درر العراق

انثى مخمليةة · 20/October/2020

قدر امي يكتب حياتي

البارت العاشر

عمري ما توقعته لوسن بعد ما حبيتها وخلصت من اسماء ومشاكلها ورجعت لطبيعتي كل هذا مر كدام عيني ليش يا الله ما كاتبلي ارتاح من زوجت وسن لحد اليوم واني حياتي كلها نكلبت شنو السر الي بيها كلما احاول اطلعها من عذاب ندخل بعذاب ثاني جنت متوقع اسماء ورى كلشي وخلصنه منها وحاولت اتقرب منها تطلع مشكله جديده طخ بالي هو نفسه الشخص الي هجم علينه قبل سنه وظربني طلقه اي هو شنو مشكلته منين يعرفني اجت بالي افكار خلتني اكوم وامشي واركض ورى هذا الشخص لباب البيت وسن تصيح احمد الحكني احمد حط مخدر على وجها وفقدت واني اركض وراه حافي رجليه تجرحت بسما لحكته اخذها بسياره جانت تنتظره براس الفرح الي جنه كاعدين بي كعدت بالشارع اصيح باعلى صوتي وسسسسسسن رجعت مثل المجنون للبيت واخذت فلوسي وطلعت بالسياره اول مره اصعد بيها طلعت كبل للمركز خابرت والدي ومحمد يجوني دخلت للمركز ابلغ عن خطف وسن وتعرفون هالايام محد يمشي اذا مو بوجود حبشكلات للاسف واقع حكومي اسمه عندك فلوس تمشي فقير تنفي نطيتهم فلوس ردت مقابله ويه اسماء
وفعلا كعدت انتظر مثل المجنون جابو اسماء دخلوها لغرفة الظابط هجمت عليها مثل الوحش

لج بت الكلب احجيييي منو سبب ورى خطف وسن احجي لج لا والله اموتج
احمد ماليعلاقه يعني جاي ادفع ثمن غلطي بالسجن بعد شلونممكن اشوف احد يخطفها واني مسجونه
اسماء ورب الكعبه اذا الج ايد بالي صار اذبحج تفهمين اذبحج وتعرفين طبعي انتي اصير مجرم والله احجيييي

عووووفني ما احجي شي ما احجي تفهم شنو يعني ما احجي ومالي علاقه وهذا اخر كلام عندي اذا يعجبك اهلا وسهلا ما يعجبك كيفك روح دور على حبيبة الكلب والكاها وعيش احلامك الورديه بسعاده وياها

لج اسماء تستهزئين بيه متأكد تعرفين منو الشخص الي خطفها وسالفه الفلوس نطيتيهن للمشعوذ هاي ما مشت عليه اكيد اكو شخص ثاني انتي تعرفينه لان الرجال لهسه يكول ما اخذت وفتشر كل مكان وبيت يخصه وحتى اسمه دورو بالبنوك وما لكو عنده حساب هذا دليل انو مو المشعوذ اخذ الفلوس اعترفي اسماء واوعدج اطلعج منا

صفنت اذا حجيت يمكن صدك يطلعني

ارجع وياكم بزمن احداث القصه تذكرون من اسماء راحت تقابل حيدر اكو شي ما كالته وهسه راح تحجي لاحمد

احمد راح احجي بس توعدني تساعدني
احجي جنت متأكد عندج شي
احمد انه حجيتلكم انو نومتكم ودورت الفلوس بس الحبوب من رحت اجيبهن من هذا الشخص
منو احجي

حيدر
شنووو خليتي ايدي على وجهي ودرت وجهي عنها وركعت الحايط بوكس ودرت على اسماء
احجي الصدك لج لا ورب الكعبه اموت حيدر صديق عمري حيدر وياي من الجامعه يشتغل وياي مو معقوله انتي تتبلين عليه

لا لا عوفني ما اتبله عليه وانت وعدتني تطلعني منا واذا ما توفي بوعدك من يردون افادتي ما احجي الصدك
اطلعج اطلعججج بس احجي خلصيني

تواعدت وياه بالمنتزه اخذ منه المنوم من وصلت خدرني واخذني للبيت جنت شبه صاحيه و

وشنو احجييي

واغتصبني بس ما رفضته طول الوقت جنت دايخه ما اعرف شنو خلاني اشم جنت اتخيل حيدر انت

