قدر امي يكتب حياتي
تكمله لـ
البارت السادس
سمعت صوت طلقه الشخص رمه على احمد حسيت انو الطلقه بيه ما اعرف منين اجتني القوه رحت ركض اصرخ احمممممد كوما احمممد
وسن موبايلي خابري على محمد خلي يجي بسرعه
احمد كوم عفيه احمد
وسن لا تخافين مبيه شي ما اجت بيه الطلقه شويه جرحت ايدي طكت بالباب
انتبهت على ايده تنزف
شلته وكعدته على القنفه وخابرت على نور
نور عفيه حبابه محمد وين
هذا يمي شبيج
لج خلي يجي بسرعه احمد ضربو طلقه
شنووو هسه هسه جايين
سديته وكمت شلت اللفات جنت مخليته على ركبتي لان ملابسي جانت شويه الصدر دلع فما حبيت يشوف جسمي نسيت نفسي وشلته شديت جرح احمد وبعد الجرح ينزف ابد متوقف الدم
ربطت ايدي وسن باللفاف جان على ركبتها من شالت اللفات وشدت بي ايدي رغعت راسي واني دايخ من كثر ما نزفت ايدي دخت انتبهت على صدرها ابيض مثل الكطن
وسن ذيج العلاكه فوك الثلاجه تلكين بيها كطن جيبي
رحت ركض اجيب الكطن طلعت هواي وشلت اللفات وخليت كطن حسيت احمد مثل الي بده يفقد
احمد الله يخليك كوم ليصير بيك شي احممممد اكعد وضليت اصرخ كوم احمد منو الي انه والله قابله بكلشي بس كوم احمد
من بديت افقد اسمعها تصرخ بس مثل الصدى ما ميزت شنو تكول
سمعت صوت الباب لبست حجابي على السريع عرفت اجو اهل احمد
دخلو للبيت محمد وابو ركضو على احمد شالو وطلعو وخالتي ونور اجوي عليه
من شفتهم شالو احمد مثل الجثه حسيت نفسي دخت اشوف خالتي كدامي ثنين الصوت ما اسمعه لان مناك جانت كتلت احمد واثرها بيه ومنا هذا الي دخل علينه شبعني كتل وجهي وجسمي كله يصب دم دخت وطحت ما حسيت على نفسي الا بالمستشفى فتحت عيوني وخالتي يمي وانور
كعدت لكيت وجهي مضمد وايدي ثنينهن بيهن كانونه وحده دم والثانيه سيروم
كعدت خايفه
خاله احمد وين
بي شي خاله طمنيني شنو صار ليش انه هنا
مابي شي خاله لا تخافين رتاحي
اكيد خاله كليلي بي شي
اكيد يمه رتاحي وحسابج بعدين
ليش خاله
وين ضامه هذا الجمال ومطلعه لابني قباحه مو حرام تغشونه
نورر. مالي علاقه لا تباوعين الدكتور نزعج العدسات من فحص عينج وشافها هيج زركه ومورمه يعني هسه الحرامي ما لكه الا عينج يضربج بيها بوكس
. كلت بكلبي ياريت الحرامي الي ضربني زوجي الي خفت عليه وتمنيت الاذيه بيه ولا بي
كالت خالتي فد ساعتين ونطلع واحمد هم مابي شي اخذو للبيت وهسه تتنظر يخلص الدم ونطلع
اوك
جنت خايفه من ردت فعل احمد من يشوفني هيج مرن الساعتين وسويت ورقه الخروج بعد ما اجو الشرطه واخذو اقوالي طلعنه وصلنه للبيت تقريبا ب6 الصبح جنت خايفه حيل وكوه امشي من رجلي جانو شادينها الي بالمستشفى لان بيها رضوض من كثر الضرب عليها كوه امشي عليها مستنده على خالتي دخلتني للغرفه مالتنه جان احمد نايم نومتني يمه وكالت اني ظاله يمكم انتو ثنينكم مصوبين عافتنه وراحت حسيت احمد فتح عيونه
باوعتله نايم كمت نزعت ملابسي لبست دشداشه خفيفه وربع ردن والصدر دلع ولنص الركبه لان عندي كانونه بيدي ما اكدر البس ردان طويلهاحمد . حسيت على امي من جابت وسن يمي بس سويت نفسي نايم من طلعت امي باوعت على وسن ستغربت من الي شفته بياض جسمها مو طبيعي اجت نامت يمي فتحت عيوني كلت وسن
نعم
انتي وسن متأكده
