انا ابيتنا ولن دكت الباب - خضير هادي
انا ابيتنا ولن دكت الباب ..
كمت للباب اشوفن ياهو دكها ..
لزمت قلبي بدية خايف ايطيح ..
طلعت روحي و قميصي الي شبكها ..
فتحت الباب شفت بنية بالباب ..
و دمع العين على الوجنة حركها ..
كلت اتفضلي يا بنت الاجواد ..
دمعتج هاي ارد اليوم حكها ..
كالتلي تعرفني .. اي اعرفج
اخوج الفات على الجمرة و سحكها ..
اخيج صاحبي و انا ما اخون صاحبي ..
وانت تعرفين تلوك البرنو بجتفه و فشكها ..
اطلبي ولا يهمج و انا حاضر .. اجيبلك النجمة هي و بركها
كالتي انا ما نام بالليل .. شجرة و طاح يم بابك و ركها ..
انا معذبة بشوكك و اهم بيك ..
وانا ما ادك بابك قلبي دكها...
اعتنيتك كلي خوف ..وارجف بليل و احس روحي نظر عينك سركها ..
احبك بعد ما اكدر للفراك ..
لو هدت علي دنيا بتفكها..
احبك .. يابة يمعودة ..
اعتنيتك لوحة غركت جابها الماي ..
و جدمك داس فوكاها و شركها ..
احبك لا ابد لا تكلي ردي ..
مو دخيلج معودة ..
ما ردن و حك الي رفعها و ما طبكها ...
و انا ابيتنا و لن دكت الباب ...
رد مع اقتباس