قدر امي يكتب حياتي
البارت الخامس
بيت اهلها قبلها رحت للسوك تسوكت لبيتي وتسوكت لاهلها كلت خطيه وما اريد ابين كدام اهلها اني مو زين ردت من يعرفون هي الي تركتني اني رايدها ومدللها حتى محد يلومني كملت مسواك خضروات وفواكه واخذت وياي دجاج مشوي نزلت يم بيتهم دكيت الباب
وسن .. مر يوم ثالث وانه مرتاحه منه واستخدمت الكريمات الي جابتهن امل حسيت اكو فرق واسع وجهي رجع يصير ابيض والبقع بدت تخف من استعمال 3 مرات اكو شي استخدمه الصبح وشي استخدمه بالليل وشي اغسل بي وجهي وصابون خاص هواي اشياء جابتهن امل ساعدتني بيهن حتى خواتي انتبهو وجهي تغير بده يرجع ابيض ال200 الي نطانياهن احمد مصرفت منهن شي ظللن مثل ما هن اكل ويه اهلي من اكلهم شنو يعني انه غريبه عنهم هاي حياتي الطبيعيه للظهر الساعه ب2 امي وخواتي نامو وانه كاعده افكر ليش ما اجه يعني راح يطلكني تخربط تفكيري كمت وكفت كدام المرايه اباوع على وجهي صدك متغير للاحسن بدلت ملابسي لبست تراكسود وردي احب اللون الوردي اعشق هذا اللون وبي رصاصي طبعاً شتوي لان الجو صاير حيل بارد رفعت شعري وحطيت لفاف على ركبتي ونزلت شويه من كذلتي سمعت الباب يندك رحت افتحه
منو
اني احمد
وجعني كلبي من كال احمد اكيد حيرجعني للظلم مالته
فتحت الباب
هلو احمد
هلو وسن
سوي طريق عادي ادخل
اي تفظل شهالكلام البيت بيتك
دخلت المسواك
شنو هاي احمد شنو جايب
مسواك لاهلج بما انو محد عدهم بس اني رجال اكيد لازم شويه اتحمل مصاريف بعد هو اكل مو شي غالي
اي بس ماكو داعي
انتبهت عليها متغيره حيل بهاليومين اعتقد شويه وجها كاشف يمكن من علاج الحساسيه الي عدها بس من تقربت منها حسيت كلبي يدك حيل اول مره هيج احس
لازم ترجعين وياي
هاا..
شنو هااا لازم ترجعين
اي اكيد مو زوجي فلازم ارجع وياك انت تأمر .. خفت منه وافقت ارجع وياه
اكو ويه الاكل دجاجه مشويه هي ومقبلات وتمن اني ما متغدي صارلي اليوم ثالث ما ماكل زين
من عيوني نرجع للبيت وتاكل
يعني انتي غبيه اكلج ويه المسواك الي نزلته لاهلج اذا اريد ارجع للبيت واكل ليش انزلها روحي حطي وكليلكم يجون ياكلون ويانه
احنه تغدينه
شنو غداكم
غدانه مرك عدس
اوك ميخالف روحي صيحي لامج واني وين اكعد انتظرها
هاا هنا تعال بالمطبخ بس شويه اكعد خواتي وادخل للغرفه
اوك انتظرج
رحت بسرعه على خواتي كعدتهم وكلت لامي يمه اجه احمد كعدو بسرعه ظال بره خلي يدخل هنا يريد يتغده ما متغدي جاي من الدوام يكول خلي يتغدون وياي
كعدو خواتي لبسو حجاباتهم وعدلو ملابسهم وشالن الفراش وصحت لاحمد دخل
يا الله سلام عليكم
عليكم سلام
شلونج خاله شلون صحتج
هلا يمه هلا بيك حياك الله ادخل تفظل اكعد
اعذرنه يمه بعد ما عدنه غير هالغرفه نام ونكعد بيها شنسوي بعد
لا خاله شنو هالحجي انتي عذريني اجيت بوكت متأخر وبدون ما انطيكم خبر
لا يمه شهالحجي هذا بيتك وسن مرتك وانت بحسبت ابني صرت
هذا من طيب اصلج خاله
وسن اجت يقين تساعدني وزمن وياها
لج وسن هذا شنو رجلج صاك
عيب لج استحي
ولج سمعي كلامه شلون يحجي ويه امي شكد مثقف ومتفهم هنيالج عليه صدك عندج حظ
كلت بكلبي اي صح عندي حظ ما تدري مطيح حظي بالبيت والله يا الله عندي حظ حطيت اكل ورتبته اله واخذته فرشت السفره ويقين وزمن ينطوني الاكل وانه احط الاكل كملت كتله يله تفضل
اشرلي اكعد يمه
رحت يمه كعدت
