هالأيام ما مرتاح..
احس عيوني
چذابات من اعليك ما يبچن
احس شفافي
صامت ناس اذا مو بيك ما يحچن
مر كلشي.. وكلهن وگفن البروح
بقى بس العمر يمشي!
"كلما بنيت بيني وبينهُ جداراً
اشتاق قلبي وضرب الجدار عرض الجدار"
ما رضى بأي چارة گلبي
ريته چلمة يمسها صدري وينمحي
يستحي من الوادم الما تستحي
وانتِ.. انتِ هم جيتچ غريبة
شنو مقصد من رجعتچ والضحي
طيفچ.. بيا نية اجاني
خايف وعرگان ارجف طيف لو نزلت وحي؟
مكابر كـ الهواءِ لا يحتاج لـشيءٍ لكي يتنفس!
عنيدُ كـ الماءِ لا يُمسك!
مقاومٌ كـ الريح لا يغرق ولا يدفن!
ثابتٌ كـ تأريخ ميلادٍ غير قابل للتغيرِ او النسيان!
متخاذلٌ كـ الضوءِ أنت تتخلى عني في كل ليلة!
چنت حسبالي احب إنسان وفي
لو عنه اغيبن يوم مايه بريجه ميبلعه!
اكتشفت انه أحب سلعة!
وطني العزيز أنا وانت نختلف بكل شيء
ونلتقي عند نقطةٍ واحدة!
هي ( بأن كلانا قد اهدى القلب المناسب
للشخص غير المناسب)
يلي عايفني بغرب وانت بشرگ
الشعر يكره كل مشط سوه الفرگ
إنت چذبة شجابك بنص الصدگ
مثل رشة عطر عـ الماي
لا أنه المنه گطرة رويت
ولا من ريحته تعطر
مشي بس ما تخلص الگاع
لا شارب ولا مشروب.
لا انقص ولا أكثر!
ورغم كل التلون ذاك
عشت رب الثباتيين
وجه مراية ماافتر!
عشت مصحف بنص فدناس
مبادئهم مزاجيات..
گمت عـ المشتهة اتفسر!
مثل غرفة سجن ضليت!
اخلي الناس بية تعيش
رغم تتركني بس تگدر
وبرد بس مدري ليش احتر!
لأن انه انخلقت بجيل
نبيهم من مشى وي ابليس
ابليس بلا وعي استغفر!
ولأن الابيض خرب عـ الكاع
حفاظ لسمعة الالوان
بالجنة البياض اسمر!
رغم كل هالكره حبيت!
وگلبي بدهشته استفسر
شيضم حزنك من الناس..؟
نبرة صوتك المبحوح!
بياض عيونك الاحمر؟!
رحت بس رحت روحة ماي
كلشي بدونك تفطر!.
صعب من انت شي مكسور
بس يومية تتكسر!
صعب من تغلي بيك النار
بس تخجل تصيح الآخ
حد ما تبدي تتبخر!
بشجرتك صعب ترضى تعيش
وتعاين خضر الاغصان..
بس غصنك تشوفه اصفر!
حجر بيك اعثرت مرتين
المصيبة انا اكتشفت الروح
بدت تعشگ ملاگه الگاع
صرت اتمنى بيك اعثر!
رد مع اقتباس
المشاركة الأصلية كتبت بواسطة انثى مخمليةة
"
