نظام المفاضلة
- شنو هو نظام المفاضلة ؟! وبأي حالة يستخدم ؟!
- نظام المفاضلة هو نظام يعتمد على دروس معينة لتحديد المنافس الأحق بالمقعد المُنافس عليه بين الطلبة.
بأي حالة يستخدمون هذا النظام ؟
- في حالة المنافسة على المقاعد الدراسية عند تساوي مجموع درجات المتنافسين الكلي ( المعدل) .
شنو آلية هذا النظام ؟
- الآلية :- يجمعون درجاتك في دروس المفاضلة والطالب إلي درجاتو اعلى بيهم هو ياخذ المقعد.
شنو دروس المفاضلة ؟
- الاحياء والكيمياء للكليات الطبية والصحية.
- الرياضيات والفيزياء للكليات الهندسية.
- اما الاختصاصات الدقيقة مثل فيزياء او إنكليزي ؟ فتكون الفيزياء هي درس المفاضلة او الإنكليزي ( حسب الاختصاص المقدم عليه تكون المادة).
بعض الأحيان تكون المفاضلة بثلاثة دروس فتكون المادة الثالثة هي فيزياء او إنكليزي للمجموعة الطبية والصحية ، وتكون الإنكليزي او الكيمياء للهندسة.
#مثال للتوضيح :- مثلاً باقي مقعد واحد بالكلية وعدنا 3 طلاب معدلهم او مجموعهم 580 باقيين يتنافسون ؏ هذا المقعد .!
فهنا واحد منهم راح ياخذ المقعد زين شلون وهم نفس المعدل ؟! راح يستخدمون نظام المفاضلة وياهم بهاي الحالة ، فيروحون يجمعون درجاتهم بدروس المفاضلة والطالب إلي مجموعو اعلى هو ياخذ المقعد.
رد مع اقتباس
المشاركة الأصلية كتبت بواسطة علاء الجنوبي