كال يله خاله تفضلي وسن صيحي خواتج خو ما اكل وحدي على الواهس وياي
اكل يمه بالعافيه احنه تغدينه
يله خاله حتى لو لكمه هاي اول مره اكل عدكم شلون يعني اكل وحدي
لا يمه هسه ناكل وياك ما يصير خاطرك الا طيب يمه يقين زمن تعالو اكو هذا رجل اختكم مو غريب لا تظلون بره بالبرد
اجن خواتي وانجمعنه كلنه على سفره اكلنه ويقين كل شويه تهمسلي بحجايه وانه اخرب من الضحك عليها وزمن تخزر بينه نسينه وجود احمد بينه
احمد .. وسن ماكو شويه مرك اريد
ها اي بعيوني هسه اجيبلك اكو مالت عدس ظل من الغده شويه
اي عفيه جيبي وخلي عليه شويه ملح يمكن عندي هبوط ونسيت اجيب لبن
اي بعيوني جبتله المرك وخليته يمه وزيدت شويه ملحه
اكلت من المرك صدك طيب على نياتهم لان فقراء ولا ماكل مرك عدس هيج طيب كملت وكمت الحمدلله الله يديمها خاله
الله يديمك انت يمه وينطيك العافيه ويرزقك الذريه الصالحه
ان شاء الله
اعذرنه يمه على القصور
لا خاله قصور شنو قابل اني غريب من عدكم صرت
بالعافيه يمه
الله يعافيج
تقربت من وسن وين اغسل .. من تقربت عليها شميت عطرها دخت انسطرت وهي جانت تضحك ويه اختها من اجت يمي ما شفتها هيج تضحك
اي بالحمام امشي ادليك
طلعت اغسل وهي اجت وراي جابتلي المنشفه كالت هنا غسل
اكلج يعني ماكو احترام بعد حتى على الاكل ضحك لو نسيتي اني موجود
ها لا والله بس يقين جانت تضحكني
ايبا وليش ما تضحكنه وياها شنو يعني جانت تحجي علي
لا ابد والله شلون تتوقع اخلي احد يقلل من قيمكت لو يحجي عليك انت زوجي
امم مبين
ليش يعني شنو قابل انه احجي عليك
اي يجوز كلشي يصير
غثيتها بالحجي ودخلت اغسل خلصت
:
وطلعت ج
انت مسويه جاي كعدت يم الحجيه بره شربنه جاي وسولفت وياها صدك امها خوش مره ونعم منها تكلي بتي لو اذتك ايدك الك وانه مرخصتك يمه ما عدنه بنات تخالف رجلها وانه سألتها يمه انتي بعدج عروس ليش تجين وتعوفين رجلج وتظلين عدنه كالت لا يمه هو عنده شغل وكال روحي لاهلج
باوعت لوسن زين ما حاجيه لاهلها شي
ترخصت من امها
يله وسن هم يله ساعه 4 وبسرعه يصير مغرب نرجع للبيت بس انتظري اروح اجيب شويه اشياء محتاجها من الصيدليه جهزي علما ارجع
طلعت رحت جبت شويه علاجات اخليهن يمي بالبيت سلمت على الولد تعذرت منهم ورجعت لكيتها تنتظرني بالباب ودعت اهلها واجت وراي صعدت وبسرعه طلعنه للبيتما اعرف ليش من ادخل للبيت وهي بي اتخبل عليها انكلب مثل الوحش تونه ندخل وصحت وسسسسن
ويه صيحتي ضربتها راشدي وكعت بالكاع ضربني وكعت بس ما بجيت ولا كتله ليش ولا حجيت اي كلمه
كومني ورجع ضربني مره ثانيه على عيني حسيت عيني صارت حاره لان لابسه العدسات وضربني عليها وكعت بالكاع
ظليت اضرب بيها ما اعرف ليش ردت سبب ابرر ظربي الها ما لكيت شنو الي خلاني اظربها هي محجت شي لاهلها ولا سوت اي شي يضايقني
واكثر شي ضايقني سكوتها ابد لا بجت ولا طلعت صوت اضربها توكع وبعد متكوم ولا تحجي تخبلت اكثر رجعت اضرب بيها على بطنها ابد ولا تطلع صوت ولا تحجي طلعت سببي انو متصلت عليه من ظلت عد اهلها اضرب بيها واكلها ليش متتصلين ها اني ما اتصل مره ثانيه من ترحين انتي الي تتصلين وتكليلي تعال عليه
وسن .. يضرب بيه واني بس افكر معقوله هو احمد الي جان يمي بيت اهلي حجيه وكلامه وثقته وثقافته ابد مو هو هذا شخص ثاني مل من الضرب بيه على ظهري وبطني ورجليه نص شعري كطعه شفته بتعد كعد على القنفه الي بالصاله وخله ايدينه على راسه
