قدر امي يكتب حياتي
البارت التاسع
باوعت عل وسن
خير تباوع عليه يعني اذا صار شي بالبيت لازم انه ماكو احد غيري يعني كلشي لازم يطيح براسي . عفتهم ودخلت للغرفه ابجي
سمعته يصيح اسمااااء
خير احمد شبيكم صايحكم وعرايك من الصبح شكو شصاير
لا سلامتج ما صاير شي وين الفلوس
يا فلوس شبيك احمد
اسماء اذا ماخذتهن احجي لا طولين الموضوع
اكلك عيني احمد لا تتهمني تدري عندك حراميه بالبيت معيشها عندك بت الشوارع الي جايبها من المزبله نسيت من اخذت منك 200 الله اعلم هسه شكد ماخذه منك
لج وسن تشرفج يا كلبه يا حقيره سدين حلكج لا اكوم اشكه الج
اي يله كوم اذا بيك خير هو انت للحمام ما بيك تمشي مو بعد تكوملي والله يا الله ويهدد بعد
من سمعتها كالت عني بت الشوارع واحمد رد عليها وردت على احمد طلعت الها وكفت يم احمد كتلها اكلج عيني ترى مو بت الشوارع الي تخلي حب منوم بالعصير وتنومنه وتكعد تدور على الفلوس انتي جنتي تعرفين اكو مبلغ بالبيت لذلك نومتينه واخذتي
هههه بهذا كلامج عندج دليل عليه
اكول اسماء اعترفي احسن ترى عندي دليل قوي يوديج ورى الشمس
والله وطلعلج لسانيا بت المزابل
بت المزابل تربيتها احسن من تربيتج بت المزابل صح نظلمت بس ما ظلمت بت المزابل ما تاكل حراام تفهمين بت المزابل تصلي وتذكر الله بت المزابل ما تسوي سحوره فهمتي هاي الي تكولين عليها بت المزابل
لحظه وسن شنو سحوره شنو حراام فهموني شنو الموضوع
عيني احمد تدري ليش جنت تظربني وترفضني وما تتقرب مني واذيتني كله بسببها هي الي دخلت بينه هي الي دمرت حياتي بسحورتها وشوف سبحان الله لابد ينكلب السحر على الساحر
اسمااااء شنو الموضوع
احمد لا تعب نفسك وتكول شنو الموضوع انطيني موبايلك وتعرف شنو الموضوع
شبي موبايلي
بي الدليل الي يخلي اسماء تعترف بكل عمايلها واذا ما عترفت كلشي يروح للشرطه وهي تعرف شلون تعترف فتحت الموبايل لاحمد واول شي سمعته الصوت مالت التسجيل ومخابرتها وثاني شي راويته الصوره
احمد . بعدما سمعت كلشي وشفت بعيوني حتى تاريخ الصوره تأكدت منه اجتني قوه خلتني امشي على رجليه شلت الكرسي وشمرته على الحايط وكسرته كسرت كلشي يمي توجهت امشي كوه لزمت اسماء من ركبتها ودفعتها على الحايط خنكتها بكل قوتي اجه محمد يريد يفكها مني مكدر
ارتاحيت يمكن حوبتي طلعت بيها
اسماء كسرتها من الظرب لحد ما تعبت وكعت كلت لمحمد ما تطلع منا اذا ما تحجي شي كالت اسماء راح احجي والله
حجيت لاحمد وسن كلشي من اول يوم اتفقت بي ويه الدكتور وشنو طلب مني وعلى الرجال الي سوالي العمل ومن دخلت عليهم للصاله بالتفصيل حتى الفلوس الي جانن بالغرفه بعد الحادث اخذتهن هم حجيت عنهن كلت خلاص خسرت نفسي بعد ما حاجه اظن شي بس سيره حيدر ما جبتها ذبيت الصوج بالرجال الي سوالي العمل لان حيدر هددني باهلي دزو على الشرطه واجو اخذوني اخر كلمه سمعتها من احمد هي طلاكي وسن كلتلي الله يسامج دمرتيني وخليتيني اعيش بحسره علمود نفسج
ودليتهم على بيت الرجال الي سوه العمل واخذو الشرطه نكر كال ما اخذت منها هيج مبلغ وظل مصر على كلامه وشبع كتل كلت هذا يستاهل احسن هو الي دمرني بعمله بس بعد حيدر جان لازم ياخذ جزاته بس هددني باهلي واكيد حيضل وراى احمد واحمد مرده يعرف حيدر على حقيقته وهو مخدوع بي لازم كلشي بيوم من الايام يبين وينكشف وهاي اني عرفت غلطي وعرفت الحياة من البدايه اذا مشت بغلط او كذبه ما تستمر واخر اغلاطي ورطت المشعوذ بسرقه فلوس احمد الا ان دخل حيدر للسجن وانكشفت كذبتي
....
