هنا

[مـصطفى]

( الجرح مَيأذي و بس)

اكو جرح يصحي و اكو جرح يوعيّ
و اكو جرح يگعدك من غفله و وضع مَيليق بيك
و اكو جرح يگُلك انتَ تستاهل الاحسن غير مكانك ،
غير محيطك وكافي عاد

اكو جرح مُمكن يغير حياتك 180 درجه
و اكو جرح ممكن ينزلك للارض .

و هالشيء راجع لأرادتك

[مـصطفى]

ربما أسوأ شئ ممكن لإنسان ان يصطدم به هو ان يعي حقيقة الاشياء والناس الوهميين ،شئ ممزوج بالأسى والحزن تجاه ذاتك وبنفس الوقت يجعلك تدرك انك تمتلك الشئ الأثمن على الإطلاق والشعور الدافي يندس بداخلك وهو صدقك مع ذاتك بعالم مزيف كهذا ..

في رواية كافكا على الشاطئ للكاتب هاروكي موراكامي يقول :
اغماض العينين لن يغير شيء. لا شيء سيختفي لمجرد
أنك لا تريد أن تراه. بل، ستجد أن الامر ازداد سوءاً في المرة التالية التي تنظر فيها. هذا هو العالم الذي نحيا فيه. أبق عينيك مفتوحتين على وسعهما.
الجبان فقط هو من يغمض عينيه. اغماض عينيك وسد أذنيك لن يوقف الزمن)
لذلك أي شئ مزعج ،مؤلم ،متعب بالنسبة لك تحاول ان تغض بصرك عنه لتحتفظ به لكونك تحبه فقط او لكونك تخاف من ان تصطدم بحقيقته المنهكة هو محاولة فاشلة ستؤذيك وربما تخسرك ذاتك ،مهما كانت الحقيقة بشعة ومؤلمة على الانسان ان يتقبلها والتقبل ليس شيئاً سهلاً يمكننا ان نتقنه بسهولة ،الأمر يقتص كثيراً من روحك وايامك وجهدك ولكن بالنهاية يعلمك درساً هائلاً ،يجعلك ثابتاً وشامخاً بذاتك وروحك الصادقة مهما كانت الحقيقة قاسية ومُرة .

[مـصطفى]

- أُحب الإشارات الإلهية التي تشعرنا أننا مسموعين، تلك الإجابات الصغيرة اليومية، كأن يُلغى امتحان ما، أو أن نجد الأكل المفضل في الفرن، أو أن نتفاجئ بمبلغ مالي نسيناه في معطفٍ شتويٍ قديم، ان نرى شيئ ما في حلم ان نقرأ منشور صدفة عن امر مشابه، ربما تفتح يوتيوب فتجد عنوان فيديو يمر امامك يتكلم عن نفس موضوعك، ان افكر بموضوع ويخبرني شخص آخر بحديث مصادفة فاعرف الجواب.

أُحب تحقق الأمنيات السرية التي نخبئها في سجادة الصلاة، وهذا لا ينتقص إطلاقًا من ثقتي برحمة اللّه في أحلك الأيام ولكنه يُشعرني بأنني مسموع، محبوب، ومفهوم.

- كما قال إبراهيم عليه السلام: "بلى ولكن ليطمئن قلبي"

د.احمد خالد توفيق

[مـصطفى]

راح احجي بصورة عامة
هواي هواي ناس التقي بيهم واحجي وياهم الكه عدهم هالمشكلة ..

ضايجين .. مكتئبين.. لو الانتحار حلال جان انتحرنه. .. مادري شسوي مادري وين اروح تعبت من الذنوب شسوي
اووف والله تعبت .. ووو....
ومن اسالهم ليش يكولون ..ماادري!

زين اخي الانسان اريد اتكلم وياك كـ شخص الله ميّزه بالعقل وجعله خليفـة ع الارض وانطاه هالنعم كلها

اذا اجيب ورقة كدامك واحركها واسألك ليش احتركت هالورقة شراح تجاوبني؟ حتكول لان انت شعلت بيها النار ف احتركت صح؟ اي صح لان اني الحركتها بايدي هي جانت مجرد ورقة بيضة ..