احمد ابتعدت منها رحت كعدت على القنفه خليت ايدي على راسي شفتها تحركت راحت للحمام تغسل ورجعت للملابس رادت تحطهن بالغساله صحت عليها تغسلينهن بيدج لا اكوم اكطعج هسه فهمتي
خفت منه من صاح عليه كعدت وخليت مي بالطاسه وكعدت اغسل بيهن بيدي حتى ريحتهن صايره مو طيبه لان ظلن ناكعات بالماي ورحت
خلصت منهن كوه طلعت الريحه منهن شريتهن ورجعت دخلت رحت سبحت وصليت وكعت على السجاده اصلي واندعي الله يهدي وينطيني الصبر اتحمله خلصت صلاة ورحت للمطبخ شفته منزل علاليك مسواك ومخليهن بالارض شلتهن وغسلت الفواكة والخضراوت وخليت كلشي بمكانه سويتله عشه وصحتله يجي يتعشه كعدت كدامه لان اخاف اذا عفته وما كعدت يكسرني
اجت صاحتلي على العشه رحت للمطبخ لكيتها مسويه سفرت تفتح النفس ولا كأن انه موتها كتل كعدت كدامها خلت الخبز كدامي انتبهت على وجها اثر لاصابعي على خدها وعينها زركه ومورمه بس ليش احساسي مابي ندم اكلت وخلصت عفتها وطلعت بدون ما اغثها رحت لفيت راسي ونمت وبدون ما اشرب جاي اخذت منوم ونمت
شفته كام صبيت جاي بسرعه وديته اله للغرفه لكيته نايم رجعت طلعت وسديت الباب لميت كلشي ورحت نمت بالغرفه الثانيه كعدت ثاني يوم على صوت المطر ما شاء الله مطرت شفت الساعه ب8 الصبح فزيت ومتت خوف اكيد هسه كاعد والله هسه يموتني لبست عدساتي وطلعت ما لكيته رحت للغرفه بعده نايم عفته وطلعت خلصت شغلي سويت ريوك قبل لا يكعد صارت ساعه 11 وما كعد رحت للغرفه شفته نايم تقربت يمه لكيته ناكع مي وعركان ويون
خليت ايدي على كصته شفته حااار كلش حتى ما حس عليه بس ليش ملابسه مبلله طالع بالمطر يمكن ردت اغير ملابسه ما كدرت ستحيت كعدته ما يكعد انجبرت اغيرله نزعته كلش وهو ضخم وانه ناعمه بالكوه لبسته ورحت سويتله كمادات للساعه ب4 يله صحى شويه على نفسه وحس وفكت الصخونه شويه لكاني على الجربايه يمه كاعده بصفه وجسمي طاخ بجسمه ما حسيت الا دفعني حيل وكعني جوه التوت رجلي صرخت من الوجع
وسم انتي شجابج هناااا
ها انت جنت مريض مصخن وانه يمك بدلت ملابسك وخليتلك كمادات علما هسه نزلت حرارتك
شنووو كمت مثل الوحش عليها لزمتها من شعرها وسحلتها بره الغرفه وكتلها ثاني مره اذا لمستيني اكسر ايديج ودفعتها بره الغرفه
وسن طلعت شفت الملابس كلها ناكعه والمطر ابد ما هدء يمكن هاي الملابس ما تريد تنشف
رجعت دخلت طلع احمد صعد بالسياره وبعد مرجع لل1 بالليلما سمعت الباب انفتح بس سمعت صوت قوي بالحديقه خفت ونسيت ما قفلت باب الصاله بس شفت الباب انفتحت جنت مطفيه الضوه بس مو ضلمه كلش انتبهت هذا مو احمد
ركضت بسرعه للغرفه بس ما حسيت الا احد جرني من شعري شنو الموضوع ما اعرف
احمد بعد ما كعدت اتصل عليه صديقي الي يشتغل وياي بالصيدليه كال محتاج ضروري فعلا جان جسمي حار واحس بتعب بس ما رديته لبست وطلعت جان بيتهم دخلت سلمت عليه كعدنه سوالف وضحك حجالي عن وحده يريد يخطبها وعلاقة حب وكالي اريدك تساعدني ولزمني على العشه يمه وخابر الولد صارت ساعه ب12 كلهم راحو وهو ظل مجلب بيه الا ظل يمي بعد وكت فد شويه لل1 بعد مكدرت لازم اروح اترخص منه وهو ميقبل يكلي تخاف من مرتك تتأخر وتزعل عليك اكثر من عذر طلع بس مقبلت :
يتبع ....
رد مع اقتباس
المشاركة الأصلية كتبت بواسطة علاء الجنوبي
