قدر امي يكتب حياتي
ﺍﻟﺒﺎﺭﺕ ﺍﻟﺜﺎﻟﺚ
ﻭﺳﻦ ... ﺍﺳﻒ ﻣﺎ ﺍﻛﺪﺭ ﺍﺗﻘﺮﺏ ﻣﻨﺞ ﺑﺲ ﺍﻧﻄﻴﻨﻲ ﻓﺘﺮﺓ ﺍﺗﺄﻗﻠﻢ ﻭﻳﻪ ﺍﻟﻮﺿﻊ ﻭﺍﺗﻌﻮﺩ ﻋﻠﻴﺞ ﻭﻋﻠﻰ ﻭﺟﻮﺩﺝ ﻳﻤﻲ ﺻﺮﺍﺣﻪ ﻳﻌﻨﻲ ﺯﻭﺍﺟﻨﻪ ﺻﺎﺭ ﺑﺴﺮﻋﻪ ﺑﺲ ﺍﻃﻠﺐ ﻣﻨﺞ ﻃﻠﺐ ﻣﺤﺪ ﻳﻌﺮﻑ ﺑﻬﺬﺍ ﺍﻟﺸﻲ ﺍﻧﺖ ﺗﺄﻣﺮ ﺍﺣﻤﺪ ﻫﺬﺍ ﺍﻟﺸﻲ ﺑﻴﻨﻲ ﻭﺑﻴﻨﻚ ﻭﻣﺤﺪ ﺭﺍﺡ ﻳﻌﺮﻑ ﺑﻲ ﺍﻭﻙ ﻫﺴﻪ ﺍﻧﺘﻲ ﻣﻄﻴﻌﻪ ﺑﺲ ﺧﻠﻲ ﺍﻛﻠﺞ ﺷﻐﻠﻪ ﻗﺒﻞ ﻻ ﺍﻃﻠﺐ ﺍﻟﻄﻠﺐ ﺍﻟﺜﺎﻧﻲ ﺍﻧﻲ ﺍﺣﺐ ﺍﻟﻨﻈﺎﻓﻪ ﺍﻫﻢ ﺷﻲ ﻋﻨﺪﻱ ﺗﺮﺗﻴﺐ ﻭﺍﻟﻨﻈﺎﻓﻪ ﺍﻭﻛ ﻬﺴﻪ ﺟﻮﻋﺎﻥ ﺗﻜﺪﺭﻳﻦ ﺗﻐﺴﻠﻴﻦ ﻭﺗﺴﻮﻳﻠﻲ ﺍﻛﻞ ﺍﻥ ﺷﺎﺀ ﺍﻟﻠﻪ ﺗﺪﻟﻞ ﻭﺳﻦ ﻧﺰﻋﺖ ﺑﺪﻟﺘﻲ ﻭﺭﺣﺖ ﻏﺴﻠﺖ ﻭﺟﻬﻲ ﺗﻤﻨﻴﺖ ﻣﺎ ﺍﻏﺴﻠﻪ ﻭﺍﺭﺟﻊ ﻟﺸﻜﻠﻲ ﺍﻟﻘﺒﻴﺢ ﺍﻟﻲ ﻳﻔﺸﻞ ﺭﺣﺖ ﻟﻠﺤﻤﺎﻡ ﺍﻛﻮ ﺑﺎﻟﻐﺮﻓﻪ ﺣﻤﺎﻡ ﺩﺍﺧﻠﻲ ﻏﺴﻠﺖ ﻭﻟﺒﺴﺖ ﻋﺪﺳﺎﺗﻲ ﻭﻟﺒﺴﺖ ﺗﺮﺍﻛﺴﻮﺩ ﺍﺷﺘﺮﻳﺘﻪ ﻣﻦ ﺟﻬﺰﺕ ﻋﻠﻰ ﺍﺳﺎﺱ ﻋﺮﻭﺱ ﻋﺮﻭﺱ ﺍﻟﻲ ﻣﺎ ﺣﺴﺖ ﺑﻔﺮﺡ ﻋﻤﺮﻫﺎ ﺭﺣﺖ ﻃﻠﻌﺖ ﻟﻠﻤﻄﺒﺦ ﻟﻜﻴﺖ ﺍﺣﻤﺪ ﻛﺎﻋﺪ ﺑﺎﻟﺼﺎﻟﻪ ﻭﻓﺎﺗﺢ ﺗﻠﻔﺰﻳﻮﻥ ﻭﻳﺒﺎﻉ ﻋﻠﻰ ﻓﻠﻢ ﺑﻘﻨﺎﺓ ﺍﻡ ﺑﻲ ﺳﻲ 2 ﻓﻠﻢ ﺭﻋﺐ ﻭﺍﻧﻪ ﺍﺧﺎﻑ ﻣﻦ ﺍﻓﻼﻡ ﺍﻟﺮﻋﺐ ﻛﻠﺖ ﺑﻌﺪ ﻣﺎ ﻻﺯﻡ ﺍﺧﺠﻞ ﻧﺰﻋﺖ ﺣﺠﺎﺑﻲ ﻭﻃﻠﻌﺖ ﺷﻌﺮﻱ ﺭﻓﻌﺘﻪ ﺑﺲ ﺟﺎﻥ ﺍﻟﺘﺮﺍﻛﺴﻮﺩ ﺭﺩﻥ ﻃﻮﻳﻠﻪ ﻳﻌﻨﻲ ﻣﺎ ﻳﺒﻴﻦ ﺟﺴﻤﻲ ﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺟﻪ ﻟﻜﻴﺖ ﺑﻴﻬﺎ ﻛﻠﺸﻲ ﺍﻧﻮﺍﻉ ﺍﻟﻔﻮﺍﻛﻪ ﺑﻴﻬﺎ ﻓﻮﺍﻛﻪ ﻣﺎ ﺷﺎﻳﻔﺘﻬﺎ ﺑﺲ ﺳﺎﻣﻌﻪ ﺑﻴﻬﺎ ﻣﺎ ﻣﺎﻛﻠﺘﻬﺎ ﻭﺑﻴﻬﺎ ﺍﺟﺒﺎﻥ ﺍﻧﻮﺍﻉ ﺿﻠﻴﺖ ﺻﺎﻓﻨﻪ ﻣﻌﻘﻮﻟﻪ ﺍﻧﻪ ﺑﺤﻠﻢ ﻟﻮ ﺑﻌﻠﻢ ﻭﻳﻦ ﺍﻧﻪ ﺳﻮﻳﺖ ﻣﺨﻠﻤﺔ ﺑﻴﺾ ﻭﺑﺘﻴﺘﻪ ﺑﺎﻟﻔﻠﻔﻞ ﺍﻻﺧﻀﺮ ﻃﻌﻤﻬﺎ ﻳﺼﻴﺮ ﻳﺠﻨﻦ ﻭﺍﻛﻮ ﻟﻜﻴﺖ ﻛﺒﺐ ﺟﺎﻫﺰﻩ ﺑﺎﻟﻤﺠﻤﺪﻩ ﻫﻢ ﻛﻠﻴﺖ ﻭﺳﻮﻳﺖ ﺷﻮﺭﺑﻪ ﻭﺳﻮﻳﺖ ﺯﻻﻃﻪ ﺧﻴﺎﺭ ﻭﻃﻤﺎﻃﻪ ﻛﺒﺎﺭ ﺑﺼﺤﻦ ﺳﻮﻳﺖ ﺍﻟﻄﻤﺎﻃﻪ ﻣﺜﻞ ﺍﻟﻮﺭﺩﻩ ﻭﺍﻟﺨﻴﺎﺭﻩ ﺳﻮﻳﺘﻪ ﻣﺜﻞ ﺍﻟﺪﺍﺋﺮﻩ ﺑﺎﻟﺼﺤﻦ ﻭﺍﻟﻄﻤﺎﻃﻪ ﻭﺭﺩﻩ ﺑﺎﻟﻨﺺ ﺷﻜﻠﻪ ﺻﺎﺭ ﺣﻠﻮ ﺍﺧﺬﺕ ﺍﻟﺼﻴﻨﻴﻪ ﺧﻠﻴﺘﻬﺎ ﺑﺎﻻﺭﺽ ﺻﺎﺡ ﻋﻠﻴﻪ ﺍﺣﻤﺪ ﻳﻌﻨﻲ ﺍﻧﺘﻲ ﻋﻤﻴﻪ ﻣﺎ ﺷﻮﻓﻴﻦ ﺍﻟﻤﻴﺰ ﻳﻤﺞ ﺍﻧﺴﻲ ﺑﻴﺖ ﺍﻫﻠﺞ ﺑﻌﺪ ﺍﻻﻛﻞ ﻳﻨﺤﻂ ﻋﻠﻰ ﺍﻟﻤﻴﺰ ﻭﻧﺎﻛﻞ ﺍﺳﻔﻪ ﻣﺠﻨﺖ ﺍﻋﺮﻑ ﻋﺒﺎﻟﻲ ﺗﺤﺐ ﺗﺎﻛﻞ ﻋﻠﻰ ﺍﻻﺭﺽ ﻭﻫﺴﻪ ﻋﺮﻓﺘﻲ ﺑﻌﺪ ﻻ ﻳﺘﻜﺮﺭ ﻫﺬﺍ ﺍﻟﺸﻲ ﺍﻥ ﺷﺎﺀ ﺍﻟﻠﻪ ﺗﺪﻟﻞ ﻛﻌﺪﺕ ﺍﻛﻞ ﺍﻧﻘﻬﺮﺕ ﻋﻠﻴﻬﺎ ﺷﻮﻳﻪ ﺯﻭﺩﺗﻬﺎ ﺧﻄﻴﻪ ﺍﻟﺒﻨﻴﻪ ﻣﺎﻟﻬﺎ ﺫﻧﺐ ﻟﻴﺶ ﺍﻋﺎﻣﻠﻬﺎ ﺑﻬﺎﻟﻄﺮﻳﻘﻪ ﺑﻌﺪ ﻫﺬﺍ ﺍﺧﺘﻴﺎﺭﻱ ﻭﻻﺯﻡ ﺍﺗﻘﺒﻞ ﺍﻛﻞ ﺷﻮﻳﻪ ﻣﻦ ﺍﻟﻤﺨﻠﻤﻪ ﺻﺮﺍﺣﻪ ﻃﻌﻤﻬﺎ ﻃﻴﺐ ﺷﺮﺑﺖ ﺷﻮﺭﺑﻪ ﻭﻳﻪ ﻣﺎ ﺭﻓﻌﺖ ﺍﻟﺨﺎﺷﻮﻛﻪ ﺍﻧﺠﺮﺕ ﺷﻌﺮﻩ ﻣﻦ ﺍﻟﺸﻮﺭﺑﻪ ﻟﻌﺒﺖ ﺭﻭﺣﻲ ﻣﻨﻬﺎ ﻫﺎﻱ ﺍﻧﻲ ﻭﺻﻴﺘﺞ ﻭﻛﺘﻠﺞ ﺍﻫﻢ ﺷﻲ ﻋﻨﺪﻱ ﺍﻟﻨﻈﺎﻓﻪ ﺍﻭﻝ ﺷﻲ ﺗﺴﻮﻳﻨﻪ ﺍﻟﻲ ﻭﺳﺦ ﻭﺷﻤﺮﺕ ﺍﻟﻤﻮﺍﻋﻴﻦ ﺑﺎﻻﺭﺽ ﻭﻛﻠﺒﺖ ﺍﻟﺸﻮﺭﺑﻪ ﺑﺤﻈﻨﻬﺎ ﻓﻘﺪﺕ ﺍﻋﺼﺎﺑﻲ ﻳﻤﻜﻦ ﺍﺣﺘﺮﻛﺖ ﺑﺲ ﻫﻲ ﻣﺠﺎﻧﺖ ﻛﻠﺶ ﺣﺎﺭﻩ ﺑﻌﺪ ﻣﺎ ﺍﺭﻳﺪ ﺷﻌﺮﺝ ﻃﺎﻟﻊ ﻣﻦ ﺗﺴﻮﻳﻦ ﺷﻲ ﻓﻬﻤﺘﻴ ﻮﺳﻦ ﻣﻦ ﻟﻜﻪ ﺷﻌﺮﻩ ﺑﺎﻻﻛﻞ ﻓﻘﺪ ﺿﻞ ﻳﺼﻴﺢ ﻭﻛﺴﺮ ﺍﻟﻤﻮﺍﻋﻴﻦ ﻭﻛﻠﺐ ﺍﻟﺸﻮﺭﺑﻪ ﺑﺤﻈﻨﻲ ﺣﺮﻛﺘﻨﻲ ﺷﻮﻳﻪ ﺑﺲ ﺗﺤﻤﻠﺖ ﺍﻭﻝ ﻛﻠﻤﻪ ﻛﻠﺘﻬﺎ ﺑﻨﻔﺴﻲ ﺍﻟﻠﻪ ﻳﺴﺎﻣﺤﺞ ﻳﻤﻪ ﺑﻌﺘﻴﻨﻲ ﻟﻮﺣﺶ ﻇﻞ ﻳﺼﻴﺢ ﻋﻠﻴﻪ ﻭﻳﻐﻠﻂ ﻭﻛﻠﻲ ﺍﻟﻮﺳﺨﻪ ﻣﺒﻴﻨﻪ ﻣﻦ ﺷﻜﻠﻚ ﻭﺍﻳﺪﻳﺞ ﺍﻟﻲ ﺗﺴﺪ ﺍﻟﻨﻔﺲ ﺍﻧﻘﻬﺮﺕ ﺣﻴﻞ ﻭﺍﺳﺘﻬﻀﻤﺖ ﻋﻠﻰ ﻛﻼﻣﻪ ﻫﺎﻱ ﻟﻴﻠﺔ ﻋﺮﺳﻲ ﺍﺧﻠﺼﻬﺎ ﺑﺄﻫﺎﻧﻪ ﻭﺩﺧﻞ ﻭﺳﺪ ﺍﻟﺒﺎﺏ ﻭﺭﻛﻌﻪ ﺣﻴﻞ ﻭﺳﻤﻌﺖ ﺍﻟﺒﺎﺏ ﻧﻘﻔﻞ ﺷﻠﺖ ﺍﻟﻤﻮﺍﻋﻴﻦ ﺍﻟﻴﺘﻜﺴﺮﻥ ﻭﻣﺴﺤﺖ ﻭﻧﻈﻔﺖ ﻣﻜﺎﻧﻬﻦ ﻭﻧﻈﻔﺖ ﺍﻟﻤﻴﺰ ﻭﺍﻟﻤﻄﺒﺦ ﺣﺘﻰ ﻟﻴﻄﻠﻊ ﻳﺸﻮﻑ ﺷﻲ ﻭﻳﺴﻤﻌﻨﻲ ﻛﻼﻡ ﺍﻧﺘﻈﺮﺕ ﻳﻄﻠﻊ ﺍﻭ ﻳﻔﺘﺢ ﺍﻟﺒﺎﺏ ﺑﺲ ﻣﻄﻠﻊ ﻭﺍﻧﻪ ﻧﻌﺴﺖ ﻛﻠﺶ ﺻﺎﺭﺕ ﺳﺎﻋﻪ ﺏ 2 ﻭﻫﻮ ﻣﻔﺘﺢ ﺑﺎﺏ ﺍﻟﻐﺮﻓﻪ ﻛﻠﺖ ﻳﻤﻜﻦ ﻣﻴﺮﻳﺪ ﺍﻧﺎﻡ ﻳﻤﻪ ﺍﺣﻤﺪ ﺑﻌﺪﻣﺎ ﺻﻴﺤﺖ ﻋﻠﻴﻬﺎ ﺩﺧﻠﺖ ﻟﻠﻐﺮﻓﻪ ﻭﻗﻔﻠﺖ ﺍﻟﺒﺎﺏ ﺻﺎﺭ ﻋﻨﺪﻱ ﺍﻧﻬﻴﺎﺭ ﺍﻋﺼﺎﺏ ﺑﺴﺒﺐ ﻗﺮﺍﺭﻱ ﻧﺪﻣﺖ ﺻﻴﺤﺖ ﻋﻠﻴﻬﺎ ﺷﻨﻮ ﺫﻧﺒﻬﺎ ﻫﻲ ﺑﺲ ﺷﻴﻔﻴﺪ ﺍﻟﻨﺪﻡ ﺑﻌﺪ ﺍﺍﺍﺥ ﻛﺎﻟﺖ ﺍﻣﻲ ﻻ ﺗﺴﺘﻌﺠﻞ ﺑﺲ ﻣﺴﻤﻌﺖ ﻣﺸﻴﺖ ﻭﺭﻯ ﻏﺮﻭﺭﻱ ﻭﻋﻘﻠﻲ ﻭﻛﻼﻡ ﺍﻟﻨﺎﺱ ﻭﻧﺴﻴﺖ ﻧﻔﺴﻲ ﺑﻌﺪ ﻣﻄﻠﻌﺖ ﻭﻻ ﻓﺘﺤﺖ ﺍﻟﺒﺎﺏ ﻣﺎ ﺭﺩﺕ ﺍﺷﻮﻓﻬﺎ ﺑﻌﺪ ﺑﺲ ﺳﻤﻌﺘﻬﺎ ﻧﻈﻔﺖ ﻭﺑﻌﺪ ﻣﺴﻤﻌﺖ ﺻﻮﺕ ﻳﻤﻜﻦ ﻧﺎﻣﺖ ﻃﻠﻌﺖ ﺗﻘﺮﻳﺒﺎً ﺳﺎﻋﻪ ﺏ 4 ﺍﻟﻔﺠﺮ ﻟﻜﻴﺘﻬﺎ ﻧﺎﻳﻤﻪ ﺑﺎﻟﺼﺎﻟﻪ ﻭﺑﺮﺩﺍﻧﻪ ﺗﻘﺮﺑﺖ ﻋﻠﻴﻬﺎ ﻣﻼﻣﺤﻬﺎ ﻃﻔﻮﻟﻴﻪ ﻭﺍﻟﻠﻪ ﺟﻨﻬﺎ ﻫﺎﻟﺒﻨﻴﻪ ﺭﺍﺡ ﺗﻨﻈﻠﻢ ﻭﻳﺎﻱ ﺷﻠﺘﻬﺎ ﻋﻠﻰ ﻛﻴﻔﻲ ﺟﻨﻬﺎ ﻃﻔﻞ ﺑﻴﻦ ﺍﻳﺪﻱ ﻧﺎﻋﻤﻪ ﺣﻴﻞ ﻧﺎﻋﻤﻪ ﺟﺎﻧﺖ ﻣﻼﺑﺴﻬﺎ ﻛﻠﻬﺎ ﻣﺎﻱ ﻳﻤﻜﻦ ﻏﺎﺳﻠﺘﻬﻦ ﻭﺭﺍﺟﻌﻪ ﻋﻠﻴﻬﻦ ﻻﻥ ﻣﻼﺑﺴﻬﺎ ﺑﺎﻟﻐﺮﻓﻪ ﻭﺍﻧﻪ ﻗﺎﻓﻞ ﺍﻟﻐﺮﻓﻪ ﺧﻠﻴﺘﻬﺎ ﻋﻠﻰ ﺍﻟﺠﺮﺑﺎﻳﻪ ﻭﻏﻄﻴﺘﻬﺎ ﻭﻃﻠﻌﺖ ﺍﺑﺪ ﻣﺎ ﺣﺴﺖ ﻋﻠﻴﻪ ﻣﺒﻴﻨﻪ ﻣﺎ ﺗﻌﺮﻑ ﺗﺴﻬﺮ ﻟﺬﻟﻚ ﺳﻬﺮﺕ ﻭﺗﻌﺒﺖ ﻭﺭﺣﺖ ﻧﻤﺖ ﺑﺎﻟﻐﺮﻓﻪ ﺍﻟﺜﺎﻧﻴﻪ ﻭﺳﻦ ﻛﻌﺪﺕ ﺍﻟﺼﺒﺢ ﺭﺍﺳﻲ ﻣﺼﺪﻉ ﻭﺟﺴﻤﻲ ﻛﻠﻪ ﻳﺄﺫﻳﻨﻲ ﺍﻟﺴﺎﻋﻪ ﺏ 7 ﻛﻌﺪﺕ ﻏﺴﻠﺖ ﻭﺑﺪﻟﺖ ﻣﻼﺑﺴﻲ ﺭﻃﺒﺎﺕ ﻭﻋﺪﻟﺖ ﺍﻟﻐﺮﻓﻪ ﻭﻃﻠﻌﺖ ﺳﻮﻳﺖ ﺭﻳﻮﻙ ﺑﺲ ﻫﺎﻟﻤﺮﻩ ﻟﺒﺴﺖ ﺭﺑﻄﻪ ﺧﺎﻑ ﻳﻄﻴﺢ ﺷﻲ ﺑﺎﻻﻛﻞ ﻭﺻﺮﺕ ﺣﺬﺭﻩ ﺍﺳﻮﻱ ﺍﻟﺸﻲ ﻭﺍﻏﺴﻠﻪ ﺍﻛﺜﺮ ﻣﻦ ﻣﺮﻩ ﻭﺣﻄﻴﺖ ﺯﻳﺘﻮﻥ ﻭﺍﺟﺒﺎﻥ ﻭﻣﺮﺑﻰ ﻭﺳﻮﻳﺖ ﻓﻄﺎﻳﺮ ﻻﻥ ﻣﺎ ﺷﺎﺀ ﺍﻟﻠﻪ ﻛﻠﺸﻲ ﺍﻟﻲ ﺍﺣﺘﺎﺟﻪ ﻣﻮﺟﻮﺩ ﺍﺣﻤﺪ ﻛﻌﺪﺕ ﺍﻟﺼﺒﺢ ﺏ 8 ﻣﺘﻜﺴﺮ ﺟﺴﻤﻲ ﺑﺲ ﺷﻤﻴﺖ ﺭﻳﺤﻪ ﻃﻴﺒﻪ ﺑﺎﻟﺒﻴﺖ ﻃﻠﻌﺖ ﻏﺴﻠﺖ ﻭﺭﺣﺖ ﻟﻠﻤﻄﺒﺦ ﻫﻢ ﺍﻛﻮ ﻣﻴﺰ ﻟﻜﻴﺖ ﺍﻟﻤﻴﺰ ﻣﺮﺗﺐ ﻭﻋﻠﻴﻪ ﺍﻻﻛﻞ ﻭﻣﺤﺪ ﺑﺎﻟﻤﻄﺒﺦ صﺤﺖ ﻭﺳﻦ ﻭﻳﻨﺞ ﻧﻌﻢ ﺍﺣﻤﺪ ﻫﺴﻪ ﺍﺟﻲ ﺑﺎﻟﺤﻤﺎﻡ ﺷﻨﻮ ﻣﺴﻮﻳﻪ ﺭﻳﻮﻛ ﺎﻱ ﺳﻮﻳﺖ ﺭﻳﻮﻙ ﻭﺟﻬﺰﺕ ﻛﻠﺸﻲ ﻛﻠﺖ ﻋﻠﻤﺎ ﺗﻜﻌﺪ ﺗﻠﻜﻰ ﻛﻠﺸﻲ ﺟﺎﻫﺰ ﻟﻴﺶ ﺗﻌﺒﺘﻲ ﻧﻔﺴﺞ ﺍﻫﻠﻲ ﻳﺠﻴﺒﻮﻥ ﺭﻳﻮﻛ ﻼ ﺑﺎﻟﻌﻜﺲ ﺗﻌﺒﻚ ﺭﺍﺣﻬ ﻮﺍﺟﺒﻲ ﺍﺧﺪﻣﻜ ﺎﺍ ﻭﺳﻨ ﻨﻌﻢ ﺍﺳﻒ ﻋﻠﻤﻮﺩ ﺍﻟﺒﺎﺭﺣﻪ ﺷﻮﻳﻪ ﺟﻨﺖ ﻣﺘﻮﺗر ﻻ ﺍﺣﻤﺪ ﻻ ﺗﺘﺄﺳﻒ ﻣﺼﺎﺭ ﺷﻲ ﺍﻟﻐﻠﻂ ﻣﻨﻲ ﺍﻟﻤﻔﺮﻭﺽ ﻣﺎ ﺍﻓﺘﺢ ﺷﻌﺮﻱ ﺑﺎﻟﻤﻄﺒﺦ ﺍﻭﻋﺪﻙ ﺑﻌﺪ ﻣﺘﺘﻜﺮﺭ ﺍﻭﻙ ﺍﻏﺴﻞ ﻭﺍﺟﻴ ﻮﻳﻦ .. ﺭﺣﺖ ﻟﻠﻐﺮﻓﻪ ﺧﻠﻴﺖ ﺑﺎﻭﺩﺭ ﻋﻠﻰ ﻭﺟﻬﻲ ﺷﻮﻳﻪ ﺍﺧﻔﻒ ﻣﻦ ﺍﻟﺴﻤﺎﺭﺭﺟﻌﺖ ﻟﻜﻴﺖ ﺍﺣﻤﺪ ﻛﺎﻋﺪ ﻳﻨﺘﻈﺮﻧﻲ ﻛﻌﺪﺕ ﻛﺪﺍﻣﻪ ﺍﺻﺒﻠﻚ ﺟﺎﻱ ﺍﻱ ﺻﺒﻲ ﺗﺮﻳﻜﻨﻪ ﻭﺧﻠﺼﻨﻪ ﻭﺷﻠﺖ ﺍﻟﻤﻮﺍﻋﻴﻦ ﻭﻟﻤﻴﺖ ﺍﻟﻬﻮﺳﻪ ﻭﺭﺣﺖ ﻛﻌﺪﺕ ﻳﻤﻪ ﺑﺎﻟﺼﺎﻟﻪ ﺻﺎﺭﺕ ﺗﻘﺮﻳﺒﺎً ﺳﺎﻋﻪ 9 ﻭﻧﺺ ﺍﻧﺪﻙ ﺍﻟﺒﺎﺏ ﻃﻠﻊ ﺍﺣﻤﺪ ﺳﻤﻌﺖ ﺻﻮﺕ ﻫﻼﻫﻞ ﺍﻛﻴﺪ ﺍﻫﻠﻪ ﺍﺟﻮ ﺍﻥ ﺷﺎﺀ ﺍﻟﻠﻪ ﺗﺠﻲ ﺍﻣﻲ ﻭﺧﻮﺍﺗﻲ ﺩﺧﻠﻮ ﺍﻫﻠﻪ ﺳﻠﻤﺖ ﻋﻠﻴﻬﻢ ﺍﻣﻪ ﺑﻮﺳﺘﻨﻲ ﻭﺑﺎﺭﻛﺘﻠﻲ ﻭﺍﺟﺖ ﻧﻮﺭ ﻏﻤﺰﺗﻠﻲ ﻭﺑﺎﺭﻛﺘﻲ ﻭﻛﺮﺻﺘﻨﻲ ﺑﺰﻧﺪﻱ ﺑﺲ ﺍﺣﺲ ﺍﻣﻪ ﻟﺤﺪ ﻫﺴﻪ ﻣﺘﺘﻘﺒﻠﻨﻴ ﺪﺧﻠﻮ ﺟﻮﻩ ﻭﺟﺎﻳﺒﻴﻦ ﺭﻳﻮﻙ ﺻﺮﺍﺣﻪ ﺳﺘﺤﻴﺖ ﺍﺣﻤﺪ ﺍﺟﻪ ﻳﻤﻲ ﻭﻫﻤﺴﻠﻲ ﺑﺄﺫﻧﻲ ﻭﺳﻦ ﻻ ﺗﻜﻮﻟﻴﻦ ﻣﺘﺮﻳﻜﻴﻦ ﻻﻥ ﺍﻣﻲ ﻛﺎﻟﺖ