اي انه وسن البضه ام عيون زرك وجها قبيح
كعدت عدل شنو الموضوع
مو وكتها احمد ارتاح هسه وخليني ارتاح تعبانه كلش باجر احجيلك كلشي
لزمتها من شعرها لج وسن احجي كلشي عبالج اذا ايدي مصوبه عندي غيرها والله اموتج بيها
احمد الله يخليك تعبانه والله تعبانه
ما اكدر احجي
نسيت اهلي بالبيت كمت اعيط عليها سمعت امي فتحت الباب احمد عوف البنيه
شوفي امي تعالي شوفي يعني نغشيت بيها
احممممد عوف البنيه لا اصيح لابوك اني اعرف كلشي
شنو تعرفين كلشي ليش محجيتي
محجيت اني كتلها نروح للدكتور واعالجج وبعدين تكلين لاحمد البنيه حجتلي كلشي بس اني مخليتها تحجيلك
يمه تعرفين شنو يعني خدعتوني
محد خدعت يعني زوجت وحده مو حلوه وهسه طلعت حلوه وجنن وين الخداع بهالشي لو مزوجينك لوحده حلوه وبعدين تكتشف هي قبيحه جان كلنه مخدوم خلي طيب واني اعالجها والبنيه ما تتقرب صوبها
جنت لازمها من شعرها واحجي ويه امي حسيت وسن ثكلت بيدي وكعت وفقدت الوعي اجتي امي تركض عليها
وسن كومي يمه وسن حبيبتي كومي
احمد جيبلي مي عطر اي شي
طلعت مثل المخبل جبت مي واجيت نطيته لامي واني عقلي ابد ممستوعب الي صار معقوله هاي وسن لا ما اعتقد صحتها امي ونومتها واني رحت اخذت حبوب مهدء وكعدت ساعه ب8 بالليل لكيت امي مسويه اكل
سألتها على وسن كالت نايمه
عوفها ترتاح كعدت وهي كوه تمشي طلعت وسلمت علينه وراحت للحمام من طلعت كلت لامي يمه تكدرين ترجعين للبيت اريد اظل وحدي ويه وسن
احمد لا تأذي البنيه
يمه روحي وعوفينه ما أذيها لا تنسين هي زوجتي
احمد بداعتي وغلاتي عندك البنيه ما تأذيها يمه انتي روحي ما أذيها راحت امي وظلينه اني وسن بالبيت نقهرت حيل حبيت اذيها اكثر من قبل كذبت عليه وغشتني بسيطه وعدت امي ما:
اضربج
بس الا اخليج تكرهين روحج
وسن اريد اكل ما اكدر تعالي وكليني
هاا
اي شنو ها ايدي ما اكدر ارفعها الجرح يأذيني
هسه اجي
وسسسن من احجي كلمه تتنفذ تجين بسرعه والا اكوم اكسر راسج طاح حظج وحظ تربيتج وحظي الي زوجت وحده مثلج
اكلت ظرب حتى الحيوان ما يتحمله وانه تحملته وهسه هذا يدلل عليه فوك كتلته وخله عيني تورم وتركني وحدي بالبيت ولو ما اجه هو باخر وقت جان هذا الحرامي موتني يعني انه شنو ذنبي شنو الغلط الي سويته حتى يعاملني بهاي الطريقه
رحت يمه رجلي جانت مورمه كوه امشي عليها جريت الكرسي وكعدت يمه اوكله عبالك حاطتلي طفل وادلل بي اكل لكمتين والثالثه شمرها بوجهي
وجهج يسد النفس ما اريد اكل بعد كومي منا
اذا وجهي يسد النفس ليش تزوجتني شنو الي جبرك تاخذ وحده مثلي
تردين تعرفين ليش
اي اريد اعرف
لان قبل لا ازوجج ضربوني بسجين ومن اخذوني للمستشفى كال الطبيب انت عقيم ما يصير عندك اطفال واخذتج لانج قبيحه وفقيره واكيد ما راح تلكين هيج عيشه وهيج اكل وهيج مكان يحتويج لانج جنتي كاعده بمزبله وحسره عليج الكمه هسه عرفتي شنو السبب ارتاحيتي لان اكيد اذا اخذ وحده حلوه ما تعيش وياي من تعرف اني عقيم فكلت اخذج اكيد تقبلين
شلون فكرت انو انه اقبل اعيش وياك
لانج قبيحه وشكلج يلعب النفس ومحد راح يباوع بخلقتج بعد شنو تحبين تعرفين وللعلم طلاك ما اطلك وتعيشين هنا خدامه فهمتي وبس اطيب ازوج عليج وغصبن عليج تخدميني وتخدمين الي ازوجها
