قدر امي يكتب حياتي
البارت الثامن
بده السيد يقره على احمد بدخلة عمي ومحمد بس للبيت شفت احمد شكله صار يخوف وضل يتقيء اشياء ما مفهومه مثل الاوراق وتقيء مسمار تعجبنه اخر شي ظل يصيح ويأسر على السيد والسيد يقره مستمر ما بطل انه خفت رجعت صرت ورى خالتي خفت من شكل احمد جسمي كله ظل يرجف تعجبت عليه شنو الصار وشنو السبب الي صار احمد هيج بسببه ذبل فد مره ادمر بس هو دمر نفسه بيده اباوعله ضل يصرخ فجأه هدء ورجع لوضعه يباوع لاهله بحسره وتعب احس عيونه تدور عليه وانه لابده ورى خالتي جنت ابجي على حاله مسكين صح عذبني بس ميستاهل وانه كلبي رقيق ما يتحمل عدوي ما اكدر ااذي بعد مو انسان محتويني بيته
اسماء.. سمعت صوت بيتهم وصوت سيد يقره وسمعت احمد يصرخ خفت اطلع ليصير بيه شي او يعرفون اني سبب دمار احمد واني الي دخلت بينه وبين زوجته شلون اطلع من هالمصيبه الرجال يريد مني فلوس وحيدر يريد مني اعرف وين مخلي احمد الفلوس يريد ياخذهن بديت افكر اجيب منوم من حيدر وانطيهم ينامون وادور براحتي
احمد.. اهلي جابو سيد يقره عليه كلما يقره احس نفسي اتعب اكثر الا ان لعبت نفسي وظليت اذب من راسي اشياء غريبه ازراق صغار مكصصه ومسمار شنو الي جاب هيج اشياء لمعدتي حسيت بعدها مثل الي خدر جسمي ما اكدر احرك لا ايد ولا رجل حسيت نفسي مثل الطاير بالهوى او نايم فجأه فزيت تخيلت نفسي بحلم اباوع على اهلي يبجون عليه دورت على وسن بين وجوهم شفتها صايره ورى امي وتبجي ما شفت اسماء محتفيه ندمت ازوجتها ثاني مره ما اخذ نصيحة امي واندم وكفت بطريقي وكالت ابدي حياتك ويه وسن البنيه حبابه وطيبه وحلوه مو قبيحه مثل ما حنه متصورين وديربالك عليها احسن ما تاخذ وحده ما تعرف طبعها شنو وتأذيك بس اني شنو ما اسوي الا الي براسي
اسماء.. بعد ما راحو اهل احمد لبست وطلعت على السريع شفت احمد وسن كاعدين بالصاله جانو واحد يباوع بوجه الثاني ونظرات عتب وحب اشوف بعيونهم يله المهم شعليه بيهم اريد بس اطلع نفسي من هاي المصيبه واخلص اتصلت بحيدر واعدته على منتزه يصير قريب على الصيدليه كتله اريد حبوب منوم اريدهم ينامون حتى ادور براحتي اجه حيدر نطاني حبوب منوم كالي هذا ينومهم فتره كافيه انج دورين وتلكين الفلوس اخذته ورجعت للبيت اشتريت اكل جاهز بطريقي وعصير سويت نفسي مهتمه باحمد حتى اكدر اخليهم يشربون العصير
دخلت للبيت وسلمت رحت للمطبخ صبيت العصير وذوبت الحبوب بي وخليت الاكل بصينيه وطلعت يمهم خليت الاكل على الميز ...
حبيبي احمد
حياتي اني اسفه تنكطع ايدي قبل لا امدها عليك بس والله نرفزتني يعني متقبل اطلع اني طاي اشتغل واداوم حتى نعيش يعني انت هسه مريض وضعك تعبان منين نعيش
اسماء امشي ولي منا لا ورب الكعبه انطق بطلاقج اني اتاني اطيب واحاسبج ما اريد احاسبج هسه وحسابج عسير يا ...
ياا شنو يله ميخالف زوجي ومن حقك ترزلني واني اساساً استاهل الي صار وانتي عيني وسن هم اعتذر منج على الي صار
وسن.. معقوله هاي اسماء لا ابد ما اصدك عيوني شنو صاير وتغيريت اكيد وراها شي وجايبه اكل جاهز
يله عيني كومو تعشو شنو قابل متردون عشه وانت حمودي اليوم اوكلك بيدي
شكراً بس عندي ايدين اكل بيهن
وسن. تقربنه على الاكل ... شفتها قدمت العصير من جابت العصير شفتها خلت بي شي وذوبته لان صارلي فتره اراقبها واعرف تحركاتها خليتها تشرب احمد طز بي اصلا الي بيه كله بسببه حتى خواتي حرمني منهن خليته يشرب وانه ستأذنت
من رخصتكم انه ما اريد اكل بس عصير اخذت العصير ورحت للمطبخ ذبيته وغسلت كلاصي وخليته على الميز رجعت طلعت للصاله..
