السلام عليكم
دعوه لكل اعضاء الدرر بان يرفدوا هذا الموضوع بكل ماتيسر من ازهيريات عراقيه وباقلام الشعراء
وطلبي من اخي كبريائي قاهرهم ان يثبت الموضوع وجعله في الواجهه الاماميه لمنتدى الشعر الشعبي
وعلى المحبه والسعد نبدأ
********************************
بقاموس قلبي تره بس اسمك انت ورد
والعطش ماهمني كلت الكه عدكم ورد
حسبالي انت الي وطشيت عمري ورد
ثاريك ابد ماتحب لن مسئلت عني
ولاهمك انت الجره وشنهو سبب عني
مدامك انت الكلت روح ابتعد عني
رايح انه للأبد لضن احنن ورد
وتحياتي
ميزتك كلش ترف وشفاك حامض حلو
حطيت رسمك لغز وكلتلهم اني حلو
حليتة وتعذروا صفكولي كالوا حلو
كالولي نقطة ضعف عندك كلت نقطة
تذبل لون الجفن ذب عالوجن نقطة
واسمك بثلث نقط واسمي بلا نقطة
اجمل شخص بالارض انتة واكولن حلو
يا زين مرني وســل عنــي وعــن منزلي
تلكَاني أحبك وأبد عن شوكَي ما منزلي
لا والكـــتاب الــذي مـــن الـعرش منزلي
أحـــلف يظــــل يا حلو بينك وبيني وصـل
ومهما تباعد علي أتعــــنه يمــــك وصل
كون تعرفــني أنا من يا حمــــولة وأصـل
جـــان نزلت دمعتك من هيبتي ومـنزلي
تسلم اخوية العزيز
فكرة جميلة جدا
موضوع خاص فقط بالشعر الزهيري
موضوع جميل عاشت الايادي
فكرتك عجبتني حيل بدل ما نفتح اقسام كاملة بنوع من الشعر
نوضعة بشكل موضوع مثبت
تسلم استاذي الغالي
ويثبت الموضوع مع التقييم
ودي واحترامي لحضرتك
بيدك معاضد ذهــب يا زين ريت انه
وتصر من قسمتي للمــوت ردت انه
تاناك كلبي وبزع وبشــوك رد تانه
ما أيس ومنيتو انو بهواكـــه فاز
ويجفلو ذكرك مثل طفــل بمنام فاز
والله لولـــه الغلا ينعرض بالتلفاز
لعرض غلاتـك على شاشات روتانا
كصت شعره الخلك بس مو مثل كصتك
وماشفت بين البشر طولك ولاكصتك
جن واله انس كلي شنو كصتك
عجبني طيفك معاي ايبات عجبني
وكل ما اروح الدرب الكاه عاجبني
تدري شنو انته الفتني وبيك عاجبني
عاجبني كلك حلو من جدمك الحد كصتك
مارحتي هاذ الگلب بوصال مرنتي
ومرنتي گلبي على الهجران مرنتي
ردنه تمرين مره بشوگ مره انتي
ماردنه منج ذهب بس شوف وجهج بس
وشحيتي بمواصلج ليما هرشنه يبس
حلو وشبيه الگمر وخدود تسحر بس
مره انتي رغم الحلات البيج مره انتي
يا بحر موجك عله تالي شعجب مد رسه
ما اظنك بهلوكت ترضه النذل مد راسه
منك درست العشك وانه الجنت مدرسه
شيطان هاذا الوكت بيه القهر جامعه
مو بس قهر جاب الي حتى السهر جا معه
مسكين هاذا الذي يعشك بنت جامعه
يلكاهه بأسم العشك فتحت قبل مدرسه
هموم هواك ما خلــــــــن .. علي حال
فريضة وحبك مـــــــــن الله .. علي حال
يالتنشد على حالــــــــي .. علي حال
شيفيد النشد عالصار بيـه
بالكلب حبك سكن بالك تظن هامله
ومن يوم عني ابعدت ادموعي الك هامله
صدكني غيرك بشر ما دنكت هامله
اتمنيت اشوفك حلم وهلال وجهك يهل
وعلى الوجنه دمع الفرح يا ترف لجلك يهل
ناديتك ارجع الي اليوم اريدك يهل
بصحراء عشكه تهت اوتاه الكلب هامله
رد مع اقتباس