ﺍﻟﺒﺎﺭﺣﻪ ﺍﻧﻲ ﺭﺍﺡ ﺍﺟﻴﺐ ﺭﻳﻮﻛ ﻮﻛﻌﺪﺕ ﻟﻜﻴﺘﺞ ﻣﺴﻮﻳﻪ ﻣﺤﺒﻴﺖ ﺍﻛﺴﺮ ﺑﺨﺎﻃﺮﺝ ﻳﻌﻨﻲ ﻫﺴﻪ ﺍﺣﻨﻪ ﻣﻤﺘﺮﻳﻜﻴﻦ ﻧﺘﺮﻳﻚ ﻣﺮﻩ ﺛﺎﻧﻴﻪ ﺍﻭﻛﻬﺎ ﻳﻤﻪ ﻋﻴﺐ ﺍﺳﺘﺤﻮ ﺍﺣﻨﻪ ﻛﺎﻋﺪﻳﻦ ﻳﻤﻜﻢ ﻳﻌﻨﻲ ﺷﻠﻮﻥ ﺗﺮﻳﺪﻭﻥ ﺗﺨﻠﺼﻮﻫﺎ ﻃﻴﻮﺭ ﺣﺐ ﻣﻨﺘﺮﻳﻜ ﻼ ﻳﻮﻡ ﺷﻬﺎﻟﺤﺠﻲ ﺍﺻﻼ ﺟﻮﻋﺎﻥ ﺑﺎﻋﻲ ﺑﻄﻨﻲ ﻓﺎﺭﻏﻪ ﻣﻤﺎﻛﻞ ﺷﻲ ﻣﻦ ﺍﻣﺴﺪﻳﻠﻪ ﺍﻧﻲ ﻣﺠﻬﺰﻩ ﺍﻟﺮﻳﻮﻙ ﺑﺲ ﻧﺘﺎﻧﻲ ﺍﻟﻌﺮﻭﺱ ﺗﺴﻮﻳﻨﻪ ﺟﺎﻱ ﺑﻌﺪ ﻫﺬﺍ ﺻﺎﺭ ﺑﻴﺘﻬﺎ ﻻﺯﻡ ﻫﻲ ﺿﻴﻔﻨﺎ ﺑﻌﻴﻮﻧﻲ ﺧﺎﻟﻪ ﺳﺎﻟﻤﻪ ﻋﻴﻮﻧﺞ ﻳﻤﻪ ﻭﺳﻦ . ﻛﻤﺖ ﺳﻮﻳﺖ ﺟﺎﻱ ﻭﺍﺟﺘﻨﻲ ﻧﻮﺭ ﻳﻤﻴ ﻬﺎ ﻟﺞ ﻭﺳﻦ ﺷﺼﺎﻳﺮ ﺣﺠﻴﺘﻴﻠﻪ ﻟﻮ ﻫﻮ ﻛﺘﺸﻒ ﻫﺎ ﻻ ﻣﺎ ﺣﺠﻴﺖ ﻳﻌﻨﻲ ﺷﺎﻑ ﺟﺴﻤﺞ ﻭﻋﺮﻑ ﻻ ﻣﺎ ﻳﻌﺮﻑ ﻟﺤﺪ ﻫﺴﻪ ﻣﺸﻮﻓﻴﻨﻲ ﻻﺑﺴﻪ ﺍﻟﻌﺪﺳﺎﺕ ﺍﻟﺴﻮﺩﻳﻌﻨﻲ ﻣﺘﻘﺮﺑﻠﺞ ﻳﻌﻨﻲ ﺑﻌﺪ ﻜﻢ ﻣﻤﺰﻭﺟﻴﻨ ﻬﺎ ﺯﻭﺟﻨﻲ ﺑﺲ . ﺑﺲ ﺷﻨﻮ ﻓﻀﻴﻬﺎ ﻻ ﺗﺠﻲ ﺧﺎﻟﺘﻲ ﻭﻟﺞ ﻇﻠﻤﻪ ﻭﻣﺎ ﻧﺘﺒﻪ . ﻋﺎﺑﺖ ﻋﺒﺎﻟﻲ ﻋﺮﻑ ﺍﻛﻠﺞ ﻭﺳﻦ ﺣﺒﻴﺒﺘﻲ ﻧﺼﻴﺤﻪ ﻻﺯﻡ ﺑﺄﺳﺮﻉ ﻭﻗﺖ ﺗﻜﻠﻴﻠﻪ ﻻ ﺗﺨﻠﻴﻨﻪ ﻫﻮ ﻳﻜﺘﺸﻒ ﻫﺬﺍ ﺍﻟﺸﻲ ﻟﻴﺸ ﺎﺣﺴﻦ ﺣﺘﻰ ﺗﻈﻞ ﺛﻘﻪ ﺑﻴﻨﻜﻢ ﻭﻣﺎ ﻳﺎﺧﺬ ﻋﻨﺞ ﻧﻈﺮﻩ ﻣﻮ ﺣﻠﻮﻫﻬﻴﺞ ﺭﺋﻴﺞ ﺍﻱ ﻭﺍﻟﻠﻪ ﻻﺯﻡ ﺗﺤﺠﻴﻦ ﻟﻴﺶ ﻇﺎﻣﻪ ﺍﻟﺠﻤﺎﻝ ﻛﻠﻪ ﻭﻇﺎﻟﻪ ﻳﻤﻪ ﺑﺴﻮﺍﺩ ﻭﺟﻬﺞ ﺍﻡ ﺍﻟﺸﻤﺲ ﺑﺲ ﺍﺭﻳﺪ ﺍﻋﺮﻑ ﺷﻠﻮﻥ ﺟﻨﺘﻲ ﺗﺤﻤﻠﻴﻨﻬﺎ ﺍﻟﺒﺎﺭﺣﻪ ﺧﺎﻟﺘﻲ ﺗﺴﻮﻟﻒ ﺑﻴﺞ ﺗﻜﻮﻝ ﺍﻣﻬﺎ ﻋﻴﻮﻧﻬﺎ ﺯﺭﻙ ﻭﺧﻮﺍﺗﻬﺎ ﻭﺣﺪﻩ ﺯﺭﻙ ﻭﺣﺪﻩ ﻋﺴﻠﻲ ﺟﺎ ﺷﻤﺎﻟﻬﺎ ﺣﻈﻲ ﻣﺎ ﻃﻠﻌﺖ ﻋﻴﻮﻧﻬﺎ ﻣﻠﻮﻧﻪ ﻭﺍﻧﻲ ﻟﺰﻣﺘﻨﻲ ﺍﻟﻀﺤﻜﻪ ﻳﻤﻬﺎ ﻭﺗﻔﺸﻠﺖ ﺗﻜﻠﻲ ﺷﺒﻴﺞ ﻛﺘﻠﻬﺎ ﻣﺎﻛﻮ ﺷﻲ ﺍﻟﻲ ﺑﻄﻨﻲ ﺭﻓﺲ ﻭﺿﺤﻜﺖ ﻋﻠﻴﻪ ﻣﺎ ﺗﺪﺭﻱ ﺑﺎﻟﻤﺴﺘﻮﺭ ﻟﺞ ﺳﻜﺘﻲ ﻻ ﺗﻔﻀﺤﻴﻨﻪ ﻳﻠﻪ ﻋﻴﻨﻲ ﻛﻤﻠﻲ ﺍﻟﺠﺎﻱ ﺟﻮﻋﺎﻧﻪ ﻣﻦ ﺭﻛﺺ ﺍﻣﺲ ﻣﺎ ﻇﻞ ﺑﻴﻪ ﺣﻴﻠﺒﻌﻴﻮﻧﻲ ﺗﺪﻟﻞ ﻧﻮﺭ ﺍﻟﻮﺭﺩﻫﺎﻭﻱ ﻟﺞ ﻭﺳﻦ ﺧﺠﻠﺘﻴﻨﻲ ﻃﻠﻌﺘﻲ ﻣﻮ ﻫﻴﻨﻪ ﺑﺲ ﺍﻛﻠﺞ ﺍﻧﻲ ﺭﺍﺡ ﺍﺩﻭﺭ ﺩﻛﺘﻮﺭ ﺍﺑﻮ ﺟﻠﺪﻳﻪ ﺯﻳﻦ ﻋﻠﻤﻮﺩ ﻧﺮﻭﺡ ﺑﺲ ﺍﻧﻲ ﻭﻳﺎﺝ ﻧﻄﻠﻊ ﺍﻱ ﻋﺬﺭ ﻭﻧﺮﻭﺡ ﺍﻭﻛﻲ ﺍﻭﻛﻲ ﻳﻠﻪ ﺍﺧﺬﻱ ﺍﻟﺮﻳﻮﻙ ﻭﺍﻧﻲ ﺍﺧﺬ ﺍﻟﺠﺎﻱ ﻻﻥ ﺻﻴﻨﻴﺔ ﺍﻟﺮﻳﻮﻙ ﺛﻜﻴﻠﻪ ﻋﻠﻴﻪ ﺍﺧﺎﻑ ﻋﻠﻰ ﺟﻬﺎﻟﻲ ﻫﻬﻬﻪ ﺍﻃﻠﻌﻲ ﻳﻠﻪ ﺍﺣﻤﺪ .. ﻛﻌﺪﺕ ﺍﻣﻲ ﺗﺴﺄﻟﻨﻲ ﻫﺎ ﻳﻤﻪ ﺷﻠﻮﻧﻬﺎ ﻭﻳﺎﻙ ﺯﻳﻨﻪ ﺍﻟﺒﻨﻴﻬﺎﻱ ﻳﻤﻪ ﻃﻤﻨﻲ ﺯﻳﻨﻪ ﻭﺭﺩﻩ ﻭﺣﺒﺎﺑﻪ ﻭﻓﻘﻴﺮﻩ ﺯﻳﻦ ﻳﻤﻪ ﻃﻤﻨﺘﻨﻲ ﺍﻟﻠﻪ ﻳﺴﻌﺪﻛﺒﺲ ﺍﻧﺘﻲ ﻳﻤﻪ ﻫﻢ ﺧﻔﻴﻬﺎ ﺍﺣﺴﺞ ﻣﻤﺘﻘﺒﻠﺘﻬﺎ ﺑﻌﺪ ﺍﻧﺘﻲ ﺗﻘﺒﻠﻴﻬﺎ ﻣﺜﻞ ﻧﻮﺭ ﺍﻱ ﺑﻌﻴﻮﻧﻲ ﻳﻤﻬ ﻄﻠﻌﻮ ﻧﻮﺭ ﻭﺳﻦ ﺟﺎﺑﻮ ﺍﻟﺮﻳﻮﻙ ﺧﻠﺘﻪ ﻋﻠﻰ ﺍﻟﻤﻴﺰ ﻛﻠﺘﻠﻬﺎ ﺍﻣﻲ ﻳﻤﻪ ﻭﺳﻦ ﺣﺒﻴﺒﻪ ﺟﻴﺒﻲ ﺑﺎﻻﺭﺽ ﻫﻨﺎ ﻣﺎ ﺍﻛﺪﺭ ﺍﻛﻌﺪ ﻋﻠﻰ ﺍﻟﻤﻴﺰ ﻭﺍﻛﻞ ﺧﻠﻴﻨﻪ ﻧﻜﻌﺪ ﻋﻠﻰ ﺍﻻﺭﺽ ﺑﻌﻴﻮﻧﻲ ﺧﺎﻟﻪ ﺗﺪﻟﻠﻴﻦ ﺭﺣﺖ ﺟﺒﺖ ﺍﻟﺴﻔﺮﻩ ﻭﻓﺮﺷﺖ ﺑﺎﻻﺭﺽ ﻭﺣﻄﻴﺖ ﺍﻻﻛﻞ ﺟﺎﻳﺒﻪ ﻛﺎﻫﻲ ﻭﻛﻴﻤﺮ ﻭﻣﺮﺑﻰ ﻭﺯﻳﺘﻮﻥ ﻭﻓﻮﺍﻛﻪ ﻭﺍﺣﻨﻪ ﺍﻟﺜﻼﺟﻪ ﻣﺘﺮﻭﺳﻪ ﻓﻮﺍﻛﻪ ﺣﻄﻴﻨﻪ ﻭﺭﺩﺕ ﺍﻛﻌﺪ ﻳﻤﻬﺎ ﺭﻭﺣﻲ ﻳﻢ ﺯﻭﺟﺞ ﻛﻌﺪﻱ ﻳﻤﻪ ﺍﻱ ﺧﺎﻟﻬﻜﻌﺪﺕ ﻳﻢ ﺍﺣﻤﺪ ﺧﺎﻟﺘﻲ ﻭﻧﻮﺭ ﺳﻮﻟﻔﻮ ﻭﻳﺎﻧﻪ ﻋﻠﻰ ﺍﻻﻛﻞ ﺻﺪﻛﻪ ﻛﻠﻴﻨﻪ ﺛﻨﻴﻨﻪ ﻧﺴﻴﻨﻪ ﻧﻔﺴﻨﻪ ﻣﺘﺮﻳﻜﻴﻦ ﻋﻠﻰ ﺍﻟﻮﺍﻫﺲ ﺧﻠﺼﻨﻪ ﺭﻳﻮﻙ ﻭﺷﻠﺖ ﺍﻟﺴﻔﺮﻩ ﺭﺍﺩﺕ ﻧﻮﺭ ﺗﺸﻴﻞ ﻭﻳﺎﻱ ﻣﺨﻠﻴﺘﻬﺎ ﻛﺘﻠﻬﺎ ﺍﻧﺘﻲ ﺣﺎﻣﻞ ﻛﻌﺪﻱ ﻭﺍﻧﻪ ﺍﺷﻴﻞ ﺍﻧﺘﻲ ﺭﺗﺎﺣﻴﺸﻠﺖ ﻭﻟﻤﻴﺖ ﺍﻟﺴﻔﺮﻩ ﻭﺭﺟﻌﺖ ﻳﻤﻬﻢ ﺧﺎﻟﺘﻲ ﻛﺎﻟﺖ ﻳﻠﻪ ﻳﻤﻪ ﻧﻮﺭ ﺧﻠﻲ ﻧﻜﻮﻡ ﻧﺮﻭﺡ ﻫﻢ ﻋﺮﺳﺎﻥ ﻳﺎﺧﺬﻭﻥ ﺭﺍﺣﺘﻬﻢ ﻭﺳﻦ . ﻛﻠﺖ ﺑﻜﻠﺒﻲ ﺍﻱ ﺧﻮﺵ ﻋﺮﺳﺎﻥ ﺑﻠﻴﻠﺔ ﻋﺮﺳﻲ ﻣﺮﺯﻟﻨﻲ ﻭﺣﺘﻰ ﻣﺎ ﻧﺎﻡ ﻳﻤﻲ ﺍﺣﻤﺪ .. ﺣﺠﻴﺖ ﻭﻳﻪ ﺭﻭﺣﻲ ﺍﺥ ﻳﻤﻪ ﻟﻮ ﺗﺪﺭﻳﻦ ﺑﻀﻴﻢ ﻛﻠﺒﻲ ﺣﺠﺎﻳﺘﺞ ﺗﺮﻥ ﺑﺬﺍﻧﻲ ﻳﻤﻪ ﻫﺬﺍ ﻋﻤﺮ ﻭﺻﺪﻙ ﻋﻤﺮ ﻫﺴﻪ ﻳﻠﻪ ﻋﺮﻓﺖ ﻧﻔﺴﻲ ﺳﺘﻌﺠﻠﺘ ﻄﻠﻌﻮ ﺍﻫﻞ ﺍﺣﻤﺪ ﻭﺭﺟﻌﻨﻪ ﺩﺧﻠﻨﻪ ﻟﻠﺒﻴﺖ ﺍﻧﻲ ﻭﻳﺎﻩ ﻛﻌﺪ ﺑﺎﻟﺼﺎﻟﻪ ﻛﻌﺪﺕ ﻳﻤﻪ .. ﻭﺳﻦ ﻣﻤﻜﻦ ﺗﺮﻛﻴﻨﻲ ﺍﺭﻳﺪ ﺍﻇﻞ ﻭﺣﺪﻱ ﺷﻮﻳﻪ ﺗﻌﺒﺎﻧﺴﻼﻣﺘﻚ ﺷﺒﻴﻚ ﺗﻌﺒﺎﻥ ﺍﻣﺎﺑﻴﻪ ﺷﻲ ﺷﻮﻳﻪ ﺗﻌﺒﺎﻥ ﺗﺮﻛﻴﻨﻲ ﻭﺣﺪﻱ ﻧﺘﺮﺕ ﺑﻴﻬﺎ ﺍﻥ ﺷﺎﺀ ﺍﻟﻠﻪ ﺍﻧﻪ ﺑﺎﻟﻤﻄﺒﺦ ﺍﺫﺍ ﺣﺘﺎﺟﻴﺖ ﺷﻲ ﻛﻠﻲ ﻋﻔﺘﻪ ﻭﺭﺣﺖ ﻟﻠﻤﻄﺒﺦ ﺑﺲ ﺷﻨﻮ ﺍﺣﺲ ﻧﺎﺭ ﺑﻜﻠﺒﻲ ﻟﻴﺶ ﻫﻴﺞ ﻳﻌﺎﻣﻠﻨﻲ ﻟﻴﺶ ﻫﻴﺞ ﻳﺤﺎﺟﻴﻨﻲ ﻣﺎ ﺟﺒﺮﺗﻪ ﻳﺰﻭﺟﻨﻲ ﺷﻨﻮ ﻳﺮﻳﺪ ﻣﻨﻲ ﺍﺫﺍ ﻫﻴﺞ ﺗﻌﺎﻣﻠﻪ ﻳﺎ ﺭﺑﻲ ﺍﺣﻨﻪ ﺣﺘﻰ ﺑﺎﺏ ﺍﻟﺒﻴﺖ ﻣﻨﻮﺻﻠﻪ ﻟﻴﺶ ﻳﺮﻳﺪ ﻳﺄﺫﻳﻨﻲ ﺷﻨﻮ ﻏﺎﻳﺘﻪ ﻛﻌﺪﺕ ﺳﺎﻋﻪ ﺍﻓﻜﺮ ﻛﺎﻋﺪﻩ ﻋﻠﻰ ﺍﻟﻜﺮﺳﻲ ﻭﻣﺨﻠﻴﻪ ﺭﺍﺳﻲ ﻋﻠﻰ ﺍﻟﻜﺎﻭﻧﺘﺮ ﻭﺍﻓﻜﺮ ﺍﺧﺮ ﺷﻲ ﻛﻠﺖ ﺧﻠﻲ ﺍﻛﻮﻡ ﺍﻟﻬﻲ ﻧﻔﺴﻲ ﻭﺍﻃﺒﺦ ﺍﻟﻐﺪﻩ ﻃﻠﻌﺖ ﺩﺟﺎﺝ ﻛﺼﺼﺘﻪ ﻭﺳﻠﻜﺘﻪ ﻭﻃﻠﻌﺖ ﺧﻀﺮﻭﺍﺕ ﻛﻠﻴﺖ ﺑﺘﻴﺘﻪ ﻭﺑﺬﻧﺠﺎﻥ ﻭﻃﻤﺎﻃﻪ ﻭﺑﺼﻞ ﺣﻠﻘﺎﺕ ﻭﺧﻠﻴﺘﻬﻢ ﺑﺎﻟﺠﺪﺭ ﻭﻛﻠﻴﺖ ﺍﻟﺪﺟﺎﺝ ﻭﺧﻠﻴﺘﻪ ﻋﻠﻴﻬﻦ ﻭﻃﺒﺨﺖ ﺍﻟﺘﻤﻦ ﻫﻢ ﺧﻠﻴﺘﻪ ﻋﻠﻴﻬﻦ ﻳﻌﻨﻲ ﺳﻮﻳﺖ ﻣﻘﻠﻮﺑﺔ ﺩﺟﺎﺝ ﺻﺎﺭﺕ ﺭﻳﺤﺘﻪ ﻃﻴﺒﻪ ﺟﻨﺖ ﺑﺲ ﺍﺫﺍ ﺍﺣﺪ ﺟﺎﺑﻠﻨﻪ ﺩﺟﺎﺝ ﻧﻀﻮﻛﻪ ﻭﻻ ﻣﺮﻩ ﻧﺸﺘﺮﻱ ﻻﻥ ﻣﺎ ﻋﺪﻧﻪ ﺍﻣﻜﺎﻧﻴﻪ ﻧﺸﺘﺮﻱ ﺍﻣﻲ ﺗﻜﻮﻝ ﺍﻟﻲ ﻧﺸﺘﺮﻱ ﺑﻲ ﺩﺟﺎﺝ ﻭﻻ ﺳﻤﺞ ﻭﻻ ﻟﺤﻢ ﻳﻔﻴﺪﻧﻪ ﺑﻐﻴﺮ ﺍﺫﺍ ﺍﺣﺪ ﺑﻴﻨﻪ ﻃﺎﺡ ﻣﺮﻳﺾ ﺻﺢ ﻣﺎ ﻋﺪﻧﻪ ﻧﻮﺩﻱ ﺩﻛﺘﻮﺭ ﺑﺲ ﺗﺮﻭﺡ ﺍﻣﻲ ﺟﻴﺒﻠﻨﻪ ﻣﻦ ﺍﻟﺼﻴﺪﻟﻴﻪ ﺩﻭﻯﺨﻠﺼﺖ ﻭﻃﻠﻌﺖ ﻟﻜﻴﺖ ﺍﺣﻤﺪ ﻣﺎ ﻣﻮﺟﻮﺩ ﺑﺎﻟﺼﺎﻟﻪ ﺭﺣﺖ ﻟﻜﻴﺘﻪ ﻧﺎﻳﻢ ﺑﺎﻟﻐﺮﻓﻪ ﻏﻄﻴﺘﻪ ﻭﻃﻠﻌﺖ ﻟﻠﻌﺼﺮ ﻇﻞ ﻧﺎﻳﻢ ﻛﻌﺪ ﺻﺎﺡ ﻭﺳﻨﺮﺣﺖ ﺭﻛﺾ ﻧﻌﻤﺠﻮﻋﺎﻥ ﻣﺴﻮﻳﻪ ﺍﻛﻞ ﺟﺎﻱ ﺍﺷﻢ ﺭﻳﺤﻪ ﻃﻴﺒﻬﺎﻱ ﻣﺴﻮﻳﻬﺸﻨﻮ ﻣﻘﻠﻮﺑﺔ ﺩﺟﺎﺝ ﻧﻈﻴﻒ ﺍﻻﻛﻼﻱ ﻧﻈﻴﻒ . ﺣﺴﺴﻨﻲ ﺍﻧﻮ ﺍﻧﻪ ﻗﺬﺭﻩ ﺍﻭ ﻓﺪ ﺷﻲ ﺟﺎﻥ ﺑﻤﺴﺘﻨﻘﻊ ﻭﻗﺬﺭ ﺍﻭﻛﻲ ﺟﻬﺰﻱ ﺍﻻﻛﻞ ﻋﻠﻤﺎ ﺍﺟﻲ ﺍﻭﻛﻴ ﺮﺣﺖ ﺟﻬﺰﺕ ﺍﻟﺴﻔﺮﻩ ﻭﺧﻠﻴﺖ ﺍﻻﻛﻞ ﻋﻠﻰ ﺍﻟﻤﻴﺰ ﺍﺟﻪ ﻫﻮ ﻭﻛﻌﺪ ﺍﻧﻪ ﻇﻠﻴﺖ ﻭﺍﻛﻔﻪ ﻣﺎ ﺗﻜﻌﺪﻳﻦ ﺷﺒﻴﺞ ﺍﻻ ﻋﺰﻳﻤﻪ ﻫﺎ ﺍﻱ ﻫﺴﻪ ﺍﻛﻌﺪ ﻳﻠﻪ ﻛﻌﺪﻳﺠﺎﻱ ﻧﺎﻛﻞ ﻭﺍﺗﺼﻞ ﻣﻮﺑﺎﻳﻞ ﻛﻠﻲ ﺭﻭﺣﻲ ﺟﻴﺒﻲ ﺍﻟﻤﻮﺑﺎﻳﻞ ﺑﺎﻟﻐﺮﻓﻪ ﺭﺣﺖ ﺍﺭﻛﺾ ﺟﺒﺘﻪ ﺍﺧﺬﻩ ﻭﺭﺩﺍﻟﻮ ﻳﺎ ﻫﻼ ﺩﻛﺘﻮﺭ .. ﺍﻟﻠﻪ ﻳﺒﺎﺭﻙ ﺑﻴﻚ ... ﻻ ﻭﻟﻮ ﻛﺎﻋﺪ ﺍﻛﻴﺪ ﻣﺎ ﻧﺎﻳﻢ ﺷﻠﻮﻥ ﺟﺎﻱ ﺍﺣﺎﺟﻴﻚ ﻟﻌﺪ .. ﺍﻫﺎ . ﻛﻮﻝ .. ﺑﺎﺟﺮ ﺍﻟﺼﺒﺢ .. ﺍﻥ ﺷﺎﺀ ﺍﻟﻠﻪ ﺍﻣﺮﻟﻚ .. ﺍﻭﻛﻲ ﻣﻊ ﺍﻟﺴﻼﻣﻪ ﺍﺣﻤﺪ . ﺷﻌﻨﺪﻩ ﺍﻟﺪﻛﺘﻮﺭ ﻭﺗﺤﺎﻟﻴﻞ ﺷﻨﻮ ﺍﻟﻠﻪ ﻳﺴﺘﺮ ﺷﺼﺎﻳﺮ ﻇﻠﺖ ﺑﺎﻟﻲ ﻫﺎﻱ ﺍﻟﺴﺎﻟﻔﻪ ﺍﻧﺴﺪﺕ ﻧﻔﺴﻲ ﻋﻦ ﺍﻻﻛﻞ ﺣﺴﺒﻲ ﺟﻴﺒﻨﻲ ﻭﺣﺴﺒﻪ ﺗﻮﺩﻳﻨﻲ ﻭﺍﺿﺮﺏ ﺻﻔﻨﺎﺕ ﺷﻴﻠﻲ ﻣﺎ ﺍﺭﻳﺪ ﺑﻌﺪﻟﻴﺶ ﺷﺒﻴﻚ ﻛﻤﻞ ﺍﻛﻞ ﻣﻮ ﺗﻜﻮﻝ ﺟﻮﻋﺎﻥ ﻣﺎ ﺍﺭﻳﺪ ﻻ ﺗﺠﺎﺩﻟﻴﻦ ﺷﻴﻠﻲ ﺍﻻﻛﻞ ﻃﻴﺐ ﻋﻠﻰ ﺭﺍﺣﺘﻚ ﺳﻮﻳﻠﻲ ﺟﺎﻱ ﺗﺪﻟﻠﺒﺴﺮﻋﻪ ﻋﻮﻓﻲ ﻛﻠﺸﻲ ﻭﺳﻮﻳﻠﻲ ﺟﺎﻳﺎﻭﻙ ﺭﺣﺖ ﺳﻮﻳﺘﻠﻪ ﺟﺎﻱ ﻭﻧﻄﻴﺘﻪ ﺍﻟﻪ ﻭﺭﺟﻌﺖ ﺍﻟﻢ ﺑﺎﻟﺴﻔﺮﻩ ﻟﻤﻴﻬﺎ ﺑﺴﺮﻋﻪ ﺷﺒﻴﺞ ﻓﺎﻫﻴﻬ ﻀﻠﻴﺖ ﺍﺣﺠﻲ ﺑﺼﻮﺕ ﻧﺎﺻﻲ ﻭﻳﻪ ﺭﻭﺣﻲ ﻫﺬﺍ ﺷﺒﻲ ﻭﻳﺎﻱ ﻣﻴﻌﺮﻑ ﺷﻲ ﺍﺳﻤﻪ ﺍﺻﻮﻝ ﺍﻛﻮ ﺍﺣﺪ ﻳﻌﺎﻣﻞ ﻭﺣﺪﻩ ﺗﻮﻩ ﻣﺰﻭﺟﻬﺎ ﺻﺎﺭﻟﻪ ﻳﻮﻡ ﺑﻬﺎﻱ ﺍﻟﻄﺮﻳﻘﻪ ﺷﻜﻠﻪ ﺍﺑﺪ ﻣﻮ ﻣﺎﻝ ﻫﻴﺞ ﻣﻌﺎﻣﻠﻪ ﻛﻤﻠﺖ ﻭﻟﻤﻴﺖ ﻭﺭﺣﺖ ﺩﺧﻠﺖ ﻟﻠﺤﻤﺎﻡ ﺍﺳﺒﺢ ﻭﻗﻔﻠﺘﻪ ﻭﻧﺰﻋﺖ ﻋﺪﺳﺎﺗﻲ ﺍﺭﻳﺢ ﻋﻴﻮﻧﻲ ﺳﺒﺤﺖ ﻭﻛﻤﻠﺖ ﻃﻠﻌﺖ ﺭﺣﺖ ﻟﺒﺴﺖ ﻓﺴﺘﺎﻥ ﺍﺳﻮﺩ ﻭﺑﻲ ﺍﺣﻤﺮ ﺍﻻﺳﻮﺩ ﺑﻲ ﻟﻤﻌﻪ ﻗﻠﻴﻠﻪ ﻭﻓﺘﺤﺖ ﺷﻌﺮﻱ ﺗﻌﻄﺮﺕ ﻭﻃﻠﻌﺖ ﺍﻓﺘﺮ ﺑﺎﻟﺒﻴﺖ ﺭﺣﺖ ﻛﻌﺪﺕ ﺑﺎﻟﺼﺎﻟﻪ ﻫﻮ ﺟﺎﻥ ﺑﺎﻟﺤﺪﻳﻘﻪ ﻛﺎﻋﺪ ﻭﺻﺎﻓﻦ ﻋﻠﻰ ﺍﻟﺰﺭﻉ ﺣﻄﻴﺖ ﺍﻟﻤﻮﺑﺎﻳﻞ ﻭﻛﻌﺪﺕ ﺍﻛﻠﺐ ﺑﻲ ﺍﺷﺘﺎﻗﻴﺖ ﻻﻣﻲ ﻭﺧﻮﺍﺗﻲ ﻟﻴﺶ ﻣﺄﺟﻮﻧﻴﺸﻔﺘﻬﺎ ﺭﺍﺣﺖ ﺗﺴﺒﺢ ﻇﺠﺖ ﺍﻇﺎﻫﺮ ﺟﺎﻱ ﺍﻗﺴﻰ ﻋﻠﻴﻬﺎ ﻫﻮﺍﻳﻪ ﺧﻄﻴﻪ ﻫﻲ ﺷﻨﻮ ﺫﻧﺒﻬﺎ ﻃﻠﻌﺖ ﻛﻌﺪﺕ ﺑﺎﻟﺤﺪﻳﻘﻪ ﺟﺎﻧﺖ ﻣﺮﺗﺒﻪ ﻭﺑﻴﻬﺎ ﻭﺭﺩ ﺳﻜﻴﺖ ﺍﻟﺰﺭﻉ ﻭﺍﻓﻜﺮ ﺑﻜﻼﻡ ﺍﻟﺪﻛﺘﻮﺭ ﺷﻨﻮ ﻳﺮﻳﺪ ﻣﻨﻲ ﻭﻟﻴﺶ ﺍﻻ ﺍﺭﻭﺡ ﺍﻟﺼﺒﺢ ﻇﺮﻭﺭﻱ ﺑﺎﺟﺮ ﺑﺪﺍﻳﺔ ﺍﻟﺪﻭﺍﻡ ﻛﻠﺶ ﻻﺯﻡ ﺍﺭﻭﺡ ﻭﺍﺷﻮﻑ ﺷﻜﻮ ﺩﺭﺕ ﻭﺟﻬﻲ ﻃﻠﻌﺖ ﻻﺑﺴﻪ ﺍﺳﻮﺩ ﻭﺍﻟﻠﻪ ﻳﺎ ﺍﻟﻠﻪ ﺣﺘﻰ ﺫﻭﻕ ﻣﺎ ﻋﺪﻫﺎ ﻫﻲ ﺳﻤﺮﻩ ﻭﺗﻠﺒﺲ ﺍﺳﻮﺩ ﺷﺼﻴﺮ ﺑﺲ ﻣﺎ ﺍﻋﺮﻑ ﻟﻴﺶ ﺍﺭﺗﺎﺡ ﻣﻦ ﺍﻏﺜﻬﺎ ﺍﺣﺲ ﻧﺎﺭ ﻛﻠﺒﻲ ﺷﻮﻳﻪ ﺗﻬﺪﺀ ﻛﻤﺖ ﺩﺧﻠﺖ ﻟﻠﺒﻴﺖ ﺗﻘﺮﻳﺒﺎً ﺍﻟﻤﻐﺮﺏ ﺷﻔﺘﻬﺎ ﻋﻠﻰ ﻛﻌﺪﺗﻬﺎ ﻻﺯﻣﻪ ﺍﻟﻤﻮﺑﺎﻳﻞ ﻭﺻﺎﻓﻨﻪ ﻛﻌﺪﺕ ﻳﻤﻬﺎ ﺗﻘﺮﺑﺖ ﻣﻨﻬﺎ ﻋﻄﺮﻫﺎ ﻛﻠﺶ ﺣﻠﻮ ﻣﻦ ﺍﻛﻌﺪ ﻳﻤﻬﺎ ﺗﺒﻴﻦ ﺑﺘﻲ ﻣﻮ ﺯﻭﺟﺘﻲ ﻛﻠﺶ ﻧﺎﻋﻤﻪ ﻻﺯﻣﻪ ﺍﻟﻤﻮﺑﺎﻳﻞ ﻭﺗﺤﺮﻙ ﺍﺻﺒﻌﻬﺎ ﻋﻠﻰ ﺍﻟﺸﺎﺷﻪ ﺻﺒﻌﻬﺎ ﺿﻌﻴﻒ ﻭﻃﻮﻳﻞ ﻳﺠﻨﻦ ﺣﺘﻰ ﻇﻔﺮﻫﺎ ﻣﻮ ﻣﺮﺑﻊ ﻟﻮ ﺻﺎﻳﺮ ﻣﺜﻠﺚ ﻛﻠﺶ ﺣﻠﻮ ﻋﺠﺒﻨﻲ ﺍﻟﻤﺲ ﺍﻳﺪﻫﺎ ﺍﺣﺲ ﺑﻨﻌﻮﻣﺘﻬﺎ ﺑﺲ ﺍﺑﺘﻌﺪﺕ ﻓﺠﺄﻩ ﻭﻻ ﺍﻧﺘﺒﻬﺖ ﻭﻻ ﺣﺴﺖ ﺑﻮﺟﻮﺩﻱ ﻳﻤﻬﺎ ﻳﺎ ﺗﺮﻯ ﺑﺸﻨﻮ ﺗﻔﻜﺮ ﻛﻠﺖ ﺧﻠﻲ ﺍﺧﻮﻓﻬﺎ ﻭﺳﻦ ﻛﻌﺪﺕ ﺑﺎﻟﺼﺎﻟﻪ ﺍﻓﻜﺮ ﺑﺄﻣﻲ ﻭﺧﻮﺍﺗﻲ ﺑﻌﺪ ﻓﺘﺮﻩ ﻳﺼﻴﺮ ﺍﻟﺠﻮ ﺑﺎﺭﺩ ﺷﻠﻮﻥ ﺍﻧﻪ ﺍﺩﻓﻪ ﻭﻫﻦ ﻳﺒﺮﺩﻥ ﻣﺘﻌﻮﺩﻩ ﺍﺗﻐﻄﻪ ﻭﺍﻧﺎﻡ ﺑﻨﺺ ﺧﻮﺍﺗﻲ ﻭﺍﺷﺒﻜﻬﻦ ﻭﻧﺪﻓﻪ ﻫﺴﻪ ﺷﻠﻮﻥ ﻫﻢ ﻫﻢ ﻓﻘﺪﻭﻧﻲ ﻫﻢ ﻳﻔﻜﺮﻭﻥ ﺑﻴﻪ ﺗﺬﻛﺮﺕ ﻳﻘﻴﻦ ﻭﺯﻣﻦ ﻣﻦ ﻧﺘﻌﺎﺭﻙ ﻋﻠﻰ ﻛﻨﺲ ﺍﻟﺒﻴﺖ ﺍﻟﺼﺒﺢ ﻭﺍﻟﻌﺼﺮ ﺟﻨﺖ ﻣﺎ ﺍﺭﻳﺪ ﺍﻛﻨﺲ ﺍﻟﻌﺼﺮ ﻻﻥ ﺍﺿﻮﺝ ﺍﻛﻌﺪ ﻗﺒﻠﻬﻦ ﺍﻟﺼﺒﺢ ﺍﻛﻨﺲ ﺍﻟﺒﻴﺖ ﻭﻳﻪ ﺷﺮﻭﻕ ﺍﻟﺸﻤﺲ ﻳﻜﻌﺪﻥ ﻫﻦ ﻭﺣﺪﻩ ﺗﺘﻌﺎﺭﻙ ﻋﻠﻰ ﺍﻟﻄﺒﺦ ﻭﺣﺪﻩ ﻋﻠﻰ ﺍﻟﺨﺒﺰ ﻟﻴﺸﻮﻓﻬﻦ ﻳﺘﻌﺎﺭﻛﻦ ﻳﻜﻮﻝ ﺭﺍﺡ ﻧﺎﻛﻞ ﻭﻧﺸﺒﻊ ﺻﺎﻓﻨﻪ ﻭﺍﻓﻜﺮ ﺳﺎﻋﻪ ﺗﻨﺰﻝ ﻣﻦ ﻋﻴﻨﻲ ﺩﻣﻌﻪ ﺍﻛﻮﻝ ﺟﻨﺖ ﻋﺎﻳﺸﻪ ﻭﻣﺮﺗﺎﺣﻪ ﺻﺢ ﻓﻘﺮ ﺑﺲ ﻣﺤﺪ ﻳﻐﺜﻨﻲ ﻫﺬﺍ ﻳﻤﺸﻲ ﻭﻳﺸﻤﺮ ﻋﻠﻴﻪ ﺣﺠﻲ ﻛﺄﻧﻪ ﺟﺎﻳﺐ ﺧﺪﺍﻣﻪ ﻭﺳﺎﻋﻪ ﺍﺿﺤﻚ ﻣﻦ ﺍﺫﻛﺮ ﺧﻮﺍﺗﻲ ﻭﺳﻮﺍﻟﻔﻨﻪ ﻭﺿﺤﻜﻨﻪ ﻣﺎ ﺍﺣﺲ ﺍﻻ ﺍﺣﺪ ﺻﺮﺥ ﻳﻤﻲ ﻃﻔﺮﺕ ﻛﻌﺪﺕ ﺑﺤﻈﻦ ﺍﺣﻤﺪ ﻣﻦ ﺍﻟﺨﻮﻑ ﻭﺿﻠﻴﺖ ﺍﺑﺠﻲ ﺍﺣﻤﺪ . ﻃﻠﻌﺖ ﺑﺎﻟﻤﻮﺑﺎﻳﻞ ﺻﺮﻳﺦ ﻭﻋﻠﻴﺖ ﺻﻮﺗﻪ ﻭﻗﺮﺑﺖ ﺍﻟﻤﻮﺑﺎﻳﻞ ﻳﻢ ﺍﺫﻧﻬﺎ ﻭﺷﻐﻠﺘﻪ ﻣﺎ ﺍﺣﺴﻬﺎ ﺍﻻ ﻃﻔﺮﺕ ﻭﺣﻀﻨﺘﻨﻲ ﻭﺿﻠﺖ ﺗﺒﺠﻲ ﺧﻠﺖ ﺭﺍﺳﻬﺎ ﺑﺼﺪﺭﻱ ﺑﻴﻦ ﺿﻠﻮﻋﻲ ﺍﻧﻲ ﻻ ﺍﺭﺍﺩﻳﺎً ﺣﻀﻨﺘﻬﺎ ﻭﻋﺼﺮﺗﻬﺎ ﺣﻴﻞ ﺑﺲ ﺿﺤﻜﺖ ﻋﻠﻴﻬﺎ ﻫﻮﻭﺍﻱ ﻫﻬﻬﻬﻬﻬﻬﻪ .. ﻫﺎﻱ ﺷﺒﻴﺞ ﻣﺎﻛﻮ ﺷﻲ ﻟﺘﺨﺎﻓﻴﻨﻌﻔﻴﻪ ﺣﺒﺎﺏ ﺍﺣﻤﺪ ﺷﻜﻮ ﺧﻔﺖ ﻣﻨﻮ ﺻﺮﺧ ﻬﻬﻬﻬﻪ ﻭﻟﺞ ﻭﺳﻦ ﺷﻔﺘﺞ ﺻﺎﻓﻨﻪ ﻭﻛﻞ ﺷﻮﻳﻪ ﺗﻨﺰﻝ ﺩﻣﻌﻪ ﻣﻨﺞ ﻃﻠﻌﺘﻠﺞ ﺻﺮﻳﺨﻪ ﻛﻠﺖ ﺍﻛﻤﻠﺞ ﺍﻟﻔﺎﺗﺤﻬ ﺎﻣﻢ .. ﺍﺍﺍ ﺍﻛﺪﺭ ﺍﻧﺰﻝ ﻣﻦ ﺣﻈﻨﻚ ﻫﺎﺍ . ﺍﻱ ﻳﻌﻨﻲ ﺍﻧﻲ ﺣﻈﻨﺘﺞ ﻻﻥ ﺣﻈﻨﺘﻴﻨﻲ ﻛﻠﺖ ﺍﻛﻴﺪ ﺧﺎﻓﺖ .. ﺑﻴﻦ ﻋﻠﻴﻪ ﺍﻻﺭﺗﺒﺎﻙ ﻭﺧﻠﻴﺖ ﺍﻳﺪﻱ ﻭﺭﻯ ﺭﺍﺳﻲ ﻭﺍﻓﺮﻙ ﺑﺸﻌﺮﻱ . ﺍﻫﺎ ﻻ ﻣﺎ ﺧﻔﺖ ﺑﺲ ﻛﻠﺒﻲ ﻭﻛﻊ ﺑﻴﻦ ﺭﺟﻠﻴﻪ ﻣﻦ ﺍﻟﻬﺒﻄﻪ ﺣﺮﺍﻡ ﻋﻠﻴﻚ ﻻ ﺗﻌﻴﺪﻫﺎ ﺑﻌﺪ ﺍﻣﻮﺕ ﺍﻣﻢ ﺗﻤﻮﺗﻴﻦ ﺷﻨﻮ ﻻﺯﻡ ﺗﻌﺮﻓﻴﻦ ﻳﺎ ﻳﻮﻡ ﺗﻤﻮﺗﻴﻦ ﺍﻱ ﺍﻋﺮﻑ ﻣﻦ ﺗﺨﻮﻓﻨﻲ ﻫﻴﺞ ﺍﻣﻮﺗﺎﻣﻢ ﺍﻛﻮﻝ ﺍﺣﻤﺪ ﻫﺴﻪ ﻣﻐﺮﺏ ﺷﻨﻮ ﺗﺮﻳﺪ ﺍﺳﻮﻳﻠﻚ ﻋﺸﻪ ﻣﻦ ﻫﺴﻪ ﺍﻟﻌﺸﻪ ﺷﻨﻮ . ﺩﺟﺎﺝ ﺍﺣﻨﻪ ﻟﻮ ﻣﺘﻌﻮﺩﻩ ﻋﻠﻰ ﻫﻴﺞ ﻭﺿﻊ ﺗﺘﻌﺸﻴﻦ ﻭﺗﻨﺎﻣﻴﻦ ﻭﻳﻪ ﻏﺮﻭﺏ ﺍﻟﺸﻤﺲ ﻣﺜﻞ ﺍﻟﺪﺟﺎﺝ ﺍﻧﻘﻬﺮﺕ ﺣﻴﻞ ﻣﻦ ﺭﺩﻩ .. ﻻ ﺑﺲ ﺍﺣﻨﻪ ﻣﺠﺎﻥ ﻋﺪﻧﻪ ﺷﻲ ﺍﺳﻤﻪ ﻋﺸﻪ ﻳﻌﻨﻲ ﻣﺮﺍﺕ ﻧﺎﻛﻞ ﺧﺒﺰ ﻭﺟﺎﻱ ﻭﻣﺮﺍﺕ ﻣﺎ ﻧﺘﻌﺸﻪ ﺍﺫﺍ ﻋﺪﻧﻪ ﻧﺎﻛﻞ ﻭﺍﺫﺍ ﻣﺎ ﻋﺪﻧﻪ ﻣﺎ ﻧﺎﻛﻞ ﻭﺍﻟﻜﻬﺮﺑﺎﺀ ﺗﻨﻄﻔﻲ ﻋﻠﻴﻨﻪ ﻭﺍﻟﺒﻴﺖ ﻳﺼﻴﺮ ﺍﻇﻠﻢ ﺑﻌﺪ ﻭﻳﻦ ﻧﺮﻭﺡ ﻟﻮ ﻧﻜﻌﺪ ﻧﺴﻮﻟﻒ ﺍﻧﻪ ﻭﺧﻮﺍﺗﻲ ﻟﻮ ﻧﺎﻡ ﻗﻬﺮﻧﻲ ﺭﺩﻫﺎ ﻟﻮ ﺍﺩﺭﻱ ﻣﻜﺎﻳﻞ ﻫﻴﺞ ﺷﻠﻮﻥ ﻋﺎﻳﺸﻴﻦ ﺟﺎﻧﻮ ﻫﺴﻪ ﻫﻲ ﺧﻠﺼﺖ ﻭﻇﻠﻮ ﺍﻫﻠﻬﺎ ﺍﻫﺎ ﺍﺑﻮﺝ ﻭﻳﻦ ﺍﻧﻲ ﺳﺘﺤﻴﺖ ﺍﺳﺄﻝ ﺍﻟﺤﺠﻴﻪ ﻋﻨﻪ ﺍﺑﻮﻱ ﻣﺎ ﺍﻋﺮﻓﻪ ﻭﻻ ﺍﺗﺬﻛﺮ ﺷﻜﻠﻪ ﺍﺑﻮﻱ ﻣﻌﻮﻕ ﻭﻣﺎﺕ ﻣﻦ ﺟﺎﻥ ﻋﻤﺮﻱ ﺳﻨﺘﻴﻦ ﺍﻧﻪ ﺍﺻﻐﺮ ﺧﻮﺍﺗﻲ ﻳﻌﻨﻲ ﻋﺸﺖ ﻳﺘﻴﻤﻪ ﻋﻤﺮﻱ ﻛﻠﻪ ﻋﻠﻰ ﺻﺪﻗﺔ ﺍﻟﻨﺎﺱ ﻟﻴﺶ ﻳﻌﻨﻲ ﻫﻮ ﺟﺎﻥ ﻳﺸﺘﻐﻞ ﺍﻱ ﺟﺎﻥ ﻣﻌﻮﻕ ﺑﺲ ﻳﺸﺘﻐﻞ ﺟﺎﻥ ﻋﻨﺪﻩ ﺑﺴﻄﻪ ﺻﻐﻴﺮﻩ ﻋﻠﻰ ﺍﻟﺸﺎﺭﻉ ﻳﺒﻴﻊ ﺣﻠﻮﻳﺎﺕ ﻭﺍﻟﻌﺼﺮ ﺗﺴﻮﻱ ﺍﻣﻲ ﻟﻔﺎﺕ ﻭﻫﻮ ﻳﺒﻴﻌﻬﻦ ﻭﺗﺴﻮﻱ ﺍﻣﻲ ﻫﻢ ﺷﺎﻣﻴﻪ ﻳﺒﻴﻌﻬﺎ ﺟﺎﻧﺖ ﺗﻜﻮﻝ ﺍﻟﺤﺎﻝ ﻣﺴﺘﻮﺭ ﻭﻋﺎﻳﺸﻴﻦ ﺑﻌﺪ ﻣﺎ ﻣﺎﺕ ﻇﻠﻴﻨﻪ ﻋﻠﻰ ﺻﺪﻗﺖ ﺍﻟﻌﺎﻟﻢ ﻭﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻟﻤﻄﻴﺐ ﺍﻫﻞ ﻋﻤﺎﻡ ﺧﻮﺍﻝ ﻣﺎ ﻋﺪﻛﻢ ﻣﺎ ﺍﻋﺮﻑ ﺍﺣﺪ ﻭﻻ ﺷﻔﺖ ﺍﺣﺪ ﻛﻠﻤﺎ ﻧﺴﺄﻝ ﺍﻣﻲ ﺗﻜﻮﻝ ﻣﺎ ﻋﺪﻧﻪ ﺍﺣﺪ ﻛﺒﺮﻧﻪ ﻭﺭﺑﻴﻨﻪ ﻭﺻﺮﻧﻪ ﻣﺎ ﻧﻌﺮﻑ ﺍﺣﺪ ﻭﻻ ﺷﻔﻨﻪ ﺍﺣﺪ ﻟﺬﻟﻚ ﺍﺳﺘﻐﺮﺑﺖ ﻣﻦ ﺍﺟﻴﺖ ﺗﺨﻄﺒﻨﻲ ﻟﻴﺶ ﺍﻧﻪ ﺑﺎﻟﺬﺍﺗﺎﻫﻮﻭ ﻫﻢ ﺭﺟﻌﻨﻪ ﻟﻬﻴﺞ ﺍﺳﺄﻟﻪ ﻣﻮ ﺍﻧﺖ ﺻﺎﺭ ﺳﺎﻋﻪ ﺗﺴﺄﻟﻨﻲ ﻋﻦ ﺣﻴﺎﺗﻲ ﻭﺣﺠﻴﺘﻠﻚ ﺍﻱ ﺑﻤﺮﻭﺭ ﺍﻟﺰﻣﻦ ﺗﻌﺮﻓﻴﻦ ﻛﻠﺸﻲ ﻋﻨﻲ ﺍﻭﻙ ﺍﻛﻮﻝ ﻭﺳﻦ ﺟﺎﻧﺖ ﺍﺳﺎﻋﺪﻛﻢ ﻛﻞ ﻓﺘﺮﻩ ﺑﻤﺒﻠﻎ ﻭﻳﻦ ﺗﻮﺩﻭﻧﻪ ﻳﻌﻨﻲ ﺷﻨﻮ ﺗﺸﺘﺮﻭﻥ ﺍﺫﺍ ﺗﻜﻮﻟﻴﻦ ﻣﺎ ﻧﺎﻛﻞ ﺟﺎﻧﺖ ﺍﻣﻲ ﺿﻤﻪ ﺗﻜﻮﻝ ﺍﺫﺍ ﻭﺣﺪﻩ ﻣﻨﺠﻦ ﺗﻤﺮﺿﺖ ﻋﻨﺪﻱ ﻓﻠﻮﺱ ﺍﻋﺎﻟﺠﻬﺎ ﺗﺴﻮﻱ ﺍﻟﺸﻲ ﺍﻟﺨﺮﺑﺎﻥ ﺑﺎﻟﺒﻴﺖ ﻣﺜﻼ ﻛﻠﻮﺏ ﻳﺤﺘﺮﻙ ﺗﺸﺘﺮﻱ ﺍﻭ ﺟﻬﺎﺯ ﻳﻌﻄﻞ ﺻﻠﺤﻪ ﺍﻟﻨﻪ ﺍﻫﺎ ﻳﻠﻪ ﺍﺫﻥ ﻧﻜﻮﻡ ﻧﺼﻠﻲ ﺍﻱ ﻋﻠﻰ ﻓﻜﺮﻩ ﺭﺍﺡ ﺍﻃﻠﻊ ﺍﺟﻴﺐ ﺍﻛﻞ ﺟﺎﻫﺰ ﻻ ﺗﺴﻮﻳﻦ ﺷﻲ ﺍﻭﻙ ﺑﺮﺍﺣﺘﻚ ﺟﻨﺞ ﻣﺎ ﺻﺪﻛﺘﻲ ﻛﺘﻠﺞ ﺭﺍﺡ ﺍﺟﻴﺐ ﺍﻛﻞ ﺟﺎﻫﺰ ﻫﻬﻬﻪ ﻻ ﻣﻮ ﻫﻴﺞ ﺑﺲ .. ﻣﺎ ﺍﺣﺐ ﺍﻋﺘﺮﺽ ﻋﻠﻰ ﺷﻲ ﺗﻜﻮﻟﻪ ﺑﻜﻠﺒﻲ ﻛﻠﺖ ﺍﻧﺖ ﺷﺎﻳﻔﻨﻲ ﻭﺳﺨﻪ ﻓﺎﻛﻴﺪ ﺗﺮﻳﺪ ﺟﻴﺐ ﺟﺎﻫﺰ ﻣﺎ ﻳﻌﺠﺒﻚ ﺗﺎﻛﻞ ﻣﻨﻴﻜﻤﻨﻪ ﺻﻠﻴﻨﻪ ﻭﺧﻠﺼﻨﻪ ﻫﻮ ﻟﺒﺲ ﻭﻃﻠﻊ ﻭﺍﻧﻪ ﻇﻠﻴﺖ ﺣﺎﻳﺮﻩ ﺍﻓﻜﺮ ﺑﺄﻫﻠﻲ ﺷﻠﻮﻥ ﺑﻴﻬﻢ ﻟﻴﺶ ﻣﺎ ﺍﺟﺖ ﺍﻣﻲ ﻓﺘﺤﺖ ﺍﻟﺘﻠﻔﺰﻳﻮﻥ ﻭﻛﻌﺪﺕ ﺍﻛﻠﺐ ﺑﻲ ﺗﺄﺧﺮ ﺍﺣﻤﺪ ﺳﺎﻋﻪ ﺏ 11 ﻳﻠﻪ ﺍﺟﻪ ﻭﺟﺎﺏ ﺍﻟﻌﺸﻪ ﻣﺪﺭﻱ ﻭﻳﻦ ﺟﺎﻥ ﺧﻔﺖ ﻭﺣﺪﻱ ﺑﺎﻟﺒﻴﺖ ﻻﻥ ﻭﻻ ﻣﺮﻩ ﻇﺎﻟﻪ ﺑﻴﺖ ﻭﺣﺪﻱ ﺍﺳﺘﻐﻠﻴﺖ ﻭﻗﺘﻲ ﻭﺍﺗﺼﻠﺖ ﻋﻠﻰ ﺍﻣﻞ ﻛﺘﻠﻬﺎ ﻫﻠﻮ ﺍﻣﻞ ﺍﻧﻪ ﻭﺳﻨﻴﺎ ﻫﻼ ﻭﺳﻦ ﻋﻴﻨﻲ ﺍﻟﻒ ﻣﺒﺮﻭﻙ ﻭﺷﺎﻳﻔﻪ ﻛﻞ ﺧﻴﺮ ﺍﻟﻠﻪ ﻳﺒﺎﺭﻙ ﺑﻴﺞ ﺣﺒﻴﺒﺘﻲ ﺷﻠﻮﻥ ﻭﺷﻠﻮﻥ ﺍﻟﺰﻭﺍﺟﻮﺍﻟﻠﻪ ﺍﻟﺤﻤﺪﻟﻠﻪ ﺍﻛﻠﺞ ﻋﻴﻨﻲ ﺍﻣﻞ ﻛﺘﻴﻠﻲ ﻗﺒﻞ ﻓﺘﺮﻩ ﻋﻠﻰ ﺍﺷﻴﺎﺀ ﺗﺮﻭﺡ ﺍﻟﺴﻤﺎﺭ ﺍﻟﻲ ﺑﻮﺟﻬﻲ ﺍﻱ ﺍﻱ ﺍﺗﺬﻛﺮ ﺧﻴﻪ ﺍﻱ ﺍﻧﻪ ﻣﺤﺘﺎﺟﺘﻬﺎ ﺍﺫﺍ ﺗﻜﺪﺭﻳﻨ ﺸﻮﻓﻲ ﺍﻧﻪ ﺭﺍﺡ ﺍﺷﺘﺮﻳﻬﺎ ﻭﺍﺧﻠﻴﻬﺎ ﻳﻢ ﺍﻟﺤﺠﻴﻪ ﺍﻣﺞ ﻣﻦ ﺗﻤﺮﻳﻦ ﻻﻫﻠﺞ ﺍﻧﻄﻴﻨﻲ ﺧﺒﺮ ﺍﺟﻴﻠﺞ ﻭﺍﻋﻠﻤﺞ ﻋﻠﻰ ﺍﺳﺘﻌﻤﺎﻟﻬﺎ ﺍﻭﻛﻴﺎﻭﻛﻲ ﺷﻜﺮﺍًﺳﺪﻳﺖ ﺍﻟﻤﻮﺑﺎﻳﻞ ﻭﻛﻌﺪﺕ ﺍﻓﻜﺮ ﻻﺯﻡ ﺍﻏﻴﺮ ﻧﻔﺴﻲ ﺑﺲ ﺍﻭﻝ ﻣﺮﻩ ﻻﺯﻡ ﺍﺭﻭﺡ ﻟﺪﻛﺘﻮﺭ ﺟﻠﺪﻳﻪ ﺍﻟﻲ ﻛﺎﻟﺖ ﻋﻨﻪ ﻧﻮﺭ ﻭﻫﻢ ﺍﺗﺼﻠﺖ ﻋﻠﻰ ﻧﻮﺭ ﺳﻠﻤﺖ ﻋﻠﻴﻬﺎ ﺳﺄﻟﺘﻨﻲ ﻋﻦ ﺍﺣﻤﺪ ﻭﺷﻠﻮﻧﻪ ﻭﻳﺎﻱ ﻛﺘﻠﻬﺎ ﺣﺒﺎﺏ ﻭﻃﻴﺐ ﻭﻳﺎﻱ ﻭﺍﻧﻪ ﺍﺳﻮﻱ ﺣﺮﻛﺎﺕ ﻻ ﺍﺭﺍﺩﻳﻪ ﺑﻮﺟﻬﻲ ﻳﻌﻨﻲ ﻫﻮ ﻋﻜﺲ ﻫﺬﺍ ﺍﻟﺸﻲ ﻭﻛﺘﻠﻬﺎ ﻻﺯﻡ ﻧﺮﻭﺡ ﻟﺪﻛﺘﻮﺭ ﺟﻠﺪﻳﻪ ﺍﻟﻲ ﻛﻠﺘﻲ ﻋﻨﻪ ﻛﺎﻟﺖ ﺍﻣﺮﺝ ﺗﺪﻟﻞ ﻭﺳﻦ ﺍﻡ ﻋﻴﻮﻥ ﺯﺭﻙ ﻟﺞ ﻧﻮﺭ ﺳﻜﺘﻲ ﻻ ﺍﺣﺪ ﻳﺴﻤﻌﺞ ﻻ ﻭﻟﺞ ﻣﺤﺪ ﻳﻤﻲ ﺑﻐﺮﻓﺘﻲ ﻣﻨﻮ ﻳﺴﻤﻊ ﺍﻫﺎ ﻳﻠﻪ ﺣﺐ ﺭﺍﺡ ﺍﺳﺪﻩ ﺷﻜﻠﻪ ﺍﺣﻤﺪ ﺍﺟﻪ ﺍﻛﻮﻱ ﺑﺎﻱ ﺑﺎﻱ ﻣﻮ ﺗﻨﺴﻴﻦ ﻻﺯﻡ ﺗﻄﻠﻌﻴﻦ ﻋﺬﺭ ﻭﻧﺮﻭﺡ ﻟﻠﺪﻛﺘﻮﺭ ﺑﺄﺳﺮﻉ ﻭﻗﺖ ﺍﻭﻛﻲ ﺩﺧﻞ ﺍﺣﻤﺪ ﺟﺎﻳﺐ ﺍﻟﻌﺸﻪ ﺩﻙ ﺑﺎﺑﺎ ﺍﻟﺼﺎﻟﻪ ﺟﻨﺖ ﻗﺎﻓﻠﺘﻪ ﻣﻦ ﺍﻟﺨﻮﻑ ﻟﻴﺶ ﻗﺎﻓﻠﻪ ﺍﻟﺒﺎﺏ ﻣﻮ ﺍﻧﺖ ﺗﺄﺧﺮﺕ ﻭﺍﻧﻪ ﺧﻔﺖ ﻭﺣﺪﻳﺎﻭﻙ ﻫﺬﺍ ﺍﻟﻌﺸﻪ ﻳﻠﻪ ﺧﻠﻲ ﺍﻻﻛﻞ ﺑﻌﺪ ﺣﺎﺭ ﺧﻠﻲ ﻧﺘﻌﺸﻪ ﺭﺣﺖ ﻟﻠﻤﻄﺒﺦ ﻋﺪﻟﺖ ﺍﻟﻤﻴﺰ ﻭﺣﻄﻴﺖ ﺍﻻﻛﻞ ﺟﺎﻳﺐ ﺑﻴﺘﺰﺍ ﺍﻭﻝ ﻣﺮﻩ ﺍﺷﻮﻓﻬﺎ ﻋﻠﻰ ﺍﻟﺤﻘﻴﻘﻪ ﺑﺲ ﺑﺎﻟﺘﻠﻔﺰﻳﻮﻥ ﺟﻨﻪ ﻧﺸﻮﻓﻬﺎ ﻣﺮﻩ ﺳﻮﺕ ﻳﻘﻴﻦ ﻭﺣﻄﺖ ﻋﻠﻴﻬﺎ ﻃﻤﺎﻃﻪ ﻭﺑﻴﺾ ﺑﺲ ﻣﻮ ﻃﻴﺒﻪ ﻣﺜﻞ ﻫﺎﻱ ﻭﺟﺎﻳﺐ ﺻﺎﺝ ﻭﻣﻘﺒﻼﺕ ﺣﻄﻴﺖ ﺍﻻﻛﻞ ﻭﺭﺗﺒﺘﻪ ﻭﺻﺤﺖ ﻋﻠﻰ ﺍﺣﻤﺪ ﺍﺟﻪ ﻳﺎﻛﻞ ﺍﻧﻪ ﻃﺒﻌﻲ ﺍﻛﻞ ﻋﻠﻰ ﻛﻴﻒ ﻫﻮ ﺧﻠﺺ ﻗﻄﻌﺘﻴﻦ ﻭﺍﻧﻪ ﺑﻌﺪﻧﻲ ﺑﻘﻄﻌﻪ ﻭﻛﺘﻠﻪ ﺷﺒﻌﺘﻬﺎﻱ ﺷﻨﻮ ﺷﺄﻛﻠﺘﻲ ﻃﻠﻌﺘﻲ ﻣﺘﺎﻛﻠﻴﻦ ﻭﺍﻧﻲ ﺍﻛﻮﻝ ﻟﻴﺶ ﻫﻴﺞ ﺿﻌﻴﻔﻪ ﻻ ﺑﺲ ﻣﺎ ﺍﺷﺘﻬﻲ ﺣﺠﻴﺖ ﺑﻜﻠﺒﻲ ﺷﻮﻑ ﻫﺬﺍ ﻫﻮ ﺍﻧﻪ ﻣﻦ ﺭﺣﺖ ﻟﻬﺴﻪ ﺣﺎﻃﻪ ﺭﺍﺳﻲ ﺑﺎﻟﺜﻼﺟﻪ ﻭﺍﻛﻞ ﻓﺰﺍﻛﻪ ﻛﻠﺖ ﺭﺍﻳﺢ ﺗﺠﻴﺐ ﻋﺸﻪ ﺭﺍﺟﻊ ﺏ 11 ﻣﻮ ﺍﺗﺎﻧﻴﻚ ﻭﺍﻣﻮﺕ ﻣﻦ ﺍﻟﺠﻮﻉ ﻫﻬﻪ ﺧﻴﺮ ﺷﺒﻴﺞ ﺗﺒﺘﺴﻤﻴﻦ ﺿﺤﻜﻴﻨﻲ ﻫﺎ ﻻ ﻣﺎﻛﻮ ﺷﻲ ﺩﻳﻠﻪ ﻛﻮﻧﻲ ﺳﻮﻳﻠﻲ ﺟﺎﻱ ﻭﺟﻴﺒﻲ ﻟﻠﻐﺮﻓﻪ ﺍﻭﻙ ﻣﻦ ﻋﻴﻮﻧﻴﺨﻠﺼﺖ ﻭﻃﻠﻌﺖ ﺭﺣﺖ ﻟﻠﻐﺮﻓﻪ ﺍﻟﺜﺎﻧﻴﻪ ﻣﻮ ﻏﺮﻓﺔ ﺍﻟﻨﻮﻡ ﺟﺎﺑﺖ ﺍﻟﺠﺎﻱ ﻭﺭﺍﺣﺖ ﻋﻠﻰ ﻏﺮﻓﺔ ﺍﻟﻨﻮﻡ ﺷﻔﺘﻬﺎ ﻋﺒﺎﻟﻬﺎ ﺍﻧﻲ ﺑﻴﻬﺎ ﺷﻮﻳﻪ ﻭﺭﺟﻌﺖ ﺩﻛﺖ ﺍﻟﺒﺎﺏ ﻫﻮ ﺟﺎﻥ ﻣﻔﺘﻮﺡ ﻋﻠﻰ ﺍﻟﻨﺺ ﺗﻌﺎﻟﻲ ﻭﺳﻦ ﻫﺬﺍ ﺍﻟﺠﺎﻱ . ﺗﺤﺘﺎﺝ ﺷﻲ ﻣﻨﻲ ﺑﻌﺪﻭﻳﻦ ﺭﺍﻳﺤﻪ ﺑﻌﺪ ﻭﻛﺖ ﺗﻮﻫﺎ ﺏ 12 ﻫﺎ ﻋﺎﺩﻱ ﺍﺫﺍ ﺗﺤﺐ ﺍﻛﻌﺪ ﻳﻤﻚ ﻣﺎ ﻋﻨﺪﻱ ﻣﺎﻧﻌﻼ ﺭﻭﺣﻲ ﻧﺎﻣﻲ ﺍﻧﻲ ﻫﻢ ﺭﺍﺡ ﺍﻧﺎﻡ ﺍﻧﺘﻲ ﻣﺎ ﻣﺘﻌﻮﺩﻩ ﻋﻠﻰ ﺳﻬﺮ ﺗﻨﺎﻡ ﻫﻨﺎ !!! ﺍﻱ ﻟﻴﺶ؟؟؟ﻫﺎ ﻻ ﻣﺎﻛﻮ ﺷﻲ ﻫﻴﺞ ﺳﻼﻣﺘﻜﻴﻠﻪ ﺟﺎﻭ ﻛﻮﻣﻲ ﺭﻭﺣﻲ ﺍﻭﻙ ﺗﺼﺒﺢ ﻋﻠﻰ ﺧﻴﺮﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮﺭﺣﺖ ﻟﻠﻐﺮﻓﻪ ﻣﻦ ﺍﻟﺼﺒﺢ ﻛﺎﻋﺪﻩ ﺑﺲ ﺣﻄﻴﺖ ﺭﺍﺳﻲ ﻏﻔﻴﺘﺎﺣﻤﺪ ﺭﺍﺣﺖ ﻭﺳﻦ ﺗﻨﺎﻡ ... ﻭﺳﻦ ﺑﺲ ﺻﻮﺕ ﺍﺣﻠﻰ ﺷﻲ ﺑﻴﻬﺎ ﺻﻮﺗﻬﺎ ﺍﻧﻲ ﻫﻢ ﺷﺮﺑﺖ ﺍﻟﺠﺎﻱ ﻭﻧﻤﺖ ﻛﻌﺪﺕ ﺍﻟﺼﺒﺢ ﺏ 8 ﺗﺬﻛﺮﺕ ﻣﻮﻋﺪ ﺍﻟﺪﻛﺘﻮﺭ ﻻﺯﻡ ﺍﺭﻭﺡ ﻟﻠﻤﺴﺘﺸﻔﻰ ﺭﺣﺖ ﻟﻠﻐﺮﻓﻪ ﺩﻛﻴﺖ ﺍﻟﺒﺎﺏ ﻭﺩﺧﻠﺖ ﻣﺎ ﺷﻔﺖ ﻭﺳﻦ ﺩﺧﻠﺖ ﻟﻠﻐﺮﻓﻪ ﻣﺎﻛﻮ ﺑﺲ ﺍﻟﻔﺮﺍﺵ ﻣﺎ ﻣﺮﺗﺐ ﻋﻠﻰ ﺍﻟﺠﺮﺑﺎﻳﻪ ﺗﻘﺮﺑﺖ ﻋﻠﻰ ﺍﻟﺠﺮﺑﺎﻳﻪ ﺷﻔﺖ ﻭﺳﻦ ﺿﺎﻳﻌﻪ ﺑﺎﻟﻔﺮﺍﺵ ﻭﻣﺘﻘﺮﻓﺼﻪ ﻭﻧﺎﻳﻤﻪ ﺑﻨﺺ ﺍﻟﺠﺮﺑﺎﻳﻪ ﻭﺳﻦ .. ﻭﻭﻭﺳﺴﺴﻦ ﺍﻣﻤﻢ ﻛﻮﻣﻲ ﻭﺳﻦ ﻛﻮﻭﻭﻣﻲ ﻫﺎ ﻫﺎ ﺧﻴﺮ ﺷﻜﻮ . ﻻ ﺍﺣﻤﺪ ﺍﻃﻠﻊ ﺑﺮﻩ ﻋﻔﻴﻪ ﺣﺒﺎﺏ ﺑﺴﺮﻋﻪ ﻭﻏﻄﻴﺖ ﻭﺟﻬﻲ ﺑﺎﻟﺒﻄﺎﻧﻴﻪ ﻻﻥ ﺟﻨﺖ ﻧﺎﺯﻛﻪ ﻋﺪﺳﺎﺗﻲ ﺍﻟﺴﻮﺩ ﻫﻮ ﺧﺘﺮﻉ ﺑﺴﺮﻋﻪ ﻃﻠﻊ ﻋﻠﻰ ﺍﻟﺴﺮﻳﻊ ﻛﻤﺖ ﻟﺒﺴﺖ ﺍﻟﻌﺪﺳﺎﺕ ﻭﻟﺒﺴﺖ ﻣﻼﺑﺴﻲ ﻭﻃﻠﻌﺖ ﺧﻴﺮ ﺷﺒﻴﺞ ﺍﻛﻮ ﺷﻲ ﻫﺎ ﻻ ﻣﻮ ﻣﺠﻨﺖ ﻻﺑﺴﻪ ﺷﻲ ﻓﺴﺘﺤﻴﺘﻬﻲ ﺍﻧﺘﻲ ﻫﺎﻱ ﺍﻭﻝ ﻭﺍﺧﺮ ﻣﺮﻩ ﻓﻬﻤﺘﻲ ﺷﻨﻮ ﻳﻌﻨﻲ ﺣﺎﺳﺒﺘﻨﻲ ﻗﺮﻳﺐ ﺍﻧﻲ ﺯﻭﺟﺞ ﻋﻠﻰ ﺍﺳﺎﺱ ﺭﺍﺡ ﺍﺷﻮﻑ ﺍﻟﺠﺒﻦ ﺣﺘﻰ ﻣﻼﺑﺴﻪ ﻣﻼﺑﺲ ﻭﺍﻟﻠﻪ ﻳﺎ ﺍﻟﻠﻪ ﻫﺰﻳﺖ ﺍﻳﺪﻱ ﻭﺩﺧﻠﺖ ﻣﻦ ﻛﻠﻤﺘﻪ ﺭﺍﺡ ﺍﺷﻮﻑ ﺍﻟﺠﺒﻦ ﻛﻠﺖ ﺑﻜﻠﺒﻲ ﻻ ﻭﺍﻟﻠﻪ ﻛﻴﻤﺮ ﻣﻮ ﺟﺒﻦ ﻣﺎ ﺗﺪﺭﻱ ﺷﻨﻮ ﺿﺎﻣﻪ ﺍﻧﻪ ﺍﺣﻤﺪ . ﺩﺧﻠﺖ ﻟﻠﻐﺮﻓﻪ ﻣﺘﻨﺮﻓﺰ ﻣﻨﻬﺎ ﺗﺴﺘﺮ ﻧﻔﺴﻬﺎ ﻣﻨﻲ ﻋﻠﻰ ﺍﺳﺎﺱ ﺍﻧﻲ ﺍﻟﻲ ﻧﻔﺲ ﺍﺗﻘﺮﺏ ﻣﻨﻬﺎ ﺭﺣﺖ ﻟﺒﺴﺖ ﻣﻼﺑﺴﻲ ﻭﻃﻠﻌﺖ ﻟﻜﻴﺘﻬﺎ ﻣﺤﻀﺮﻩ ﺍﻟﺮﻳﻮﻙ ﺍﻛﻠﺖ ﺑﺴﺮﻋﻪ ﻟﻜﻤﺘﻴﻦ ﻭﻃﻠﻌﺖ ﻻﻥ ﻧﺸﻐﻞ ﺑﺎﻟﻲ ﺭﺣﺖ ﻟﻠﻤﺴﺘﺸﻔﻰ ﻛﺒﻞ ﻋﻠﻰ ﺍﻟﺪﻛﺘﻮﺭ ﺗﻠﻜﻮﻧﻲ ﺯﻣﻼﺋﻲ ﺑﺎﻟﻤﺴﺘﺸﻔﻰ ﺑﺎﺭﻛﻮﻟﻲ ﻋﻠﻰ ﺍﻟﺰﻭﺍﺝ ﻭﺻﻨﻔﻮﻧﻲ ﺷﻮﻳﻪ ﻭﺭﺣﺖ ﻟﻠﺪﻛﺘﻮﺭ ﺩﺧﻠﺖ ﺳﻠﻤﺖ ﻭﻛﺘﻠﻪ ﻣﻦ ﺍﻻﺧﺮ ﺩﻛﺘﻮﺭ ﺍﻋﺮﻓﻚ ﺟﺪﻱ ﻭﻣﺎ ﺗﻄﻠﺐ ﺍﺣﺪ ﺍﻻ ﺍﺫﺍ ﺍﻛﻮ ﺷﻲ ﺍﻱ ﻧﻌﻢ ﺍﺣﻤﺪ ﻳﻤﻜﻦ ﺻﺎﺭ ﻋﺪﻧﻪ ﺧﺮﺑﻄﻪ ﺑﺎﻭﺭﺍﻕ ﺍﻟﺘﺤﺎﻟﻴﻞ ﻳﻌﻨﻲ ﻻﺯﻡ ﺗﻌﻴﺪ ﺗﺤﻠﻴﻞ ﺍﻟﻌﻘﻤ ﺸﻨﻮ ﻗﺼﺪﻙ ﺩﻛﺘﻮﺭ ﺧﺮﺑﻄﻪ ﺍﻧﺖ ﻓﺎﻫﻢ ﺷﻨﻮ ﺍﻟﻲ ﺗﻘﺼﺪﻫﺎﻱ ﻧﻌﻢ ﺩﻛﺘﻮﺭ ﺍﺣﻤﺪ ﻓﺎﻫﻢ ﻭﻋﺎﺭﻑ ﻫﺎﻱ ﻭﺭﻗﻪ ﺍﻟﺘﺤﻠﻴﻞ ﺗﺮﻭﺡ ﺗﺤﻠﻞ ﻫﺴﻪ ﺭﺟﺎﺋﺎً ﺑﺪﻭﻥ ﺍﻋﺘﺮﺍﺽ ﺩﻛﺘﻮﺭ ﺍﻧﺖ ﺗﻜﻮﻝ ﺍﺣﻠﻞ ﻳﻌﻨﻲ ﺍﺣﺘﻤﺎﻝ ﺍﻃﻠﻊ ﻣﻮ ﻋﻘﻴم ﺍﻧﺖ ﺗﻌﺮﻑ ﺷﻨﻮ ﺗﺤﺠﻲ ﺍﻱ ﺍﻋﺮﻑ ﺍﺣﻤﺪ ﺭﻭﺡ ﺳﻮﻱ ﺍﻟﺘﺤﻠﻴﻞ ﻃﻠﻌﺖ ﺍﺭﻭﺡ ﻟﻠﻤﺨﺘﺒﺮ ﺍﺳﻮﻱ ﺍﻟﺘﺤﻠﻴﻞ ﻭﺍﻧﻲ ﺗﺎﻳﻪ ﺑﻐﻴﺮ ﻋﺎﻟﻢ ﻣﺎ ﺍﻋﺮﻑ ﺷﻨﻮ ﺭﺍﺡ ﻳﺼﻴﺮ ﺭﺣﺖ ﻟﻠﻤﺨﺘﺒﺮ ﺣﻠﻠﺖ ﻭﻛﻤﻠﺖ ﺑﻘﻴﺖ ﺍﻧﺘﻈﺮ ﻧﺘﻴﺠﺔ ﺍﻟﺘﺤﻠﻴﻞ ﻓﺪ ﻧﺺ ﺳﺎﻋﻪ ﻭﺍﺟﺎﻧﻲ ﺍﻟﺪﻛﺘﻮﺭ ﻛﺎﻝ ﺍﺣﻤﺪ ﻳﺎ ﺭﻳﺖ ﺗﻌﺬﺭﻧﻲ ﻋﻠﻰ ﺳﻮﺀ ﺍﻟﻔﻬﻢ ﺍﻟﻲ ﺻﺎﺭ ﻃﻠﻌﻨﻪ ﻣﺨﺮﺑﻄﻴﻦ ﺑﻴﻦ ﻧﺘﺎﺋﺞ ﺍﻟﺘﺤﻠﻴﻞ ﻳﻌﻨﻲ ﺍﻧﺖ ﻣﻮ ﻋﻘﻴﻢ ﺍﺣﻤﺪ ... ﻣﺎ ﺣﺠﻴﺖ ﺑﻌﺪ ﺍﻱ ﺷﻲ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻛﺒﻞ ﻟﻠﺴﻴﺎﺭﻩ ﻃﻮﻝ ﺍﻟﻄﺮﻳﻖ ﺍﻓﻜﺮ ﺷﻠﻮﻥ ﻳﻌﻨﻲ ﺩﻣﺮﺕ ﺣﻴﺎﺗﻲ ﺑﻴﺪﻱ ﻟﻴﺶ ﺳﺘﻌﺠﻠﺖ ﻛﺎﻟﺖ ﺍﻣﻲ ﻻ ﺗﺴﺘﻌﺠﻞ ﻣﺎ ﺍﺧﺬﺕ ﻛﻼﻣﻬﺎ ﺍﺍﺍﺍﺥ ﺍﺣﻤﺪ ﺍﺍﺍﺍﺥ ﻣﻦ ﻳﻮﻡ ﻳﻮﻣﻚ ﺗﺴﻮﻱ ﺍﻟﻲ ﺗﺮﻳﺪﻩ ﺷﻨﻮ ﺭﺍﺡ ﺍﺑﻘﻰ ﻋﺎﻳﺶ ﻭﻳﺎﻫﺎ ﻟﻮ ﻣﺎ ﻫﻲ ﻃﺎﻟﻌﻪ ﻛﺪﺍﻣﻲ ﺟﺎﻥ ﻟﻬﺴﻪ ﺍﺩﻭﺭ ﻋﻠﻰ ﻭﺣﺪﻩ ﻗﺒﻴﺤﻪ ﺟﺎﻥ ﻣﺎ ﺷﻔﺘﻬﺎ ﺟﺎﻥ ﻣﺎ ﺯﻭﺟﺖ ﺩﻣﺮﺕ ﺣﻴﺎﺗﻲ ﻣﺎ ﺍﻛﺪﺭ ﺍﻋﻴﺶ ﻭﻳﺎﻫﺎ ﻭﻻ ﺍﻛﺪﺭ ﺍﻛﻠﻬﺎ ﺟﻨﺘﻲ ﻟﻌﺒﻪ ﺑﻴﺪﻱ ﺍﺧﺬﺗﺞ ﻻﻥ ﺟﻨﺖ ﻣﺘﻮﻗﻊ ﺍﻧﻮ ﺍﻧﻲ ﻋﻘﻴﻢ ﺍﺧﺬﺗﺞ ﻻﻥ ﻣﺎﻛﻮ ﻭﺣﺪﻩ ﺗﻌﻴﺶ ﻭﻳﻪ ﻭﺍﺣﺪ ﻋﻘﻴﻢ ﻏﻴﺮﺝ ﺷﻠﻮﻥ ﻓﻜﺮﺕ ﺑﻬﺬﺍ ﺍﻟﺘﻔﻜﻴﺮ ﺍﻧﻲ ﺻﺎﺭﺕ ﺑﻴﻪ ﺣﺎﻟﻪ ﻧﻔﺴﻴﻪ ﺍﻣﺸﻲ ﻭﺍﻛﻮﻝ ﻫﻲ ﺍﻟﺴﺒﺐ ﺍﻟﺴﻴﺎﺭﻩ ﺍﺣﺴﻬﺎ ﺗﻄﻴﺮ ﻣﻦ ﻛﺜﺮ ﺍﻟﺴﺮﻋﻪ ﻣﺎ ﺍﺻﺪﻙ ﻳﻤﺘﻰ ﺍﻭﺻﻞ ﻟﻠﺒﻴﺖ ﻋﺒﺮﺕ ﻛﻢ ﺳﻴﺎﺭﻩ ﻭﺍﻟﻠﻪ ﺳﺘﺮ ﺍﻛﺜﺮ ﻣﻦ ﻣﺮﻩ ﺭﺩﺕ ﺍﺳﻮﻱ ﺣﺎﺩﺙ ﻭﺻﻠﺖ ﻟﻠﺒﻴﺖ ﻭﻓﺘﺤﺖ ﺍﻟﺒﺎﺏ ﻭﺩﻓﺮﺕ ﺑﺎﺏ ﺍﻟﺼﺎﻟﻪ ﺟﺎﻥ ﺷﻮﻳﻪ ﻣﻔﺘﻮﺡ ﺟﺎﻧﺖ ﻭﺳﻦ ﺗﻤﺴﺢ ﺑﺎﻟﺒﻴﺖ ﻭﺍﻟﺠﻮ ﺷﻮﻳﻪ ﺟﺎﻥ ﺑﺎﺭﺩ ﺗﻘﺮﺑﺖ ﻣﻨﻬﺎ ﻭﻫﻲ ﺧﺎﻓﺖ ﻭﺭﺟﻌﺖ ﻋﻠﻰ ﺍﻟﺤﺎﻳﻂ ﻭﺍﻧﻲ ﺍﺗﻘﺮﺏ ﻣﻨﻬﺎ ﻭﻋﻴﻮﻧﻲ ﺍﺣﺲ ﻳﻄﻠﻊ
ﻣﻨﻬﺎ ﻧﺎﺭ ﻭﺍﺭﺩﺩ ﺍﻧﺘﻲ ﺍﻟﺴﺒﺐ ﺍﻧﺘﻲ ﺍﻟﺴﺒﺐ ﺍﺍ ﺍﺣﻤﺪ ﺷﺒﻴﻚ ﺷﻨﻮ ﺻﺎﺭ ﺷﺒﻴﻚ ﺗﺨﻮﻑ ﻟﻴﺶ ﻣﻌﺼﺐ ﻭﺍﻟﻠﻪ ﻣﺴﻮﻳﺖ ﺷﻲ ﺍﻧﺘﻲ ﺍﻟﺴﺒﺐ ﺿﺮﺑﺘﻬﺎ ﺭﺍﺷﺪﻱ ﺣﺴﻴﺖ ﺑﺲ ﺑﺎﻟﺪﻡ ﻃﻔﺮ ﻣﻦ ﻭﺟﻬﺎ ﺷﻠﺖ ﺳﻄﻞ ﺍﻟﻤﺎﻱ ﺍﻟﻲ ﻳﻤﻲ ﺟﺎﻥ ﺑﻲ ﻣﻲ ﺑﺎﺭﺩ ﻭﻗﺎﺻﺮ ﻭﺯﺍﻫﻲ ﺟﺎﻧﺖ ﺗﻨﻈﻒ ﺭﺩﺕ ﺍﺷﻤﺮﻩ ﻋﻠﻴﻬﺎ ﻻ ﺍﺣﻤﺪ ﺍﻟﻠﻪ ﻳﺨﻠﻴﻚ ﺑﻴﻪ ﺣﺴﺎﺳﻴﻪ ﻭﻫﺬﺍ ﺍﻟﻤﻲ ﺑﻲ ﻗﺎﺻﺮ ﻳﺄﺫﻳﻨﻲ ﻻ ﺗﺬﺑﻪ ﻋﻠﻴﻪ ﻻ ﺍﺣﻤﻤﻤﻤﺪ ﻣﺎ ﻫﻤﻨﻲ ﻛﻼﻣﻬﺎ ﺫﺑﻴﺖ ﺍﻟﻤﻲ ﻋﻠﻴﻬﺎ ﺿﻠﺖ ﺗﺼﺮﺥ ﺟﺮﻳﺘﻬﺎ ﻣﻦ ﺷﻌﺮﻫﺎ ﻭﺧﻠﻴﺘﻬﺎ ