث قديمة صارت بطفولتهم بـ سن مبكرة كلش من حياتهم.
وهذا الاعتقاد الطاش خاطئ كلش علميًا، لأن دماغ الإنسان بـ سن حديثة كلش من طفولته يكون عاجز على تكوين الذكريات وتخزينها، بس رغم هـ الشي تلگه الناس تحچي قصصهم وهمه أطفال كلش، وطبعًا ممكن تكون كل هاي القصص هي قصص مو حقيقة ابد.
وهـ الشي يكون لسببين:
1- يا اما أدمغة الرضع ما تكون مكتملة النمو بشكل كافي حتى تكون قادرة على خلق ذكريات طويلة الأمد.
٢- يا اما تكون مخصصة جهدها للنمو وما عدها وقت وطاقة كافية حتى تخزن الذكريات.
بوحدة من الدراسات المشتركة بين جامعة (سيتي لندن) و(نوتنغهام ترنت) البريطانية و(برادفورد) الإنجليزية، طَلب العلماء من (6641) متطوع انو يحچون شوية عن ذكريات طفولتهم وشگد چانت اعمارهم بذاك الوقت، بس شرط لازم يكونون متأكدين منها كلش وما يعتمدون على الصور الفوتوغرافية القديمة أو القصص العائلية.
بنسبة 38.6% من المشاركين حچوا قصص الهم من چان عمرهم سنتين بس، و893 منهم ادعوا تذكر أحداث قبل ما يصير عمرهم سنتين اصلًا.
علميًا هـ الشي مستحيل جدًا، لأن (الذاكرة طويلة المدى) ما تتكون عند الإنسان إلا وره ما يصير عمره 3 سنوات، ومرات لازم يعبر 3 سنوات ونص، والذكريات البشرية ما تتطور بشكل كامل لحد ما يبلغ سن المراهقة.
هاي بغض النظر عن انو الذاكرة البشرية قابلة للتعديل عليها بشكل مرعب صراحة، بحيث يگدر بعض الخبراء انو يزرعون بذاكرتك "حَدث مزيف" غير حقيقي ويقنعوك بأرتكاب جريمة قتل معينة مثلًا بـ 3 جلسات بس وبدون أي صعوبة.
التفسير العلمي المُقترح لهذا الشي، انو كل هاي الذكريات هيه ذكريات من نسج الخيال، ترجع لأحداث متفرقة مروا بيها قبل، على غرار حدث محزن مثلًا، أو حوارات وعلاقات عائلية، أو اطلاع على طفولة شخص ثاني، وكل هذني اندمجن وتكون حدث مرتبط بلحظة زمنية معينة بحيث صار حدث حقيقي بالذاكرة.