لا يا حيوان يا ابن ال... وانتي جنتي على ذمتي خره بيج خره بيج لج انتي شنو ما عندج احساس علمود فلوس تبيعين زوجج وبيتج اشك بيج انتي مريضه انتي مريضه

وصورني

اي كملت بعد بس التصوير بس تستاهلين

وكال اذا حجيتي لو جبتي اسمي افضحك على مواقع التواصل اخلي العالم كلها شوفج

لج ثوله انتي يعني هو مو وياج يعني اكيد طالع شكله واهلج اذا عرفو راح يكتلونه

لا احمد اني شفت التصوير هو ما مطلع وجه ولا صوته والبيت محد يعرفه

الله يطيح حظج انتي شنو من بشر علمود فلوس تس ين هيج علمود فلوس ترحين لواحد نذل

انت وعدتني تساعدني والله اذا عرف ما راح يخليني بحالي والله اموت باعي اني اتنازل عنج لان وعدتج يعني راح اسقط حقي بس راح اخليهم يعاقبونج سجن حق عام يعني تنسجنين شهور

ميهم المهم ما اطول سنين اريد اطلع والله اختنكت هنا
يطبج طوب وحده رخيصه شأتوقع منك امشي ولي

دار راسي معقوله هذا صديقي الي ربه وياي هيج يسوي بيه ليش ما كلي محتاج ليش يستغل عرضي وشرفي ليش يغدر بيهدخيلك يا ربي كلشي ولا وسن يصير بيها شي
تخبلت معقوله يسوي بيها شي لا اكيد يأذيها
طلعت بالسياره كبل لبيته طلعتلي امه وياها رجال واني اصيح بالشارع

وين هذا العار ابنك وين ابنج حجيه الي ربه لحم كتافه من خيري وينه ويييينه
شبيك عمي منو ابني

ابنك حيدر العار وينه احجي لا اوديكم ورى الشمس انتو وياه شوفو اذا تصل بيكم تكلوله اذا لمس شعره من وسن ما يلوم الا نفسه انتي حجيه كليله احمد يكول اذا سويت شي بزوجتي نفس الي اسوي بامك

يمه فهمني شنو الفلم منو انت
انه الي ابنج دمر حياته وهاي زوجتي الثانيه يستغلها ابنج حجيه مجرم تعرفين شنو مجرم ابنج عااااار

يمه عيب هالحجي اني مره جبيره وعيب ترفع صوتك عليه

اي صح انتو تعرفون العيب طلعت اني المعيوب مو انتو حسيت ابوي وراي واكف درت وجهي لكيت ابوي وراي
تعال يابه تعال شوف

ابنك انذل ابن هذول الحقير دمرني خرب حياتي واني المخدوع بي اشوف ابوي دنك راسه ويكلي سامحني ابني كله مني

انت شتحجي يابه وشنو دخلك بالموضوع
وين تندل بيت حيدر واجيت

احمد ابني حيدر يكول...

شيكون خره شيكون احجي كلولي لا احد يحجي كلمه ويسكت الي عنده شي يكوله

حيدر اخوك

شنووووو اخوي والله وكملت عليك يا احمد منين الكاها من مرتي الي طلكتها باعتني علمود فلوس لو ابوي الي طلع خاين وعندي اخو من عمري وظام علينه سنين لو من صديق عمري الي خلصت سنين وياه اطلع واطب وامشي اسراري كلها عنده لو من وسن ااااخ يا وسن من اخذتج لهسه ما شفتي راحه وياي كل يوم يمر عليج انتي بمصيبه بس وعد ما اخليج الكاج وين متكونين واكسر راسه لهذا حيدر

اسمع يابه من اليوم ورايح لا انت ابوي ولا اعرفك ويحرم عليه ادخل بيتك امي تريدني تجي تشوفني هاي اذا قبلت تظل عندك
امك تعرف
حلو تعرف وهم ما تحجي بس انتي السبب الاكبر وابنك حيدر كتلته على ايدي فاهم

