أحبتي أعضاء وزوار الدرر الأعزاء
تحية طيبة
قبل فترة كنت اقرا موضوع في علم الاجتماع ولفت انتباهي مصطلح (العدوى الاجتماعية)...
يعني اني عندي فكرة اريد انشرها ويصير عندي اتباع, استخدم مؤهلاتي مثلا حضور الكاريزما او قوة الالقاء او الاقناع
حتى اجذب الناس لفكرتي ويقتنعون بيها وبالتالي يؤمنون بتلك الفكرة حتى لو كانت باطلة
ويمكن قريتوا موضوع همسة الأعرجي مشرفة القسم الثقافي عن السيانتولوجيا وشلون رونالد هوبارد انشأ دين جديد وانتشر بين الناس وصار له اتباع ومؤمنين
اضغط هنا
العراب الدكتور بعلم الاجتماع والاستاذ الجامعي أكثر الدرر دراية ومعرفة بهذا المصطلح, استغله لصالحه وادعى النبوة مثل هوبارد!!!
كانت بداية العراب ان ينشر هاي الدعوة بين الدرر ويكون عنده قاعدة من اتباعه يغزو بيهم المجتمع
وهي دعوى ابطلها راهب بموضوع صراع الدوبارة
وبهزيمته أمام راهب وسيد أكرم الياسري ضاعت اخر فرصة للعراب أن يقدم معجزة على نبوته.
وقبل لا انشر هذا الموضوع واجهت العراب وسألته عن ادعاءه النبوة..
كان جوابه (اني نبي اله الحب ورسالتي عن الحب.. مالي شغل بالدين والشرائع)
اله الحب!! تعدد الالهة..
وحتى اؤمن برسالته صار يقدملي رشاوي,, مرة فلوس وسيارة ومرة ثانية يزوجني وحدة تشبه خضير ابو العباس
ولمن ما اقتنعت بكل اساليب الترغيب, لجأ الى الترهيب والتهديد باستخدام مصطلح (الضبط الاجتماعي) والتخويف بسوزان صاحبة السلطة واهم الاتباع المؤمنين برسالة العراب.
وبالفعل هددتني أكثر من مرة بالاعدام او الاقصاء من المنتدى في حال تعرضت لنبوة العراب..
خصوصا سوزان تبحث عن أي حجة حتى تلبسني القاط الاسود وتنفيني الى سيبيريا اتجمد هناك واموت
او الى شمال جمبوتي٫ اكو قبيلة هناك تاكل لحم البشر, حتى ينتهي بية الحال على صينية تمن عشا عرس ابن زعيم القبيلة!
ومن خلال هذا الموضوع, نطالب:
اولا: اعتبار دين العراب من المحظورات٫ يُمنع تداوله او الحديث عنه او الدعوة له في كل اقسام المنتدى.
ثانيا: اقالة جميع اتباع العراب والمؤمنين بنبوته من المراكز الادارية.
ثالثا: مممم نسيتها.. من اتذكر ارجع لهاي النقطة
والآن أدلوا بأصواتكم٫
مع
العراب
أم
Mohammed K.F
رد مع اقتباس
( نعم .. نعم .. للنبوه .. نعم .. نعم .. لرسالة العراب ) ..
يي الي ينطيني تقييم اتبعه
المشاركة الأصلية كتبت بواسطة Haidar Iraq
