من المؤلم أن تكون أصدق ممايتوقعون
و يكونون اكذب مماتوقعتهم...
أما بعد
لا تأخذ صمتي بمفهومٍ آخر، لا تُفسره تجاهُلًا أو إنتقامًا.. أنا أصمت حين تَفقد المُفردات معناها ولا يُصبح للكلمات جدوى.. أصمت حين أشعر بأن ما سأقوله قد قُلته مُسبقًا ولم يُحدِث فارقًا...
"لا أعرفُ كيف تعيشونَ مِن دونِ قلقّ، ماذا تفعلونَ طوالَ اليوم؟"
تشب بيّه الشمس مهرة صبح شگره…
تغيب وتشتعل بالماي روحي انذور للگمره
واگلك وين يالساجي التعب بالنوم طيفك خبزة الفقره،،
چنت تلمع عله عيوني والمك… ..للعطش گطره
وتجيني اگدار هلهوله واظمك صوغه للثوره!!
واظمك للعشگ ليله جنوبيه.. وشمال تشب مواويله بزلف شگره!
امس گتلك رمل نتطشر ويه الريح? گلت نلتم لوَن تغفه برمل گطره..
وامس گتلك مرايات التراب اوجوه.. گتلي مرايتك سمره!!
وگتلك عطش گاعك لايفيض ويشتعل لونك.
وگتلك لاتغنّي اعيون ناسك خاف يبچونك،،
واخاف يجيبك البينه وصليبك يندل امتونك!
ويشوفونك وطن مضوي. ..
الشعب حزنك البعيونك
التعب شباچه بعيونك..
الدمع لمعة سنابل تضوي بعيونك..
الفرح بوسة صبح ترگص عله اعيونك..
السهر نجمة صبح مكتوله بعيونك!
وشرايعنه تغنّي بمايهه الغبشه… شمس ماتنطفي بالمي..
ويمر طولك مهر يظوي وخيالك مشتعل بالفيّ!!
وخيالك ااااااااااه يخيالك
يمر بينه ظوه وتورّد الحيطان..
عرس غبشه وشبابك عاشگه الگيعان..
وتعلمنه الغنه بالروح… روحك بالضباب توچد البيبان..
وتعلمنه… .مثل كل سنبله ابنادم يطگ بالماي والتربان!!
ومثل ضيعة نفس ظعنه
الصدگ وكت الدغش دفّان..
الصدگ بالمستحه قرأن…
الدرب روجه تودينه رسايل تنقري بنهران..
بلچي تجيبك النهران،،
بلچي تجيبك الغيمه حلم مزنه عله البيبان…
واگولن يمكن مسافر واغيّم وامطر اعتابي..
وتجي وتنفض تراب الغربه يم بابي..
ويسبگني الخفگ للباب
ورماد اخر جگاره مطرز ثيابي!!
واگول الحلم موجذاب..
هذا انته وترابك يشبه ترابي……..
الرائع والحبيب
ابو شمس مصطفى الخزاعي
فك شباجك واصحه الشمس منتظره شباجك
الحزن فختاية لمت كل عوادين الصبة
وعشعشت بعيونك
بجيت المن غريب وطولت دمعك
بقيت بدمعتك محتار اتلفت محد يسكتك
غريب وياهو اليسكتك
وكلتلك لا من كتلي الوطن مايسكر بناسه
سكران الوطن من نام
كعد بس الشعب ما طار من راسة
ابجي ودي ابجي ويالذة البجي البهداي
بس الراح ماخلة دمع للجاي
ياكمرة الخذت لونك
انته الوين بيك تريد وناسك وين يردونك
من تشوفهم لاتبرد عيونك
جيتهم مثل نجمة صبح جدحه ويضيعونك
ولك ياهي العمر للمستحة شاريه؟
العمر حسبه !! الدمع حسبه !!
الدمع حسبه التجيبه وتستحي توديه
يوجك ثوبك بعد بدموعك اطفيه
لاتعتب عله النهران
جانت كبل دجلة انسان
هسه امرمرة الشبان
وكلتلك غاد بالغربة من ينقد قميص الناس ماتشهد
ولا مثل النهر والبير ماله اجروف تترجة نبي يركد
حزنك خله بعيونك موكد الحزن هل الناس
حزنك هو اليسليك
حزنك هو اليفرحك وحزنك هو اليبجيك
حزنك هو اليضيعك وحزنك هو اليدليك
اكسر كل مري بروحك هواي الناس شافت بيك
يعرفونك غريب الناس
من طفي الجكارة ولهفتك للكاس
ولك ياهي جا حزنك مثل حزني وتفك حزنك
وانه لهسه لاحاجي ولاباجي
ظل ذاك الغريب الدمعك متاعك
وظل ذاك الحنين التبجي بساعك
العمر سرك محطاته شبعدلك ناس تتناهه
جزة ريل السنين انزل
بقت من العمر وصلة على كيفك تمشاهه
القصايد والمطر والريح والقمصان
بعيون الشعب دمعة دفناهه
وعليه وصينة يخفيهه
بس من ياهي يخفيهه
الشرب حزن الوطن مجبور يبجيهه
المثل هذا الشعب معذور يبجيهه
وجه دخان
يمتد يفرش الظلمة
يسولف خشب يم بسمار
ما سولف دفوا النسمة
وجه وامتدت بروحه طواري الناس
وشرب بينه رخاوة ليلنه وي الراح
وكاسر ويه دمنه برودته من الكاس
