لا تسأل علي لدكلي شنهي الحال
اضن سهمك يجاوب لو سألتة
*****
جم مرة دخل من غير دكة باب
على كلبي الرجيج هواي صوبتة
*****
رضع كلب حزن من ذيج السنين
من يوم العرفتك بيدي صوبتة
*****
سالفت الفرح ينشد على الناس
جا شنهي الفرح وياي سالفتة
*****
مامرة نشد واطرق علي باب
شال الحاء منة بيوم ناقشتة
*****
يضل يرفس خيالي لو يمر الليل
وعلى باب الجفون عيوني شايلتة
*****
اكلمك علجروح بيوم فركاك
اشمر بلملح والكاهة ماكلتة
*****
مثل حال المطر من ينزل اعلة الكاع
هيج انة بغيابك دمعي نزلتة
*****
البعينة فرح يكدر ينام الليل
ولو فز الصبح تطلع ضحكتة
*****
والشايل حزن هو الينوم الليل
يضل سهران ويسولف بقصتة
رد مع اقتباس