كذلك روحك
اخي الانسان روحك ورقة بيضة وانت بكيفك تكتب بيها ..ماكو شي اسمه مكتئب وضايج وبالاصل ماكو شي اسمه مشكلة بس الروح اذا ابتعدت عن خالقها راح تواجه هواي مصاعب واول منحدر توكع بي هو الكآبة الفجائية ..هيج بدون سبب وبدون متدري كل اللي تعرفه انت ضايج وتريد تموت وخلاص!

يعني الله سوّاك خليفة ع الارض وفضّلك ع المخلوقات الباقية علمود يخليك تتمنۍ الموت؟ يخلقك حتۍ يتعبك ويأذيك وبعدين يوديك للنار! يصير هيج؟

لااااا... حاشاه رب العالمين
الله انطاك عقل وفطرة سليمة وجابلك اسلام وائمة وانبياء وكلك تمشي وراهم تفوز تعوفهم تخسر! حتئ لاتكول بعدين ياربي ماكتلي !!

بس بعدين رب العالمين مختصر هذا الشي كله بالاية الكريمة

( ومن اعرض عن ذكري فٳن له معيشةً ضنكا)

( واما من خاف مقام ربه ونهۍ النفس عن الهوۍ فٳن الجنة هي المأوۍ)

فعل شرط وجواب شرط
يعني لوتصير هيج لو تصير هيج وانت اختار بكيفك واني بالحالتين وياك تنهي نفسك عن الهوۍ وتكول ربي وديني وأئمتي ف راح انطيك راحة وسعادة بالدنيا وجنة بالاخره تكول لا واني نفسي تشتهي وشيطاني قوي وماكدر ف بعد قد اعذر من انذر! ( وماظلمناهم ولكن كانوا انفسهم يظلمون) !

من تشوف شخص كدامك سعيد ومرتاح وعايش حياته ومستمع بيها لتكول الله ظلمني ماسواني مثله! مااخلاني اعيش حياة سعيدة مثله! الله مثل ما انطاه انطاك لان الله عادل ميظلم احد بس اكو ناس يجهلون مواطن راحتهم ...

يهجرون القران يعصون الوالدين يسمعون اغاني صلاة ماكو غيبة نميمة علاقات اصدقاء سوء تهاون اهمال!

وبعدين يجي يكول ليش اني هيج؟

لايااخي انت مو هيج انت السويت نفسك هيج! بس ميخالف الله شنو؟ غفور رحيم

تعبان؟ ربك راحتك
حزين؟ ربك فرحتك
عطشان؟ ربك يرويك
جوعان؟ ربك يشبعك

اكسروا كل الحواجز اللي بينكم وبين رب العالمين واحجوا وياه مثل متحجون وي اصدقائكم واطلبوا منه كلشي وسولفوله كلشي اذا محتاج قلم اطلب من عنده قلم ..اذا محتاج قميص اطلب من عنده قميص. ومو بس تطلب.. لا انت تدلل بحضرة الله لان الله نفخ بيك من روحه وسوّاك من نوره يعني اكيد يدللك من هاللحظة خلي نسوي delete لكلشي ونسوي فرمتة ونبدي من باجر اول خطوة اللي هي صلاة الفجرونسلم حياتنه بيد رب العالمين ونكول وداعاً للكآبة

[مـصطفى]

راح توصل مرحله ..
ميهمك بعد منو يحبك ومنو يكرهك ،
ميهمك منو يبقى وياك ومنو يتركك ،
ميهمك اذا عندك الف صديق او صديق واحد ،
ميهمك اذا يكولون حلو او لأ ،
ميهمك رأي الناس ،
ومن قوه البرود لبداخلك ماكو شي يستفزك بعد ، ومن يجون يسألوك عن شخص او شي جوابك
راح يكون "مادري"
"ماعرف" متحجي ع اي شخص حتلو كان هذا
الشخص مأذيك ..
من توصل لهل مرحله ،
أعرف انو انت مريت بأيام صعبه ،
نصدمت هواي من ناس عمرك ما متوقع تنصدم بيهم ،
لدرجه صرت بارد ميهمك أي شيء ...

