قد يكون الحديث مع النفس اخر صمود الروح
...
صعب تمشي ورة اجدامك
خطوة اضيع من روحك
خيال اتراب رجلك ما ترجعة الكاع
ضم ايدك من الدخان وسجن روحك بجفك
ضم كل الحزن وبجي مثل جدمك
سولف بلصدى وعقلك يعرف شكالن اشفافك .
ياجذاب ياضايع
يا اخر صبح ميت وكبرة يطوف
بين السجن والجامع
كوم اضحك وفك وجهك من الشارع
وشوف اشكالت الدنيا ع ارسومك
شوف الحزن من يطيح هم تتكسر اهدومك
ورجع اسحك اترابك
مالك بلوطن والناس غير اهدومك وصبرك
كل كطرة ندى من الفجر جتالة
وغريب انت وغريب الشوك البصدرك
جم تابوت ينتضرك
جم ميت يريد يبوسك بنحرك
والك ياصبح ياشاعر
كل اصبع ندم محتار نفسك عايف الدنيا
اخر لون من الشمس ماشافك
ولك جم ليل من وجهك ضباب وع الشعر يفتر
وهنا ياصبح حدك
شوف الناس شوف الدنيا من تسكر
عشب يسبك عشب للموت
واني وياك نتسامر
غريبين ابحر ماية مثل لونه
اريد اشرب وجفك يدفع اجفوفي
وهدومي وخطوتي ودمعتي ابيدك
تيهني غريب يريد يندل الوطن وينه
ولك ياصبح ياجذاب تيهني
انه عشتك مثل لونك بضهر مراية محتركة
ضوى منك ضوى مني
انه عشتك مثل خطواتي من اسكر
جدم صاحي وجدم جذاب
الحبيب مصطفى الدفاعي
المشاركة الأصلية كتبت بواسطة فرانكشتاين