وسن تعالي اكلي
ما اريد ما جوعانه
وسن لخاطري
احمد لخاطر الله انه دايخه ومالي خلك لا تلح عليه
مدة ربع ساعه خلص احمد اكل واجه يمي تقرب مني
احمد.. اسماء اليوم كلش متغيره جايبه اكل ولسانها حلو مدري شوراها اكيد تريد فلوس شنو عدها غير الفلوس خلصت اكل ودرت عربانتي عن الميز ورجعت يم وسن شفتها صافنه صفنت عليها واحس كلبي يدك مثل الطبل اباوع عليها معقوله هي هاي نفسها الي جان وجها محروك ما اصدك حتى شخصيتها تغيرت بعد ما سويت الحادث تقربت يمها عفت وسن على الميز تاكل تقربت اكثر طخت رجليه برجليها ابد ما حست صافنه ورايحه بغير عالم قربت وجهي يم وجها شبي الحلو صافن همست يم خدها الناعم بنعومة ايديها
ااا احمد شنو تريد عدلت كعدتي
هيج شفت الكمر صافن اجيت اشوف شبي
مابيه شي
غرتي من اسماء
هههه ضحكت وتقربت يمه واسماء تباوع علينه بأستغراب قربت وجهي ين وجه وانه كاعده على القنفه صار خدي على خده ادري بي حبني بس بعد شنو بعد ذله واهانه ومن صار عاجز وعرف ماله احد غيري يله حبني خليت خدي على خده
تقربت مني وخلت خدها على خدت دخت رحت بغير عالم اسماء زوجتي وسنه اني وياها ما حسيت هيج احساس ولا كلبي يدك بلهفه عليها مثل هسه ويه وسن احساس ماكو اروع منه
حسيت بقربي داخ ومن خليت خدي على خده غمض عيونه ردت اقهره بهذا التصرف كتله ومن شنو اغار اكو يوم انت صرت زوجي جنت
خدامه وانت سيدها
فززتني من حلم ومن حياة وتفكير جنت عايش بي صح ما جنت يوم الها زوج صح من اول يوم زواج عفتها وتخليت عنها خليتها خدامه
وحتى امها من ماتت كسرتها اكثر وزوجت وعفتها وخليت اسماء ذلها اااه لو امشي على رجلي والله اصحح غلطي بس ااااخ عاجز عاجززز جنت احجي ويه روحي وابتعدت عمي وسن
خير شبيك اشو ضجت
لا سلامتج ماكو شي حسيت نفسي دخت بسرعه ونعست .ووسن .. وس...
شبيك احمد شبييك اكعد شنو تحس اسماء تباوع علينه
نعسان اريد انام
عرفت هي مخليه دوى بالعصير منوم سويت نفسي دايخه اريد اعرف شنو عدها نومت احمد بمكانه ونمت بمكاني بس افتح عيني خطف اشوف اسماء
بعد ما نامو كمت على السريع دخلت لغرفة النوم دورت كل زاويه بيها ما لكيت شي
طلعت لغرفة وسن دورت كلشي ملابسها الغرفة ما ظل مكان ما دورت هم ما لكيت شي
فريت البيت كله واني ادور تعبت وكعدت على صفحه ملكيت شي خابرت على حيدر كتله والله ما لكيت ماكو يمكن مخليهن عد اهله
اسماء الفلوس بيت احمد وعنده اكثر منهن تعرفين شنو يعني اكثر واريدهن يعني اريدهن لا قسماً بالله اطلع روحج
اي صاار تدلل
وسن .. شفت اسماء تدور بالبيت وكعدت مقابيلنه تخابر وعادي ولا كأن احنه يمها جانت متأكده احنه نايمين يمي موبايل احمد اخذته وعلى كيف سجلت صوتها خلصت التسجيل رجعت الموبايل شفتها راحت صوب الباب
شفت شي غريب صوب الباب رحت اشوف شنو اكو هنا شفت اكو مثل الباب بس ما يبين يعني بس الي يركز بي يشوف دفعت على كيفي مثل الي بي دكمه طك من يندفع جوه ينفتح باب صغير تعجبت من منظره ومن الي بي
وسن. رجعت رفعت راسي شويه شفتها فتحت باب صغير ورى باب الصاله رجعت اخذت الموبايل وطكيت الها صوره بدون فلاش او صوت نصيت الموبايل ورجعت على نومتي الموبايل يمي لان يوميه من ينام احد اخذ موبايله اكلب بي بس هو ميدري ورجعت على نومتي منها طمنت انو محد يكدر يهددني بعد بشي دليل وعندي
اخذت الفلوس كلهن ما خليت حتى الف وخابرت حيدر كتله هسه تجي للباب بسرعه لكيت الفلوس وقبل لا احد يكعد او يجي احد تعال اخذهن وفعلا اجه اخذ الفلوس بس جانن اكثر من 15 مليون واني من الخوف كلهن نطيتهن اله ورجعت نمت
وسن كعدت الصبح على صوت دكت الباب رحت فتحت الباب طلع محمد دخلته جوه جان احمد نايم واسماء نايمه بالغرفه
احمد.. كعدتني وسن كالت محمد هنا كعدت عدلت كعدتي اجه محمد رفعني على الكرسي مالتي اخذتني وسن غسلت وجهي ورجعت هي راحت تحظر ريوك سوته واجت خلته على الميز محمد ما قبل كال ما اشتهي تريكت قبل لا اطلع بس اريد الفلوس بضاعة الصيدليه مالتك وصلت وجابوها للصيدليه للمخزن ينتظرون التسليم وسن جانت كاعده
كتله اكو باب صغير ورى باب الصاله بلون الحايط ما مبين ركز شويه وشوفه وباوعت على وسن ردت احسسها انو اني اثق بيها وما عندي شك اتجاها
رحت فتحت الباب الصغير ما لكيت شي
لك احمد متأكد الفلوس هنا هنا ماكو شي
شنو تحجي جد لو تشاقه اكيد لك هنا 25 مليون مخلي اني
احمد لا تخبلني ماكو شي اكيد قبل الحادث ما شايلهن
لك محمد شبيك ترى اني عاجز ومقعد مو فاقد ذاكره جاي اكلك هنا مخليهن
باوعت على وسن
يتبع
رد مع اقتباس
المشاركة الأصلية كتبت بواسطة dr.saba
