هضم بيه الوكت وتعلميت الاه
وشلت الدموع وصبحن خنياب
وملاني الزمان ومنه هم مليت
محزن طول وكتي ويالجفوني عتاب
انا مناطر تردلي وترجع الايام
عل ادروبك اعيوني ما تركت الباب
شكثر ردت لعشه طيور ردت شوك
ولا رديت ليش بردت الغياب
وانا يعقوب وكتي ومولحت العين
ردت منك قميصك يرد شوفي انصاب
شكثر منك سوالف سولفت عالروح
نشدت صغار عنك ونشد الشياب
يل همك غطاني ومالي حيل هموم
احتركت بنار كبره وكمت اشم عطاب
ولا فد يوم مره سيريت بطيف
وانه ادري ابطيفك من يمر جذاب
اظل افتر وادورن دورت الناعور
دايخ بيك واحسب ضيعت احساب
يادفتر واسجل بيك حزني الصار
يا قصه و سوالف ما يلمهه كتاب
هضم بيه الوكت وتعلميت الاه
وشلت الدموع وصبحن خنياب
منقول
رد مع اقتباس
المشاركة الأصلية كتبت بواسطة انثى مخمليةة
