قدر امي يكتب حياتي
البارت السابع
دخل احمد هو وزوجته عليه حسيت كلبي نقبض تحطمت اكثر دمر كياني شنو ذنبي بهذا التعامل
خير شبيج صافنه اكو شي هاي زوجتي اسماء من اليوم وماشي هي راعية البيت والي تكوله يتنفذ وانتي تطيعين الاوامر
تأمر كلتها وكلبي اذاني فعلاً نفذ كلامه وخلاني خدامه
يله حبيبي حيل تعبت امشي لغرفتنه
فاتو من يمي احمد وزوجته همستلي لو بيج خير ما عافج فعلا مابيه خير لان ربيت فقيره لو عندي اهل وعندي ناس احتمي بيهم ما سوه بيه هيج بس ما اكدر اكول غير حسبي الله ونعم الوكيل على كل انسان ظلمني واذاني عشت يتيمه وفقيرة حال عمري ما لبست ملابس جديده كله البس مستخدم من الناس عمري ما اخذت وياي مصرف للمدرسه جنت اشوف البنات يشترن وانه اباوع واتحسر وهسه فوك الظيم امي زوجتني لهذا وماتت خواتي ما اعرف شي عنهم صارلي فتره حتى ما قدر وضعي ما كال امها توها ميته شلون يصير ازوج ظليت كاعده بالصاله واسمع ضحكهم وسوالفهم وشلون تدلع عليه ليش يا ربي لو انه بمكانها شيصير حاولت وياه بكل الطرق بس ما فاد من ثاني يوم العرس انكلب عليه مثل الوحش صار انسان مريض نفسي فقط وياي ويه غير ناس هو انسان عادي بس من يشوفني يتخبل سديت اذني ودخلت للغرفه قبل لا ادخل توضيت ورحت كعدت على السجاده صليت ركعتين لوجه الله وترجيت ربي يريح كلبي ويصبرني على هذا الابتلاء نمت على السجاده ما حسيت على نفسي دفرات خفيفه على بطني
كومي هي لج انتي سوي ريوك قبل لا يكعد حمودي نايمه على السجاده مسويه روحها مؤمنه بسرعه ساعه اكعده علما نسبح الكه الاكل جاهز
احمد .. البارحه جان يوم مميز بالنسبه الي بس كلما اتقرب من اسماء احس نار تشتعل بكلبي وازيد كره على وسن تعمدت اسولف واضحك ويه اسماء بصوت عالي حتى اقهرها كعدتني اسماء الصبح
يله حبيبي كوم بسرعه الريوك جاهز
اي كايم
يله بسرعه
وسن كمت جهزت الريوك اكلت قبل لا يجون لفة جبن وجاي
ويه طلعتي من المطبخ انركعت باحمد
ثول حتى ثول ما شوفين
اسفه
امشي ولي منا
هزيت راسي وطلعت للحديقه يم الورد المطبخ اله شباج على الحديقه كعدت اسمعهم يتريكون ويضحكون ويسولفون كلما اسمع ضحكهم يحترك كلبي وادعي على احمد مو اي دعوه لا بس اكول حسبي الله ونعم الوكيل جان عندي امل اصير زوجته ويرضه بيه بس هسه انكطع حتى نقطة الامل الي بيه سمعتهم طلعو رحت لميت السفره ونظفت ماعندي احد ولا عندي مكان اروحله بيت اهلي يمكن باعو وهو اساساً طايح يعني حتى لو اريد اطلع وين اروح اظل بالشارع انام اصير فرجه للعالم اصير اصير طعم لكلاب البشريه على الاقل هنا خدامه حتى لو بدون كرامه ما بيدي حيله اهم شي مكان انام بي ولكمة اكل اكلها طلع احمد واسماء لابسين ملابس طلعه
وسن احنه طالعين نغير جو قفلي البيبان وما تفتحين لاحد حتى لو اهلي فهمتي
اي فهمت
اي لا تسوين اكل لان ما نرجع لليل
اشوفه شلون لازم ايدها ويكلي طالعين اتحسرت من شفتهم هيج بعدني صغيره وطفله ليش ما اعيش حياتي ليش لان ما عندي اهل اااخ يا ربي انطيني الصبر عفت كلشي ورحت نمت ما حسيت الا حمد يصيح عليه انتبهت ساعه ب10 بالليل جنت قافله باب الغرفه