عفتها ومن كمت سحكت على رجلها الي مورمه وتعديت التفتت عليها شفتها تبجي تستاهلين كلشي لو حجيتي من البدايه واعترفتي انج مو قبيحه قبل لا ازوجج جان ما زوجتج ولا جبتج هنا فدفعي ثمن سكوتج
وسن... كلامه جان مثل السجين تكطع بكلبي بس عنده حق جان المفروض احجي وما اسكت جان المروض ما اخاف من امي وهاي انه ادفع ثمن غلطي وغلط امي كلشي طاح براسي بعدني بعمر الزهور واحس نفسي كبرت عشرين سنه مرت علينه ايام ابد ما تعرضلي ولا اذاني جنت مأديه واجبي على اتم وجه البيت والتنظيف والاكل ملابسه اغراضه كلشي دائماً جاهز
.تعافيت تماما من الجروح ورجلي طابت وكمت على حيلي اخذتني خالتي لطبيب الجلديه نطاني كومه علاجات وابر وكريمات ادهن منهن وجهي وايدي لان كانن نفس اللون والحمدلله مع الاستمرار عليه رجعت وجهي الطبيعي الابيض وعيوني زرك جنت احاول اكسب احمد يعني هو زوجي وهسه مرن علينه اسبوعين صح بالبدايه تأذيت وياه بس مهما يكون يبقى زوجي ولازم اكسب كلبه جانت احاول الفت نظره بالاكل باللبس بأشياء بسيطه اسويها حتى اذا غبت يعرف قيمتي وما اريد اتطلك وارجع عد اهلي يم امي ما صدك تعافيت ورجع وجهي لطبيعته هم يرجع يحترك
خالتي ونور علاقتي صارت بيهم قويه بس ولا مره احمد اخذني لاهله ولاةشفت بيتهم من زوجت لهسه جنت كاعده بالصاله وافكر بعدما خلصت طبخ الغده رجع احمد من الدوام
سلام
عليكم السلام الله يساعدك
جوعان اكو غده
تدلل من عيوني دقايق واحط الغده
اوك علما اغسل
طفرت بسرعه حظرت الميزوخليت الاكل جنت مسويه دولمه وتمن ومي لحم
احمد رجعت للبيت من المستشفى جنت تعبان كلش وجوعان دخلت للبيت سلمت وكتلها جوعان راحت تحط اكل واني رحت اغسل افكر بيها خلتني اتغير ساعات اريد اطلع قهري بيها لان جذبت عليه بس ما اعرف شنو الي يمنعني يمكن بديت احبها او اتعلق بيها هوايه تهتم بيه كأنما الشي الوحيد الي تسوي بحياتها تهتم بيه رحت للمطبخ لكيت الاكل جاهز كعدت اكلت
وسن.. احمد
نعم
ممكن طلب
اي شنو . ستغربت طلبت مني ولا مره كالت اريد شي
اريد اروح يم خاله ونور
ليش
من زوجنه وانه مشايفه بيت اهلك ولا مره رحت الهم حابه اروح اظل عدهم
اي ليش لا بعدين اوديج خلي نخلص غده وارتاح شويه
اوك
انتبهت على اصبعها شادته
شبي صبعج
هاا انجرحت من جنت اكصص اللحم
عقمتي الجرح
لا بس غسلته
الحمدلله خلصت اكل
عوفي كلشي وتعالي اعقم الجرح . رحت جبت العلبه الجبيره فوك الكنتور جنت مخليها بالغرفه لكيتها كاعده تنتظرني كعدت قريب منها حسيت بيها خجلت سحبت ايدها فتحت الجرح
هاي شمسويه مكصصه لحم لو متعاركه ويه صبعج نظفت الجرح جبير كلش والجرح مو عدل يحتاج خيطين من كل جهه خيط كتلها راح اخيطه
هاا لا احمد اخاف
شبيج هو بنج وبسرعه
عندي العلبه كلشي متوفر بيها خيوط وبنج موضعي مدة ربع ساعه ضربتها ابرة البنج طلعتهن وجهزت المقص حسيتها وجها صار اصفر وخافت كلش
شبيج وسن ترى ما يأذي بسرعه نخلص ضربتها الابره على الجرح تأذت وصرخت على كيف ضحكت على صرختها قصيت الخيط خيطت جرحها وعقمته ولفيته رفعت راسي اباوع عليها تبجي
جذبني شكلها طفله بريئه تجنن جنت كلش قريب منها شعرها جان نازل على خدها تقربت اكثر منها مديت ايدي على خدها مسحت دمعتها بستها بخدها
