جيبيني يادار قبل شامت اهلج يسل
انه من اشوفج دمعي من المحاجر يسل
اغذاي صار الصبر والجسم مني يسل
للوحشه صوت الصدى وسط الحشاشه يفت
من عكب الامجاد اجلي وشرابي يفت
ياحيف الاصحاب عني بالشدايد يفت
والشامت اليوم سل سيف الشماته يسل
********************************
اليوم اجلي وشرابي اصبحن مرات
ولامره اطروشك علي مرات
بجيت انه على حالك يخي مرات
ولامره بجيت انته عليه
يا صاح انت الكبد وانت بحياتي ورد
اتمنيت اوصل الك وانطيك روحي ورد
بالروح حبك زرع بستان هيل و ورد
وسهام حبك صفن بالكلب ميه والف
انت وليفي صرت وماعندي غيرك ولف
لو ابقى كل العمر افتر وادور ولف
ما ألكه مثلك محب ولا ألكه مثلك ورد
راح وكســر خاطري ولملم طيوفه وشال
ونهــر المحبـه نشف ظلت جروفه وشال
الزمــن ماعافنـي رد عالـكفوف وشـل
ماعفت حبــك انا كلبـي على حبـك ظل
عالهجر شو تعتنـي عالوصــل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال
ضحكت حبيبي دوه الجر الكلب شافتو
عينو وسيعة ومثل لون الجمر شغتو
ولفي احلا من الكمر طعم العسل شفتو
الكمر مالو عطر هيل مخلوط ابان
ولاطولو طول الرشى ولاغصنو غصن البان
الكمر لوما الشمس مالاح نورو بان
واني الشمس تستحي من ولفي ان شافتو
ياصاح دون الخلك كلبي الك فاتحة
والكلب ينخة الحلك بالحب الك فاتحة
اي والذي نزلج ام الصور فاتحة
مابين ضلع وصدر حبك حبيبي لطم
وحجي العواذل ترة يضربني صاير لطم
لو غبت عني ترة ابيتي يصبح لطم
ويصير كل العمر بعدك ترة فاتحة
راح وكســر خاطري ولملم طيوفه وشال
ونهــر المحبـه نشف ظلت جروفه وشال
الزمــن ماعافنـي رد عالـكفوف وشـل
ماعفت حبــك انا كلبـي على حبـك ظل
عالهجر شو تعتنـي عالوصــل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال
ﻓﺎﻛَﺪ ﻏﻮﺍﻟﻲ ﺍﻟﻜَﻠﺐ ﻭﺑﻌﺬﺍﺑﻬﻢ ﻧﺤﺮﻭﻧﻲ
ﻭﺧﻠﻮﻧﻲ ﺑﺤﺰﻧﻲ ﺿﺤﻴﺔ ﺍﻟﻌﻴﺪ ﻧﺤﺮﻭﻧﻲ
ﻣﺨﺎﻟﻔﻴﻦ ﺍﻟﻤﺸﻲ ﻭﻳﻦ ﻣﺎﺭﺣﺖ ﻧﺣﺮوﻨﻲ
ﻭﺣﺒﻬﻢ ﻣﻼﺕ ﺍﻟﺒﺤﺮ ﻭﺑﻌﺪ ﺍﻟﺴﻤﺎ ﻭﺃﺑﻌﺪ
ﺷﻮﻓﺘﻬﻢ ﺑﺴﺪ ﺍﻟﻌﻴﻦ ﺻﻮﺭﺓ ﺑتلث ﺃﺑﻌﺎﺩ
ﻓﻜﺮﺕ ﻣﻨﻬﻢ ﺃﻫﺞ ﻟﺪﻳﺎﺭ ﺍﻟﻌﺸﻚَ ﻭﺍﺑﻌﺪ
ﻃﻠﻌﻮﺍ ﺑﻌﻜَﻠﻲ ﺭﺳﻢ ﻭﺑﺸﻮﻛَﻬﻢ ﻧﺤﺮﻭﻧﻲ .
حلوووووووووو
عاشوووو
كلش حلووو عاشت ايدك
رد مع اقتباس