شوكت نرتاح - خضير هادي
شوكت نرتاح
كلولي شوكت نرتاح
ويصير سلاحنا الورده
ونبطل ما نشيل سلاح
شوكت انخلي ايد بايد
ونهد ونكتل الذباح
يوميه خبر مو زين
هذا طاح وذاكه طاح
وهذا البطل من الخوف
لملم كل غراضه وراح
يمته نوخر الظلمة
ونعلك بالطرف مصباح
يمتى نحني جف الكاع
والمسحاة توبس دوسة الفلاح
مرضى وعلى فراش الموت
وندور على الجراح
السفينه غرست بالكاع
وماندري منو الملاح
هذا مكطع تكطع
وهذا مفصل تفصل
وهذا شكد بقى منه
بقى منه جتف وجناح
وهذاك شكد بقى منه
بقى منه وجه وصفاح
التمر مالي و اجه الموزين
عالك عالعثوك ارماح
ليش الامل صار بعيد
عالي وابد مايلاح
امي تريد تحضني
وتخاف ايشوفها السفاح
حته الميت بكبرة
حط ايده على كبرة وصاح
شوكت نرتاح
مانكدر نفك باب الدرب
ونباوع الشارع
يفتر بالشوارع
قابض الارواح
تغير حته عطر الكاع
وين الرازقي والورد والقداح
منريد البنادق هيه تحكمنه
ولا انريد العتاد اليقتل الارواح
شوكت نرتاح
رد مع اقتباس