[مـصطفى]

المرأه الجميله بمثابة هم
مثل ايطالي

[مـصطفى]

هي المشكلة وين
المشكلة ان اكو شخصين هذولة ماادري شنو تصنيفهم
الاول
الي يقيم كل الافعال التاريخية من حروب ومعارك وغيرها على تصنيفات الحاضر من حقوق انسان وغيرها هاي الحقوق الي ما صارلها اكثر من ٧٠ سنة
الثاني
الي يقتدي بالافعال التاريخية ويريد يطبقها بالوقت الحاضر
يا حبيبي سابقا ماكو دولة او حضارة انبنت بدون سيف
استجنوا
الان ماكو دولة وحضارة تنبني بدون اقتصاد وسيف ايضا

[مـصطفى]

أكثر ما يُحيرني بالحياة هو الشخص الي يتعامل مع المشاكل الغير حقيقية بكل جدية وعصبية ويگلب الدنيا بسببها مثل صاحبه الي يورث الجكارة من فحمة نرگيلته هاي احتمال تصير قاتل ومقتول، ويجي بالفيس يتعارك وية المثليين ويتعارك وية النسويات.

بس من يوصل للمشاكل الحقيقة المؤثرة بالمجتمع تلگاه خانس وما يحجي يعتبرها تضييع وقت.

[مـصطفى]

لويس ألتوسير جان يحجي عن فرويد، وعن طريقة تعامله مع الموت؛ موته الخاص ..

فرويد مصابًا بسرطان الفك، مَرَّ بآلام رهيبة، لكن أستمر في الكتابة لآخر لحظة ..
جان يعرف موعد موته. ومع ذلك لم يتوقف عن ممارسة الحياة من خلال التفكير والكتابة ..

ألتوسير يگول جملة عظيمة عن فرويد، المقطع الأول منها هو: "كان يعامل الموت كما هو عليه: لا شيء".

ممارسة الحياة وإهمال التفكير في الموت، لا الانشغال به، جانت فلسفة سبينوزا في الحياة، وعنده أن "التفلسف، ليس تعلُّم الموت، بل تعلُّم الحياة"
وعنه يقول ألتوسير "بدل البرهان على أن الموت ليس بشيء، أي بدل شدّ الانتباه إليه، هو يعامله كلا-شيء، أي بالسكوت عنه، كيلا لا يتكلم إلا على الحياة".

الأمر نفسه، بس على مستوى فلسفة مختلفة، أدبي النزوع، عند تشارلز بيوكاوسكي يگول:

"نحن هنا لكي ننزع تعاليم الكنيسة والدولة ونظامنا التعليمي من أذهاننا. نحن هنا لنشرب البيرة. نحن هنا لنقتل الحرب. نحن هنا لنضحك على المعوقات [لحياتنا] ونحيا حيواتنا تمامًا لدرجة أن الموت سيرتعد وهو يقبضنا إليه".

تصلح هذه الفلسفات، على تنوع الفكرية، لتكون معينًا على الحياة بكل تقلباتها ..
المقطع الثاني من جملة ألتوسير عن فرويد:
"ويا لها من آلام من أجل هذا اللا-شيء".

[مـصطفى]

منشوراتك مو مهمة وافكارك وكتاباتك
أيضا.. بقدر ما تكون شخص مهم بالنسبة للناس واكَو جمهَور يسمعلك والا راح تندثر انت ومواضيعك

ياما غنه محمد عبد الجبار وبأعذب صوت وبأعذب كلمات وبقى بالمجال المحلي

وذاك هو سيف نبيل الي هو لاصوت لاخلقة لا اخلاق ووصل لمستوى عالمي