وسن .. انصدمت من قرب احمد مني مو معقوله هذا احمد يعني شنو مريض نفسي يوم زين ويوم شين
حسيت على نفسي ابتعدت عنها لا احمد لا هاي من البدايه بدت حياتها وياك بجذب بس اني هم بديت وياها بجذب واخذتها علمود غاية:
يله وسن كومي حتى اوديج لاهلي
اي هسه بس اكمل لم السفره واصبلك جاي
تولي تركيها صبعج توه مخيط لا تحركينه هواي ولا تخلين الماي يجيسه وحسبي حسابج راح نبقى عد اهلي
اوك الي تأمر بي يصير .. فرحت حيل يعني راح ابقى يم نور رحت لبست بنطرون اسود وكوت بيج وحذاء كعب حتى اصير شوي طويله خليت شوية كحل خاج عيني وحمره ورديه ومسكارا طلعت لاحمد يله جاهزه
ضليت صافن معقوله هاي وسن هيج حلوه
يله شبيك صافن
اي يله
طلعنه طلعت كدامه وكفت يم السياره
شفتها لابسه كعب وانيقه كلت خلي اغثها لا ما نروح بالسياره نروح مشي حاب امشي شوي وبيتهم مو بعيد مسافه منا
هاا اوك براحتك
مشينه نص الطريق وظليت اتعثر كوه امشي لا ارادياً لزمت ايده حتى ما اوكع
وصلنه نص الطريق وعثرت ولزمت ايدي اني فرحت ايدها ونعومتها مثل ايد الطفل بيدي عصرت ايدها واحنه نمشي كلش غرت نمشي والناس احسها تباوع علينه لو جاي بالسياره احسن صوجي اني طلعتها هيج قريب نوصل لاهلي اكو ولد تعده من يمنه ومن صفحتها هي لزكت بيه وهو ذبله حجايه اني صرت نار لزمت الولد بالشارع كطعتهواجرت سياره رجعنه للبيت ما كملت لاهلي دخلنه للبيت هي خافت وشردت جوه بالغرفه
رحت وراها واحس نار تطلع مني
لج وسسسسن انتي جنتي فرحانه مو يسمعج حجي
لا والله انه خفت لزمت ايدك وانلزكت بيك
تعرفينه ها
لا والله ما اعرف احد اول مره اطلع من البيت
تقربت عليها جريت الحجاب من راسها ولزمتها من شعرها بيد وايدي الثانيه لويت بيها ايدها البيت هذا ادفنج بي ومطلعين بعد فهمتي
اي فهمت والله بس ايدي تأذيني
من كالت ايدي تأذيني زدت عليها كمت نزعت حزامي وظليت اضرب بيها على رجليها الى ان حسيت رجليها ورمن من الضرب وصار بيهن خطوط زرك عفتها وكعدت على طرف الجربايه شفتها اجت يمي تجر بنفسها جنت مخلي ايدي على راسي كامت كوه وكفت على رجليها وباستني على راسي وكالت انه اسفه وطلعت بره هدئت شويه ورى ساعتين طلعت بره سمعتها تبجي بالحمام انقهرت عليها بس هي السبب هي السب
كعدت بالصاله ورى شوي طلعت شفت الدنيا مطر طلعت اغطي السياره بدخلتي قوى المطر دخلت على كيفي للبيت رحت للمطبخ هي جانت بي ما سمعتني من دخلت جانت تحجي ويه نفسها الله يسامحج يمه الله يسامحج ذبيتيني عد هذا الاناني اللئيم الوحش بساعتها صرت صدك وحش هجمت عليها مثل المجنون جريتها من شعرها وشمرتها بالحديقه بالمطر ودخلت قفلت الباب
سمعني من حجيت عليه جرني شمرني بره بالمطر ودخل كمت اركض افتح الباب مقفول ادك عليه ما يفتح ايست وكعدت بالمطر اذن المغرب وفات وصارت ساعه ب10 وهو ما فتح ملابسي كلها تبللت المطر يوكف شويه ويرجع وتمطر حيل وهواي ظليت ارجف من البرد جنت لابسه ساعه بيدي صارت ساعه ب1 بالليل وهو شامرني بالمطر حسيت على نفسي دخت وكمت ارجف حيل من البرد الا ان فقدت
احمد.. طلعتها بره ودخلت كعدت افكر لازم ازوج عليها لازم عندي بنيه زميله وياي بالدوام بعدها ممزوجه فكرت بيها باجر افاتحها بالموضوع وخلال اسبوع ازوجها واكسر خشمها اخليها هنا خدامه نمت كعدت ساعه ب2 بالليل سمعت صوت المطر بعده وقوي تذكرتها بره عساها تستاهل رحت اشوفها باوعت من شباج الصاله شفتها نايمه وملابسها كلهن ماي بوكتها صار المطر حالوب كبار يعني يأذي من يطك الشخص اباوع عليها ما همها ولا كعدت تخبلت بس لا صار بيها شي طلعت اركض عليها وسن كومي وسن كومي شفتها ترجف ومغمي عليها شلتها بسرعه وركض للحمام نزعتها ملابسها سبحتها بماي دافي بي شويه حروره حتى تدفه طلعته لكيت اكو عدها روب مالت شته لبسته الها ولفيتها بطانيه وهي ابد ولا حست عليه حاولت اكعدها بس ماكو فايده وبدت حرارتها تصعد كمت احط الها كمادات جسمها كله يرجف بههالحظه موبايلها دك استغربت من يتصل بيهج وكت شفت مكتوب امل ما رديت بس شنو تريد هاي فت الموبايل ولهيت بوسن انطيتها علاج ردتها تكعد ماكو ظلت ليوم ثاني الظهر وهي ما تكعد واخاف اوديها للمستشفى ويشوفون الضرب الي بيها واتورط كمت خليتلها سيروم حتى لا يجف جسمها وخليت بي ابره وربطت الكانيولا الها وشديته وخليته يمشي بيطيء موبايلها ابد مسكت كل شويه يدك للمغرب حست وسن وكعدت كومتها كعدتها ابد ما حجت بس كعدت سألتها منو امل كالت بنيه يم اهلي اعرف اخبار اهلي منها ليش
لا ماكو شي بس من البارحه لليوم تتصل
ليش ما رديت جسميجان كله مكسر عليه ورجليه زرك كمت اريد اجيب الموبايل
وين رايحه
اجيب موبايلي
اني اجيبه كعدي انتي رتاحي
نطيتها الموبايل خابرت امل
لج وسسسن وين جنتي واسمع صوت صريخ يمها
شنو امل شبيج اهلي بيهم شي
لج وسن امج ماتت امممممج ماااااتت
حسيت الدنيه دارت بيه وكف كلشي بعيني خلص كلشي بالحياة امي شلون تموت من كثر الوجع الي بيه ومن كثر الظرب الي بجسمي ما اكدر حتر ابجي
ظليت اكوم واطيح احمد حاول يفهم شي مني ما كدر صرت مثل المجنونه نوب اضحك نوب ابجي واصيح ماما وينج ماما تعالي ماما بس اشوفج
استغربت من وضعها بعد التلفون الي اجاها ضلت تبجي وتضحك وتصيح ماما شبي
ها
امها اخذت موبايلها واتصلت على نفس الرقم طلعتلي مره حجيت وياها كلتلي ام وسن توفت انقهرت حيل امها كلش طيبه وحتى وسن طيبه بس اني ما اعرف ليش كارها واعذب بيها
اخذت وسن بسرعه لبيت اهلها جنت شايلها وصلنه للبيت لكينه محد بي والبيت الباب مقفول والحايط طايح من صفحة الغرفه شفت القطعه الي معلكينها على الباب مكتوب بيها عنوان رحت عليه لكيت الفاتحه بي ما اعرف بيت منو دخلت وسن كوه لخواتها ظلت تبجي قهرني منظرهم رحت طلعت يم الزلم جانو دافنينها وخلص اليوم الاول من الفاتحه احنه مندري لزمت الفاتحه ويه رجال يكول هو خال البنات اخو ام وسن
منين طلع هذا حتى ما شايفه شلون تكول ما عدهم احد وهذا شلون لعد خالها بالفاتحه وهم افكر يعني هم جذبت عليه
وسن وداني احمد لفاتحة امي جنت كوه امشي مستنده عليه ولازم ايدي دخلني لخواتي حضنتهم وظلينه نبجي اجوني ناس هواي عزوني ما اعرفهم ولا شايفه احد منهم يكولون هم كرايبي وين جانو قبل وين عافونه من عرفو امي ماتت صارو اهل اجوي اهل احمد للفاتحه خالتي ونور هم حظنتهم وظليت ابجي سألتني خالتي شبيج احمد ضاربج