وسن.. صحيت على نفسي بغرفه ظلمه فقط تذكرت من جنت اشر ملابس ولزمني شخص من وره عبالي احمد ضحكت وكلت بدون ما اباوع احمد الدنيا بارده ادخل لاتتمرض مابيه اشيلك واوديك طبيب ما حسيت الا مسدس براسي وشخص جرني لباب الصاله وكفني كدام احمد اخر شي شفت احمد كام بسرعه يركض يعني جان يمشي وجذب عليه اااخ احمد لشوكت تعيشني بجذب بعدها ما حسيت نفسي الا بالغرفه

الله بالخير عيني
منو انت تقرفصت بزاوية الحايط من الخوف

اني منو اني حيدر
تعرفين منو حيدر

لا ما اعرفك

اوك انطيني مجال اعرفج على نفسي
اني حيدر اخو زوجج

شنو حيدر احمد ما عنده اخوه بس محمد وصوتك مو صوت محمد

هههههه اي اكيد مو محمد اني اخوهم من ابوهم النذل الي شمرني اني وامي نعيش بالفقر علمود زوجته الحلوه ام عيون خضر وهسه ابنه هم مزوج وحده عيونها زرك وبيضه

وهو يحجي تذكرت نفسي بدون حجاب شعل ضوه خفيف احمر

كال راح ظلين هنا علما انفذ كل خططي انتي رهن اعتقالي اوكي

شنو تريد مني ليش تخطفي ومنين تعرفني انه عمري ما طلعت ولا مشيت ولا احد يعرفني

ههههه اني اعرفج حق المعرفه واعرف امج وخواتك يقين وزمن الله يرحمها

شنو تحجي انت شنو الله يرحمها شنو تعرفني اختي مميته

ههههههه غبيه عايشه بوكر احمد وما تدري عن خواتها اختج بعد وفاة امج ماتت اني قتلتها وكله بسبب امج

امي انت منين تعرفنه وشنو دخل امي بالموضوع انت جذاب

اممم احجيلج من البدايه ابوي النذل تزوج امي ومن عرفت زوجته الحلوه هو مزوج امي لحت عليه يطلكها وشي اكيد ما كدر يرفضلها طلب طلكني وامي جانت حامل ومرته جانت حامل

زين تسوي شكو امك تلزك للرجال وهو مزوج بس يدورن خراب بيوت ما يحله بعينهن الا المزوج

لج امي اشىف منج قذره امج الي باعتج لاحمد علمود شافته عنده فلوس

امي ما باعتني

اممم ما باعتج قبل لا يخطبج احمد طلبت ايدج كلت بنيه فقيره واخلاقهم عاليه وناس زينين طلبتج منها وكالت اردلك خبر ونفس الاسبوع الي طلبتج بي احمد خطبج وامج نطتج سألتها ليش حجيه جنت رايد بتج تفضلينه عليه مو اني طلبتها اول
ترد عليه تكلي يمه متمكن ويعيشها انت منيلك

لا ما اصدك ما تسويها امي اشرف منك

بعد زواجج بأحمد حبيت انتقم جان يوم مطر قوي كلش كلت اكتل امج وخواتج انتقام من امج لان رفضتني رحت بالسياره ورجعت بسيارتي ورى البيت ورجعت بسرعه السياره كلها دفعت الحايط مالت السياره وكعت على امج وطلعت بسرعه ولا من شاف ولا من درى

ظليت ابجي معقوله هذا محرم اكيد راح يكتلني

واحمد انتقمت منه لان هو ينافسني بكلشي هو عاش عنده ابو واني ما عندي عاش بفلوس ابوي الي جان الي حق بيها واني عايش بفقر ردتج وخذاج مني شنو الي اريده ياخذه ابو حطله صيدليه واني صرت عامل عنده

ما جنت اعرف احمد اخوي ولا جنت اعرف ابوي منو لمن دخلت كليه وطابقت اسمي واسم احمد شفت نفس الاسم نفس الكنيه نفس اللقب بس الام تختلف
حاولت اعرف الي عرفته حقيقه لو بس تشابه وطلع حقيقه حقدت عليه بس كلت ما اسوي شي الا اضمن شهادتي وبعدين اخليهم يندمون واحد واحد حتى زوجته استغليتها وانتهكت شرف احمد والدور عليج .....

يتبع