الكلية العسكرية الاولى
الموقع بغداد _الرسمية
تقبل خريجي الدراسه الاعدادية بفرعيه العلمي والادبي
العلمي ٦٥ كحد ادنى
ادبي ٧٠ كحد ادنى
ويكون القبول بعد اداء الاختبارات العلمية والتي تكون اسئله عامه ومنوعه والاجابه تكون على اختيارات
واختبارات اللياقه والتي تكون
ركض ٢٥٠٠ متر
شناو بطن ٣٥ كحد ادنى
شناو يد ٣٥ كحد ادنى
الطول ١٦٨ سم كحد ادنى
وعند اجراء هذا الاختبارات يكون الطالب في معايشه في الكلية العسكريه لمدة يومان (ويشوفونه نجوم الظهر بهاي اليومين)
ثم الاختبار الاخير والمهم
هو المقابله حيث يأتي الطالب بزي القاط الرسمي ويقف امام
العميد و مساعده وعدد من الضباط ويسألونه
اكيد بعد مايلقي التحيه ويعرف عن نفسه
اسمك
سكنك
معدلك
فرعك
الاب شنو شغله
هم داومت بكليه
واهم سؤال هو ليش تريد تصير ضابط
ومرات يسألون اسئله عامه بس هاي نادراً لأن اعداد هواي فما يلحكون .
الغرض من هاي الاسئله العاديه الي هي اكثره موجوده اصلاً عنده بالفايل هو معرفة شخصية الطالب وقلقه وخوفه ونبرة صوته وهندامه وقوفه وكلامه ونطقه هل يصلح ان يكون ضابط يرفع اسم المؤسسه العسكرية
ثم يقومون بجمع درجات هاي الاختبارات مع معدلك ويطلعون درجه وحده و بعدين ياخذون الي اعلى درجه
والي يشوفونه مايصلح ان يكون ضابط حتلو معدله عالي يرفضونه
بعد اعلان المقبولين بعد فتره اطول اكثر من شهر
وهاي الاختبارات طبعا اطول اكثر من شهرين لأن اعداد هواي وكل مجموعه ينطوه موعد طبعا كل سنه التقديم ينفتح بشهر ٩ وتخلص الاختبارات بنهاية السنه ويكون الالتحاق بشهر الثالث
اول ماراح يلتحق راح يظل ٤٥ يوم بالكلية ماينزل لأهله
ونوب يصير النزول يوم ونص بالاسبوع الي هو الخميس اصبح ويرجع الجمعه الظهر
والعطل الرسميه يعطل
الراتب خلال الدوره ٩٧٥ الف
وبعد التخرج حوالي ١٤٠٠ او ١٥٠٠ حسب الصنف واكو اكثر
مدة الدورة بالقانون ٣ سنوات لكن لكون الجيش يحتاج ضباط تكون سنتين واكيد تعيين مركزي
وعنده القبول يتعهد الطالب في المحكمه بعد احضار كفيل بأن لايترك الكليه الا لسبب اضطراري وعنده المخالفه يقوم بأرجاع جميع الرواتب والخسائر من دراسه واكل وتدريب
ولايحق له تركه الا بعد ست سنوات من تخرجه بأن يقدم طلب استقاله في المحكمه
والصنوف هي
مشاة
درع
استخبارات عسكرية
التمويل والنقل
والصنف الكيمياوي
....
رد مع اقتباس
المشاركة الأصلية كتبت بواسطة علاء الجنوبي
"
