المشاركة الأصلية كتبت بواسطة سيد الكلمات
للاسف الانجراف وره هاي العادات المشينه صارت بكثره وللاسف صار الها صيت وترحيب واحيانا حتى تفضيل والله شنو ما مأذي احد وهذا اكبر خطأ الناس حاليا تفتقر لأسلوب الاصلاح .. استاذ عماد كل الحب لحضرتك
يمنعه بصفته شنو ؟
اليگول اليشرب عنده غيره والما يشرب ماعنده ومن هالكلام فهذا تفكيره سطحي ، الموضوع معتمد على التربية والقيم الاخلاقية الي اهله أنبتوها بداخله
ورغم كرهي للشرب والي يشربونه بس مالي علاقة بيهم ، عود شوكت ما صرت بدون اخطاء وعايش بدولة دينية ذاك الوكت أأمر بالمعروف وانهى عن المنكر
عليكم السلام اخ حيدرالسلام عليكم ..
اخي فرانك ..
هيّ مو مسألة غيره .. وإنما اكو صفات اتشوفهه بالإنسان اليشرب بلنگو .. اصلاً ماموجوده عند الإنسان اللي ايصلي ويصوم .. يعني ياسبحان الله .. اتگول هذا الشخص اللي يشرب .. لو بس يترك الشرب ويصلي ويصوم .. يمكن ايصير اضبط من اهواي ناس .. دائماً اتشوف اللي يشرب گلبه ابيض وعلى نياته وماعنده اي شي سوى الشرب .. بس هذا مو معناه انو اقصد جميع من يشرب .. لا .. لانهُ اكو ناس من يشرب ايطلعهه من طورهه ويگوم ايعربد ويسوي اهواي شغلات .. بس اللي اقصده بالناس التشرب بالمعقول .. يعني مثل مانگول يشرب بأدب .. وهيّ في كل الأحوال اذا يشرب بأدب او يشرب ويعربد هو اساساً حرام .. وعلى طاري البلنگو ..
ايگلك اكو واحد سكران واجه للبيت متأخر بالليل ..
دگ الباب .. طلعت زوجته وفتحت الباب .. هو من شافهه واگفه بالباب .. گالهه هاي وين چنتي طالعه ..؟؟؟ گالتله يابه هو اني چنت بره لو انت .. ؟؟؟
تحياتي ..
وبالنهايه شنو سكران مو هاي راح تبقى وصمة عار طول عمره يا اخ حيدر الوقوف بوجه العادات السيئة والانحرافات الأخلاقية
مسؤولية الجميع فلازم الجميع يقتدي بالحديث الشريف
من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان
كل الحب صديقي
كلامك دقيق لكن .. شنو فائدة اخلاقه اذا كان مخمور الي عنده اخلاق فعلا عنده دين والي عنده دين اكيد ما يوصل لهاي المواصيل . الف تحيه صديقي
هذا بحث ثاني ست سوزان . لكن ايضا مو سبب كافي حتى يظهر هاي العاده السيئه للناس وامام الجميع .. تحياتي ست سوزان
منتهى الدقه دكتور . وايضاً وجد الجمهور الي يرتاح لهيج مواضيع بائسه
بتكليفه الشرعي صديقي انصحك وامنعك بما انه انت مسلم عندك تكليف شرعي ولازم الجميع يقتدي بهذا الحديث
من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان
اتفهمك جدا لكن اسمحلي اكلك انت غلطان طبعا اذا كلنه سكتنه مثلك راح تصير الامور خارجه عن السيطره وتكبر هيج نماذج بحجه الاخلاق والنخوه مثل ما يكولون المفروض نقاطعهم مقاطعه تامه اضربلك مثل طبعاً وفق الطرق الشرعية المقرّرة ومنها النصيحة والإقناع لا كيفما اتفق
الأمام الحسين ع
من خرج للاصلاح وگلولة بايع يزيد
گال ويزيد (شارب للخمر)
اول صفة حطها بگصتة وماجامله بيها
يعني ماحط هالسالفة على صفحة وبدأ يحچي عنه بغير صفات !...
ونوب گال (فاسق وقاتل ومثلي لايبايع مثله)
و هذا اساس ثورة الامام الحسين ...
امم الموضوع عن العركجية وعدهم غيره او لا ؟ اذا هذا الموضوع فجوابي كان حوله تحديدا المسببات اهم عندي من الشعارات ..تحياتي فرانك
رد مع اقتباس