احمد .. من بعد ما حجت كلشي اسماء سودت الدنيا بعيني كرهت نفسي محمد خبر الشرطه واخذوها واخذو رجال مشعوذ وياها تكول هو الي اخذ الفلوس مني باوعت بنظرة ندم على وسن وعلى كل الي صار وانتهت اسماء من حياتي بعد ما دمرتني وربت عليه حياتي جنت كاعد رحت ازحف على الكرسي مالتي اريد اعدله اشوف شنو كسرت منه جان مكسور منه شويه حاولت اكعد عليه ما كدرت
شفته راح ناحية الكرسي ماله عفته ما دخلت بي خلي يتأذه مثل ما اذاني بس شلون خطيه كلبس ينكسر عليه حتى لو اذاني ما تحملت منظره رحت اركض عليه شفته يبجي وعيونه كلها دموع
روحي وسن لخاطر الله ما محتاج مساعده
مو مساعده هاي انه زوجتك وحبيت اساعدك مو غريبه
لج وسن لا تكطعين كلبي بكلامج هذا لج وسن اني ظلمت يتيمه
اني اذيتج حرمتج من اهلي اتهمتج بفلوسي
اي وشنو يعني جديد عليه انت تعودت عليك وعلى ظلمك
ميهم هسه خلي اكعدك على الكرسي والله كريم تنحل ان شاء الله
مرت علينه ايام واسابيع وشهور بديت اتعود على احمد وضعه احسه ميطيب بعد ابد ما يكوم يمشي ولا يكدر يحرك رجلينه بس من اتقرب منه احس مفسي كامله ارتاح بوجوده يمي ارتاح من اسولف وياه مرات احاول انسه الي صار واسامحه بس ما اكدر صعب الظلم الي شفته منه صعب كلش احاول اقنع نفسي هو بسبب اسماء وعمايلها جان هيج تعامله وياي بس ما اصدك ما اقنع نفسي ما اكدر حاولت بكل طرق شفتها صعبه
احمد .. تعافيت تماماً وكم اكدر امشي على رجليه بس ما كلت لوسن خليتها تهتم بيه حبيت قربها مني من تعدل كعدتي على الكرسي ناعمه وصغيره وواني ضخم وتحاول تجرني وتحركني ما تكدر مره حاولت تكعد كعدتي دفعت نفسي عليها وكعت عليها هي ضحكت من كل كلبها تكلي شايف نمله تشيل فيل
ههههه لج وسن اني فيل
اي لعد انت شنو وانه شنو ابتعد عني انمردت اختنكت
ما ابتعد مرتاح هيج قربت راسي على ركبتها
احمد ابتعد عفيه انكطع نفسي
اممم ريحتج طيبه
تسلم تريد عطر انطيك بس اريد اطلع راح اموت
هههه شيليني ما اكدر شفتها صدك اختنكت حسيت نفسي صدك فيل ههههه
. والدي عوضني ودفع فلوس العلاج الي جبته للصيدليه الولد جماعتي مستلمينها خلال شهور عوضولي الي فقدته والدي اشترالي سياره جديده من معرض دبي وصا عليها وخلال اسبوعين السياره وصلت فرحت حيل بس ما اكدر اجربها لان بعدني مسوي نفسي مريض خليتها بالبيت غطيتها واتحسر عليها بس بقت بنفسي وسن رافضتني
حاولت اخبيها تتقبلني ما كدرت صح جانت تسولف وياي وتضحك بس كلتلي اشوفك صديق مو اكثر انقهرت صح بس كلت لازم اخليها تحبني
فد يوم وسن كالت طالعه للحديقه اشر الملابس . ساعه ب11 بالليل هم جان شته وبرد كتلها خليها للصبح مقبلت ضلت بره اكثر من ساعه اتاني ماكو كاعد بالصله ما حسيت الا مسدس براس وسن ويه شخص ماثم واكف باب الصاله
.
يتبع
رد مع اقتباس
المشاركة الأصلية كتبت بواسطة ثامر الحلي