لا شجره التريد اعتاب
لا احنه النريد جواب
من شفنه الغصن مكسور
ضل يطول لحد ما طاح بينه الفاس
تعبنه وكلشي ما شفنه
دنيه وبيهه سولف ريل
يتمشه اعله سجة موت
بينه الصوت ما يوصل
وهم ير جع وجه دخان يرسمنه
ما ضل بينه واهس يستحي من الخوف
كلهه تصيح هاي عيون
والوادم شحيحة عيونهه من الشوف
ياهو يروف كومه جروح
كاتلهه القهر والخوف
ردينه اعله ليل وداعنه من سنين
لكينه الكاس نفسه مكاسر بدم ناس
ولكينه الشجره هم متبري منهه الطين
وعكس بينه الدهر مرات عكسه ريح
ريشه وبالهوه شفنه اليدوخ شلون
وشفنه البنجم خدران
عاشر وي دمنه جروحنه من تصيح
خلينه دمعنه يسولف بحسرات
وتفطر واهس الدفان
ونكت بحروته اللجمات
مشه بينه النعش
كل خطوه بيهه كبور
وصل بينه لمحطة وعزف طاري الموت
سجه وبيهه بس عتاب
وعشرة سرگي وي الباب
كل دكة وكت يندهنه عزرائيل
كوم افتح اسرارك والجرح سرداب
ياهو يمد اديه ويفتحلنه الباب
هذا الباب
ليل وداع
يشتم بيه ريحة موت
وياخذني بعمر 20 للتابوت
يحضني اعله طولي وبيه اتفصل
تيهت بطريجي وياه ما اندل
فصلني اعله كيفه وزاد بيه اهات
ولا بيه دمع حتى ابجي واتحمل
رد يا شوگ واحمل بيه لجماتي
كمر سولف على النجمات بيه هواي
حبسوني بدفو الگيعان ضنهم ماي
رد يا طير نشف دمعة الواهس
وبلل مشتهاي الصفنه صارت بير
انه لا بيه اشوف الجاي
انه ولابيه اصير فياي
ظكني الليل سولف كل حچي بروحي
خذاني بواهسي المجروح
سفره لديرة جروحي
لكيت هناك چم لهفه انطفت بالاه
جاساني البرد ما صحت يوم اشاه
وبقيت انضر توالي الروح
دربي اوشلة حروفي
وجع محبوس يحچي بشمرة جفوفي
وارد اضحك ضحك مصبوغ بالحسرات
بيني وبين كل نجمه حزن مفضوح
صاحبت المطر والغيم حد النوح
ولهفة كاعي تروه من الدمع مرات
صبخه تصير لو شد الدليل متاع
چانت غافيه وفززهه صوت وداع
هذا اليل ما يرحم گلب تعبان
من رديت صاير چن بقايه انسان
يواهس واهسي ذبني اعله دربك وين
خذاني اليل لجروفي
ونزل بيه وطفح خوفي
يمته بصوت دلالي ارد انسه
ويمته يبين بذيج الثنايه اسمي
اخذ روحي واخذ صوتي
وصرت بعيون كل اعمه نهار وشوف
يمته انعاف وافزز كل حضن غافي
واغني بشوگ حسرة كل كمر طافي
ورتل ايه المشتاگ واصيح هناك مو كافي!
اجاني الصوت ما تنعاف
انت بغربة سنينك
دموت وشوف يا نضره التصد عينك
دموت بساع موت بساع
ليل موحش ..
والظلام امتد على اطراف الاصابع
وريح متعنيه اعله روحي من الذنوب
ومرت الدنيه مسافه بلايه ناس
واليتيه بروحه ضايع
وشهكة انفاس الغريب تخضر بكل خطوه
فاس
وتلبس بنيرانهه سنين السواد
وذاك دخان المناير منجل بوكت الربيع
ويحصد احلام الصغار
ويا حسافه ..
ذنوب روحي الرافكتهه
صارن جبال اعله متني وما عفتهه
سنين يامه سنين اضوي بروحي ظلمه وماشفتهه ..
وين اروح .. الريه من تخاف تبرد
شما تهب نسمه اعله روحي اتعاتب ويه سنين عمري وكلي خوف من النهايه
تنادست شوغات روحي ورسمت عيوني متاهه
دموعي تجري وضايعه
تريد رازونة ضوه
وين درب التوبه تسأل خلص بريتي الهوه
وين درب الله ارد اشوفه
الليله اريد همومي تخلص
الليله اريد ذنوبي تخلص
مطرت الدنيه حسافه
ومنهه كطرات المطر نزلت شرار
وحركت ذنوبي وهدمهه
وطافت اعله الروح بثياب السعاده
ومنهه صرت انسان ثاني
هسه اني انسان ثاني
راح اعيش بغير عالم ما اعاني
هسه صرت انسان ثاني
للمسا ثورة مشاعر .. ضيّعَت درب العبور .. ضاق في هالليل شاعر مالقى للحرف دور
يداكِ مخطوطتان عربيتان نادرتان
وكتابان ليس لهما نسخة ثانية
فلا تسحبي يدكِ من يدي حتى لا أعود أُميّاً.
أكثَر مَا يُخيفُني هُوَ القَدَر،نتمَنّى وَنُحِب وًنَتَعلّق لكن بالأخير قَدَرُنا هُوَ ما سَيُحَدّد مَصيرنا،يارب اكتُبلي ما أتمنّــــاه"♡"
