عاشت ايدك
عاشت ايدك
وحده احلى من الاخرى وتستمر الزهيريات
ويـاك انـي اسـئلـك يـاصاحبـي مــلتــي
دارت احوالك علي روحـك اظــن ملتـــــي
ماشوف بيهـه جمر صـارت ثتلــج ملتــــي
يــاريـت تكرب عَلي وادفـه بجمـر ملتـــك
روحـي التحسبك نـفس مـاشوفها ملتـــك
يـابـوصليـب الذهـب تونـي اعـرفـت ملتـــك
ويــاك اذبــــن جـــرش واتــرك درب ملتــــي
لليوم جرحك غميج وبالكلب عالم
لا فادة ضمادة لا طب ناس لا عالم
اهواك والله الخبير بنيتي وعالم
ورغم الجرى والصار لك بدليلي نفس
ذيج الغلاة غالي بغلاة النفس
حقك يا غالي علي ان شلت كبرت نفس
يلولا بحلاتك فلا اسولف مع العالم
منهو ضعيف البخت الكال منحبكم
واحنه عطاشة ونروم الماي من حبكم
واحنه الزرعنه كلبنه ورود من حبكم
واصبح دليلي كطن بيه الليالي اندفن
وتظل جروح تندي وايندفن
ان جاكم خبر ان المرسل مات واندفن
اعلم تراني متت يازين من حبكم
يا صاح هذا الوكت باحبابنه من بره
واسال علينه القلم لمن كتب من بره
صرنه قصايد شعر وصرنه اله من بره
والشعر ياصاحبي اوزان اله وجناس
ومو كل شعرينفهم ياما شعر وجناس
ابياته من تنكتب تعرفهه بعض اجناس
لكن شعرنه صعب عالجاينه من بره
يا صاحب المال حاير تفكر مالك
بالدنيا ميدوم لا حاكم ولا مالك
الملك لله هو الحاكم المالك
ليمته تبكه تذخر المال بسك عاد
لا تظن واحد يموت وبعد موتة عاد
وعلم يخايب لو تملك جناين عاد
مالك من مال غير التاكلة مالك
يساكن ارويحتي هاك استمع ما يلي
وحدك عشت بالكلب وغيرك ابد ما يلي
عطشان انا الشوفتك يلشوفتك مي الي
والشبع من شوفتك كل عمرة يبقة عدل
وياك ما خالفت صدكني ماشي عدل
لا يرضاها قاضي شرع ولا يرضاها قاضي عدل
للناس تحكم عدل وحكمك علي مايل
يادار جيت اسألج وين الولف....راحلي
كالت جفوني ومشو وماضل بعد....راحلي
ذوله غوالي سكنو دون البشر ....روح الي
شالو وحبل الرجا بيهم غده ....مكطوع
وماانسه حبهم ابد عهد وعلي ....مكطوع
مايرجعولي نتهو صار الامل ....مكطوع
وضليت امسح دمع وصفك ندم ....راحلي
راحن ايام السعد ماظن بعد تنعاد
دفتر حياتي قصص اشكال ماتنعد
هموم ومأسي وصبر وافراح ماتن عاد
وايام هذا العمر حسبات حيف انكضن
ومن البواجي يغالي اجفون عيني انكضن
انجان جروحك عالجهن وانكضن
اجروح كلبي اكثير ماتنعد
رد مع اقتباس