فتحته
المن قافله الباب مو شسمه دخلت انام وخفت اخلي مفتوح
امم وليش غرفتنه ما مرتبه
بعد حتى غرفتكم ارتبها
لسانج لا طولينه لا اكصه عندج ربع ساعه احنه كاعدين بالصاله الغرفه الكاها جاهزه فهمتي
فهمت بعد اكو اوامر
اي ثاني مره ما اريد باب هاي الغرفه ينقفل
تأمر
عفته ورحت لغرفتهم لكيت الملابس مطشره بالارض جراجف الجربايه مخربطه حتتى الاحذيه مشمرتهن بالارض نظفت كلشي وطلعت من الغرفه رحت للمطبخ اريد اكل لان اليوم كله خلصته نوم فجعت من دخلت للمطبخ اجه احمد وراي
عوفي الاكل وطلعي بره
بس جوعانه انه
كلت عوفي الاكل ماكو اكل هاي عقوبه الج حتى ثاني مره تسوين شغلج على اتم وجه فهمتي ... ردت ردواحد منها ابد شكد عدها قوتة تحمل وصبر هاي البنيه من زوجتها لحد هسه اريدها بس ترفض شي واحد ماكو اي رفض مستحيل ترفض بس اني ليش كل هذا الجفه وياها وليش زوجت وهي احلى من اسماء وفجأه يتغير تفكيري واكرها مشاعري مخربطه عقلي مو براسي طلعت من المطبخ ورجعت للصاله يم اسماء
حتى الاكل حرمني منه استغفر الله ربي وانه ما اريد ادعي بس ما اكول غير حسبي الله عليك حوبتي تطلع بيك وانه يتيمة اهل وحظ بس عندي ربي يعوضني عن ظلمك ويجيك يوم تتحاسب على الي تسوي
خلي اعرفكم عن نفسي اني اسماء زوجت احمد اشتغل وياه بالمستشفى دكتورة تخدير حطيت عيني على احمد وردته بكل وسيله اني تقريباً اكصر من احمد بقليل جسمي مليان يعني مو ضعيفه من توكف يمي وسن تضيع بس للحقيقه هي احلى مني عيون زوك وجه ابيض بس قبل لا تتعالج جان وجها يلعب النفس فد مره جابو احمد للمستشفى مجروح ومليان دم خفت عليه بعد العلاج وتنظيف جرحه انطيناه مهدء ابره وظل نايم رحت على الدكتور الي استلم حالته من جابو حجيت وياه كتله اني احب احمد واريدك تساعدني كلي شلون اكدر اس
اعدج كالت
تكل لاحمد ان هو عقيم ومن يعرف عقيم اني احجي وياه واتقرب منه واساساً هو مو عقيم وبعد الزواج اخذ حبوب بدون علمه فد سنه سنتين وبعدين اكطع واذا الله راد وحبلت اكله يمكن نسبتك رتفعت واهم شي صار عدنه اطفال واتفقت ويه الدكتور انطي الي يريده جان بالي انطي فلوس بس بعد ما نفذ الدكتور واحمد عرف هو عقيم اتغير كلش حتى من جان يضحك غابت ضحكته الدكتور طلب مني شرفي واني صح غلطت وخططت بس مو معناها ابيع نفسي لا ابد هددني راح يكل لاحمد بعدين عرفت هو كايله مخربطين بالتحاليل لان خاف يفقد سمعته ووظيفته من عرفت احمد راح يزوج اتجهت لغير طريق اخذت اجازه يومين وكعدت ادور على مشعوذين اطلب منهم مساعده ظليت ادور على النت سويت اكثر من حساب وهمي ونشرت منشورات اريد اعمال روحانيه وادفع الي تردونه راسلت اكثر من شخص بس جانو يطلبون مني صور مخله بالاخلاق عفتهم ومكدرو يضحكون عليه تعرفت على وحده كالت اني اعرف اسوي حجابات بس ادليج على واحد يسويلج عمل يخلي يكره مرته وخلال شهر لو شهرين يزوجج وفعلا رعت على هذا الرجال بس لبست نقاب حتى ما احد يعرفني كال اريد فد شي منه كتله ما عندي غير الصوره كال انطيني الصوره وشي من اثرج هم اريده نطيته قطعة ملابس مني وصورة احمد مره كصينه صوره بالمستشفى ويه قسم من الاطباء كبرت صورته وسحبتها وظلت عندي نطيته كلشي يريد مني كال باجر ترجعين بالليل ساعه 7 جان ليلة زواج احمد اخذ العمل واخلي يمي ما انطي اله رحت على الرجال اخذت العمل منه وخليته عندي بالجنطه ورحت للحفله مجرد دخلت للحفله حسيت احمد باوع عليه ما اعرف شنو حسيت بس يمكن هذا العمل ليش من بين كل الناي باوعلي مرته صح جانت طالعه حلوه بس احمد الي ومستحيل اخلي يتهنه وياها
وفعلا ورى فترة ما تعدت الشهرين اجه احمد خطبني وزوجنه خلال اسبوع اني صح جنت دكتوره بس اهلي حالتهم الماديه مو عالكد واني اريد البس واطلع واسافر واحد جان متمكن مادياً وحلو يعني جان يكدر يوفرلي كلشي سفر وناسه زوجته خليتها تصير مثل الخدامه صح ما اعرفها بس ذنبها زوجته اول يوم زواج خلصنا ضحك وسوالف جنه نضحك بصوت عالي حتى نقهرها ثاني يوم كعدتها سوت ريوك وبعدها تريكنه وطلعنه كلت لاحمد كلها لا تفتح الباب خليها تقفله وفعلا احمد ظل يمشي تحت امري شنو اكوله ينفذ رجعنه للبيت تعمدت اشمر الملابس كلت لاحمد انت مو كتلي هي خدامه هنا الخدامه مو لازم تسوي شغلها اشو البيت ممرتب والغرفه ظاله على حالها حبيبي اني بعدني عروس معقوله اشتغل مع العلم احمد من يكون يمي يشتغل العمل عليه لاني لابسته بس هو مثل المعمي عنه اذا انزعه احمد يرجع لطبيعته كتله روح كلها تجي تنظف واحنه نروح للصاله نكعد كعدنه بالصاله شفتها طلعتراحت للمطبخ تريد تاكل كلت لاحمد كوم روح وراها لا تخليها تاكل كلها عقوبه لان ما جنتي مرتبه البيت وفعلا طلعت من المطبخ بدون اكل واحمد رجع يمي
احمد.. من طردت وسن من المطبخ بس بالمطبخ من صرت قريب منها حسيت كلبي مثل جان احدعاصره بأيده مثل البيها سحر من تقربت قريب عليها بينه فقط جم سانتيمتر حسيت براحه حسيت بحنيه الها دقايق وراح هذا الاحساس رجع الكره والحقد
وسن .. مرت عليه سنه يم احمد وزوجته جنت مأديه واجبي على اتم وجه حتى لا اعرض نفسي لمشاكل واهانه بس احمد واسماء باخر فتره دائما اسمعهم مشاكل وعرايك ومن تصيح اسماء احمد يسكت كلت شوف الله شسوه بي على كد الاهانه والضرب الي اكلته منه هسه مرته طيحت حظه
اتذكر ال200 صارلهن عندي سنه من نطانياهن احمد مره اول ما زوجته وداني لاهلي ما صرفتهن رجعتهن اله وما اخذهن وظلن عندي كلت يمكن يجي يوم واحتاجهن خواتي بعد ما شفتهن هاي الي اكثر من سنه ما عندي لا رقم تلفون ولا اكدر اطلع من البيت وهم ما عدهم عنواني ولا عدهم رقمي ما اعرف عايشات ميتات لان الموبايل اخذه مني احمد ونطاه لمرته انقهرت عليه بس كلت يولي قابل انه كل عمري عندي موبايل لو متعلمه عليه عفته اشتاقيت لخواتي ليلي كله ابجي عليهن بس ما بيدي شي تفكير اعوف البيت واطلع براسي بس وين اروح ما عندي مكان واخاف اطلع ويصير عليه شي بيوم من الايام سمعت صياح احمد واسماء
اني ما اخذت منك شي ولا تنسه انت عندك هنا خدامه يعني يجوز هي ما خذتهن من تدخل تنظف
اسماء اني توني اجيت والفلوس حاسبهن هسه ناقصات 200 وين راحن
اسماء.. الرجال الي سويت عنده العمل ظل يتصل بيه ويهدد لو انطي فلوس لو يفك العمل ويفضحني ظليت اخذ من احمد وانطي احمد عنده الصيدليه خير من الله جان مجان يحس على الفلوس تنقص بس مره ما اعرف شنو راد يشتري جان حاسب الفلوس واني اجيت اخذت منهن 200 شفتهن كدامي جان بالحمام يغسل من طلع هم حسبهن ولكاهن ناقصات اتهمني بيهن نكرت وكتله عد وسن
ظلينه صياح وعرك كتله روح فتشها شيصير يعني يجوز تلكاهن عدها ردته يطلع من الغرفه واخلي ال200 بجيبه مالت الستره الي طلع منها الفلوس حتى اذا لكاهن يكول جانن بيها وما مطلعهن من ردت احطهن سمعته يضرب بوسن ويكلها حراميه بت المزاب
ل تبوكيني عرفت لاكي
قصص فقط:
عدها فلوس بس منين جابتهن معقوله هم تاخذ منه شلت الفلوس الي اخذتهن ظميتهن وطلعت اشوف شكو
احمد اتركني والله مماخذه شي منك هاي ال200 قبل سنه من وديتني لاهلي بداية زواجنه نطيتني وظلن عندي وما صرفت منهن ولا ربع والله ما اخذت منك
جذابه حراميه بت فكر شنو يطلع منج
احمد وداعت امي جوه التراب ما اخذت منك شي
ولي منا بت ... استغفرك ربي
عوفها احمد عوفها هي هاي الشكول شتترجى يطلع منها
عافني احمد من بعد كتله كسرلي ضلوعي بيها اكيد هاي مرته يا رب طلع حوبتي بي جان الوقت مغرب
احمد ومرته طلعت وياه
طلعت وراهم ومن حركت كلب دعيت عليهم عساها تطلع بيك احمد ان شاء الله ما ترجعون
من كثر ما نقهرت دعيت على احمد ما عرفت ما يرجعون
احمد طلعت رحت للصيدليه واسماء اجت وياي انقهرت من الموقف حاويها بيتي تالي تبوكني
اسماء طلعت ويه احمد للصيدليه الرجال جان طالب مني 400 دبرت 200 من المصيبه الصارت وظلن 200 كلت اروح ويه احمد واخذ من الدخل مالتهم 200 لان هم من يسدون الصيدليه يحسبون الفلوس وغير وكت ما يعرفون شكثر عدهم رحت يم الدخل طلعت 200 بسرعه وخليتها بجنطتي ما جنت اعرف صديق احمد شافني اجه من وراي
شنو اخذتي
هاااا !!! ماكو شي ما اخذت شي
اني شفتج طلعتي فلوس وخليتي بجنطتج بس لتخافين ما اكل لاحمد لان راح احتاجج ولا تفكرين تنكرين لان صورتج اذا تحبين اشوفج التصوير
جان الموعد انو باجر اودي الفلوس للرجال بالليل طلعنه من الصيدليه احمد وصى الولد يقفلوها عدل وكال مجمع فد مبلع 15 مليون يجهز الصيدليه بالعلاج موصي على طلبيه من امريكا لان العلاج الامريكي اظبط شي وهو صيدليته يم مجمع دكاتره وكله يكتبون علاج للمرضى امريكي فهو مسوالك الصيدليه كله امريكي صديقه من سمع 15 مليون غمزلي جان اسمه حيدر
طلعنه اني واحمد بالسياره
احمد طلعت من الصيدليه بعد ما وصيت الولد يقفلوها مشيت بسرعه مو طبيعيه جنت حيل دايخ ردت اوصل للبيت وانام مشيت سريع حسيت تاير السياره طك وما حسيت الا السياره تتكلب بينه وفقدت الوعي.
.
اسماء.. بدما انكلبت بينه السياره صحيت لكيت نفسي بالمستشفى خدوش بجسمي وجرح براسي مخيطينه سألت على احمد كالو بالعمليات حالتة خطره انعصر كلبي يمكن صار بينه هيج لان اخذت فلوس ولا هو ظلم وسن دارت بيه الدنيه حسيت تحطمت حطيت ايدي على ركبتي ما لكيت الحجاب الي لابسته ضاع كلشي يعني اذا ما البسه احمد يرجع لطبيعته ويمكن يعرف اني السبب تمنيت يموت حتى اكدر اخذ فلوسه واملاكه حتى لومات.
وسن... ظليت بالبيت للساعه ب2 ماكو اي احد رجع لا احمد ولا اسماء يمكن راحو عد اهله لو اهلها يله احسن ارتاح منهم كمت نمت ما كعدت الا ثاني يوم ب10 الصبح هم ماكو احد محد جاي شنو السالفه وين راحو ليش لهسه ما بينو اكيد اكو شي يله شعليه شنو اريدهم يرجعون جلدي يحكني على الكتل .. مرن 3 ايام محد اجه ظليت بقلق معقوله صارلهم شي من دعيت لا يا ربي دخيلك ما جان قصدي ادعي ويتأذه احد بسببي من حركت كلب دعيت امي ما علمتنه ندعي حتى لو مظلومين تكول الله ياخذ حوبة المظلوم انقبض كلبي شصار بيهم وين راحو حتى لو اذوني انه طبعي اذا بزون يصير بيها شي انقهر عليها مو عاد بشر وعايشه وياهم ظليت كاعده يم الباب سمعت الباب اندك دخلت خالتي ونور ومحمد فتح الباب كله مو صفحه وحده دخلت اسماء شفت راسها مشدود خليت ايدي على حلكي وشهكت وصحت على خالتي خااااله احمد بي شي ما جنت احبه وخفت عليه لا بالعكس انبني ظميري انو دعيت عليه خفت للحظه انو اكو السبب بأذيته
شبكتني وكالت لا يمه هسه محمد يدخله
دخل محمد يدفع عربانه معاقين شهكت مره ثانيه احمد كاعد بيها ومدنك راسه وجه كله كدمات زرك واصفر حيل اصفر وضعه يقهر كم مره خلاني بهالوضع ما نقهر عليه ليش انه انقهرت عليه دخلو جوه اسماء راحت لغرفتها وانه ظليت بحيره من امري شنو الي صار رحت للمطبخ اجهز اكل الهم حجتلي نور على كلشي كالت بحادث انكلبو واحمد صاير عنده فطر بالحوض ويحتاج فتره يله يطيب يعني شهور يبقى مقعد على هالحال صدك حاله يقهر عمي ابو احمد جان مريض وخالتي ظلت محتاره بين احمد وبين عمي نور ما تكدر من جهالها لان جان بيها توم ومن جابت هسه عمرهم راح يصير 9 شهور وكحين كلش وما تكدر تعوفهم وتعتني بعمي شفت خالتي تباوعلي بتوسل بس ما تكدر تحجيها خجلانه مني ظلت اول يوم شفتها ما نامت للصبح تفكر بعمي جانت كاعده على السجاده وتندعي كمت تقربت منها كتلها خاله خلي يمي احطه بعيوني وروحي لعمي ولا تفكرين حظنتني وظلت تبجي وانه ابجي وياها على الواهس صار يوم ثاني خالتي راحت لعمي وكال يوميه امر عليكم اشوفكم وسن مطلعت من غرفتها واحمد خليته بالصاله جان ما يرفع عينه بعيني مثل المصدوم
احمد... من بعد الحادث صح تأذيت وصرت مقعد ربما لشهور او سنين او العمر كله ما اعرف بالظبط بس كلبي رتاح احس مثل الي جان معصور اسماء شكد جنت طوع امرها ما اعرف ليش وسن اي وسن احس بنفسي ارتاح من اشوفها شنو السبب ليش بعد
الحادث ليش يا ربي اني مريض نفسي
اسماء.. بعد الحادث بالمستشفى اجاني صديق احمد حيدر واخذ رقمي الرجال ضاع رقمه مني وما اكدر اروحله بعد لان اساساً الحجاب الي جنت معلكته بركبتي وقت الحادث مكطوع يعني العمل الي سواه الي انتهى وانتهى احمد وياه هسه تأكدت جنت اريد فلوس احمد ما جنت اريد احمد نفسه من رجعنه دخلت لغرفتي بعد مطلعت الا ثاني يوم العصر لكيت احمد بالصاله كاعد على كرسي وحالته حاله عفته ومشيت اتصل عليه حيدر كال لو تجيبيلي مبلغ اريد مليون تفهمين مليون والا الفيديو الي صورتج تبوكين بي فلوس من الصيدليه افضحج وانشره على مواقع التواصل وادزه لاهل احمد ولاهلج
جنت اندل 5 ملايين مخليهن احمد على صفحه اخذت منهن مليون وديته اله ظل فتره يبتز بيه ويريد فلوس ال5 ملايين كلهن نطيتهن من دون علم احمد وما يدري اني ماخذتهنوسن.. مر علينه شهر وانه اخدم احمد كلشي يحتاجه عليه اسماء مالها علاقه بشي حتى يم احمد ما تتقرب واحمد جان يكلي لا توديني للغرفه الي بيها اسماء خليني بالصاله ارتاح اكثر لن من اروح للغرفه اختنك عفته على راحته بس جنت من ابدل ملابسه يباوع بعيوني نظراته كلها ندم بس شيفيد الندم
احمد .. ندمت على كل لحظه ضربت بيها وسن هسه محد وكفلي غيرها حتى اخلي عافوني صحيح يجوني بس مجرد يشوفوني ويرحون والاعتناء وطلباتي واحتياجاتي كلها على وسن حتى اسماء مالها علاقه بيه اشوفها تطلع وتدخل هواي حاولت اكثر من مره اصيح عليها وارزلها واكلها ماكو طبه وطلعه تكلي اذا بيك خير كوم وخلي نشوف منو يكض منو جانت وسن واكفه على صفحه تنرفزت منها ضغطت على اعصابي وكمت مشيت خطوتين ولزمت اسماء من ركبتها
لج حقيره ثاني مره اكسر راسج فهمتي اذا تعلين صوتج
عوفني انت الحقير لو كوت عينك وسن وقرت براسك عليه
وسن اشرف منج هسه يله عرفت قيمتها من تعرفت على شكلج الحقيقي
دفعت احمد على الارض وردت اضربه على ظهره ما حسيت الا ايد لزمتني
وخري ايدج لج قذره متخافين الله تمدين ايدج على رجال عاجز ومنو رجلج
امشي لج ما عوزي بت الشوارع تعلمني الاخلاق روحي شوفي اصلج وفصلج وين وبعدين احجي
اصلي وفصلي يشرفج يكفي انو ربيت على ايد مره الناس تحلف براسهاا دفعت اسماء وكعتها من اليوم كلت لازم اتغير وما اخلي احد بعد يقلل من قيمتي لهنا وكافي اهانه
شلت احمد رجعته بمكانه اسماء راحت لغرفتها
احمد .. وسن تعالي هنا شويه
نعم
ليش دافعتي عني
شوف احمد من الاخر مستحيل بعد اقبل بيك كزوج والي اسوي فقط عمل خير وشفقه عليك لا اكثر ولا اقل ومن اليوم انه تغيرت وسن القديمه بح ماتت تفهم شنو ماتت
وسن اعرف ظلمتج بس والله ما اعرف ليش جنت اسوي هيج جنت احس ايدي من وحده ترفع وتضربج جنت احاول ابتعد بس ارجع اهجم عليج مثل الوحش ليش ما اعرف اعرف ما يفيد هذا الحجي بعد
قاطعته اي صح ما يفيد بعد ولا يأثر بيه ولا تكدر تنسيني الظيم والظلم الي شفته منك ولا تكدر تعوضني انت حتى من ماتت امي ما حنيت عليه كسرت كلبي وزوجت وصبرت وتحملت ذلك واهانتك تحملت كلشي تدري ليش فقط لان امي وصتني ومن اليوم وصيت امي اكطعها وما اريد بعد امشي بيها
اسماء اتصل عليه حيدر كال اريدج تساعديني بشغله اريد دليني وين مخلي ال15 مليون احمد اريدهن قبل لا يسلم الفلوس ويستلم طلبه
واني شدراني وين مخليهن
حاولي تعرفين هو كال بالبيت
ماكو بالبيت فلوس ماااكو
وسن .. رحت يم باب غرفة اسماء سمعتها تحجي ويه واحد بالتلفون تكله ماكو فلوس خطر بالي هي الي اتهمتني بالفلوس وخلت احمد يضربني
سديت الخط بوجه حيدر اتصل عليه رقم طلع الرجال الي سوالي العمل لاكي رقمي الجديد لان هذا خطي الثاني اتذكرت خليت يم الي تشتغل وياه رقمين هذا وذاك الي راح فأكيد اخذه منها هم طلب مني فلوس تعاركت وياه وما حسيت على صوتي عالي كلي اذا ما جيبين افضحج
افضح افضضضح هو شنو ظل ما نفضح انت هدد وغيرك يهدد اصلا عملك ضاع وانتهى وبعد ميشتغل وحياتي تغيرت بعد شنو تفضح احمد رجع لطبيعته يعني سحرررك رااااح وبعد لا تتصل سديته بوجه واتصلت على حيدر كتله موافقه اساعدك راح ادور الفلوس بس اني ما اجيبهن انت تجي تاخذهن
وسن... ظليت بحيره من امري وكف عقلي الي سمعته معقوله جانت مسويه سحر معقوله احمد جان ماله ذنب يعني جان مسير بس لا هو هم ظلمني ما اسامحه باوعت عليه تذكرت احمد كلي من ادخل يمها اختنك صح احمد جان مرات يكعد يصرح بالليل من بعد الحادث من اشغل الضوه اكله شبيك يكلي اكو احد يخنكني اشوف احد يشعل نار ويخليها على صدري
اتصلت على خالتي وكتلها على السالفه كلها اجت خالتي وجايبه وياها سيد من بده يقره السيد على احمد ....
يتبع
رد مع اقتباس
المشاركة الأصلية كتبت بواسطة حـــلاوة
استعجلي بالبارت الـ 8
ننتظر
8 شوكت
