#ذوي_الشهداء
اولاً : الفئات المشمولة
يعني يا شهداء بالضبط مشمولين ؟
الشهداء المشمولين هم 3 فئات
- ذوي شهداء جرائم حزب البعث
- ذوي شهداء الحشد
- ذوي ضحايا العمليات الحربية والاخطاء العسكرية والعمليات الارهابية والجرحى
ملاحظة/ الجرحى هم انفسهم يستفيدون مو ذويهم يعني اذا كان الجريح اخوك او ابوك وانت طالب مراح تنشمل بالدرجات مال ذوي الشهداء ... لازم الجرحى هم نفسهم يكونون طلاب حتى يستفادون .
ثانياً : صلة القرابة او درجة الشهيد
يعني الشهيد لازم يكون واحد من ذولة ال 8 يلا تنشمل
الوالد او الوالدة ( الام او الاب )
الزوج او الزوجة
الاخ او الاخت
اولاد الابن او اولاد البنت ( يعني احفادك )
ثالثاً : التقديم والقبول
ذوي الشهداء قبولهم شلون حيكون او على اي اساس يقبلوهم ؟
ذوي الشهداء نسبة قبولهم تكون 5% يعني اذا الكلية تستقبل 100 طالب ذوي الشهداء حيكونون بيها 5 طلاب فقط واذا 200 طالب تستقبل الكلية ذوي الشهداء يكونون 10 طلاب فقط وتزيد وتنقص بزيادة ونقصان عدد الطلاب المقبولين بالكلية او القسم المراد التقديم عليه.
رابعاً : الدرجات الي تنضاف الهم
اذا انت من ذوي شهداء كم درجة راح تحصل على المعدل ؟
الطلبة الي يقدمون على كليات المجموعة الطبية ( طب عام ، اسنان ، صيدلة ) لازم يكون معدلك كحد ادنى 90 بهذي الحالة الك حق تقدم على كليات الطب العام او الاسنان او الصيدلة وينطوك 5 درجات على المعدل يعني اذا معدلك 90 تصير 95 واذا معدلك مثلا 95 ينطوك 5 تصير 100
اذا معدلك 89.9 وانت نازل ما الك حق تقدم على كليات المجموعة الطبية ( الطب ، الاسنان , الصيدلة )
الطلبة الي يقدمون على باقي الكليات والمعاهد عدا كليات المجموعة الطبية الذكرناها فوك ينطون الكم فوك معدلكم 7 درجات يعني مثلاً معدلك 89 ينطون الك 7 درجات يصير 96 هذا المعدل ال 96 الك حق تقدم بيه على اي كلية او معهد عدا ( طب العام ، الاسنان ، الصيدلة ).
خامساً : القبول في الجامعات التقنية
مو كلنا كل 100 طالب يقبلون 5 طلاب ذوي شهداء
هنا بالجامعات التقنية حصراً هم يقبلون 5 طلاب لكن !طالب واحد من خريجي ( الاحيائي او التطبيقي او الادبي )و 4 طلاب من خريجي الاعداديات المهنية.
سادساً : التقديم المباشر
يحق للطلبة ذوي الشهداء التقديم على الكليات الي قبولها مباشر مثل التربية الرياضية او بعض اقسام الجامعة التكنلوجية.
رد مع اقتباس
المشاركة الأصلية كتبت بواسطة علاء الجنوبي