لا خاله غسلت ملابس وكعت من الدرج
على العموم يا عيني شدي حيلج كلنه على هذا الطريق وديربالج على نفسجهم السابقون ونحن الاحقون
احمد.. اني جنت نسيبها شلت وياهم الفاتحة 3 ايام خلصت فاتحتها والناس كلمن راح لبيته دخلني خال وسن للديوان ورحب بيه كلت اخذ وسن وياي ونشوف شنو مصير خواتها
صالح الرجال على وسن وخواتها اجو دخلو شفت وسن بعد 3 ايام جانت حالتها تعبانه كلش وجها صاير اصفر لان جانت مريضه من كثر المطر والظرب دخيلك يا ربي ازرع رحمه عليها بكلبي ليش هيج كارها
تفضلو بنات محدغريب هذا احمد نسيبكم زوج اختكم انه جمعتكم حتى اكلكم يقين وزمن يضلون عندي وبركبتي وانه اريدهم لولدي
هسه تريد خواتي لولدك وين جنتو عنه ويييين كلي وين عشنه حياة كلها ذل وجوع ومرض محد منكم دك بابنه وسأل عنه
صوتج خالي لا تعلينه
وليش ما اعلي انت تكول خالي ليش من ماتت امي يله طلعتو وين جنتو
خالي امج ما جانت تنطينه مجال وما جانت تقبل احد يجيكم ومنو الي يجي تطرده
وسن انتي تعرفين ليش امي جانت متقبل نفتح الباب انه لو زمن لان جنه نعرف خالي وما جانت تريدنه نفتح الباب حتى لا نكول خالي يجينه ويسأل عنه انتي الوحيده الي ما شايفه خالي اكثر من مره يجي وامي طرده
خالي احنه صح غلطنه ويه امج وجبرناها تزوج واحد معوق بس السبب منها شكد حجينه وياها ازوجي الي اذاج مقبلت وافقت على المعوق وما وافقت تزوج الي غتصبها واحنه جنه المفروض نستر عليها ومحد ستر عليها غير ابوج من بعدها امج كطعت بينه وما رادت احد من عدنه يوصل الها انه قبل لا تموت بأسبوع جنت يمها واتوسل بيها تجي يمي بس ما قبلت الا ان طاحت عليها الغرفه وماتت وخصم الحجي خواتج اريدهن لولدي
والله خالي انته وخواتي كيفكم انه ما عندي اهل مثل امي واذا خواتي موافقات الله يسعدهن
والبيت راح ابيعه وانطي كل وحده حصتها
كيفكم .. يله احمد امشي
يله .. مع السلامه حجي
الله وياك ابني
طلعنه اني وسن جنت بس صافن على كلامها ويه خالها لعد هذا لسانها ليش ما طلعه عليه ولا ترادد بالكلام وصلنه للبيت اول مدخلنه كتلها خوش عندج لسان لعد ليش ما تردين عليه من اغثج
لان امي كالت احترام زوجج فوك كلشي ولو يكلج هذ الماي احمر تكليله احمر
اممم لعد اذا هيج اني راح ازوج واجيب زوجتي تكعد هنا والغرفه اريدج تفرقينها وتخلين كل غراضج بالغرفه الثانيه واي شي يخصج ما اريد اشوفه فهمتي
صار تدلل
فعلا عدت كم يوم علينه خطبت الي وياي بالدوام اهلي عارضوني وامي وكفت بوجهي وسن ابد ما حجت شي ولا عترضت ولا سمعت ابها اي كلمه ابد ما عدها شخصيه خطبت البنيه وهي وافقت وكلمتها على وسن كتلها هي مجرد خدامه مو زوجه يعني ما اريد غيره ولا مشاكل واذا هي سببتلج شي كليلي واني اادبها مرت كم يوم وازوجت .. اسماء .. اسم زوجتي .. بعدالحفله والعرس والهوسه رجعت للبيت اني واسماء
وسن.. قرر يزوج وانه ابد ما اعترضت ولا كلت اي كلمه ليل ونهار ابجي على امي اتمنى اموت وراها وبيوم الساعه ب10 بالليل سمعت صوت الباب انفتح اتفاجأة احمد ويه بنيه عروس
يتبع ...
رد مع اقتباس
المشاركة الأصلية كتبت بواسطة ثامر الحلي
بانتظار الج ٧
بعدني
تصرفاته مو تصرفات عاقل
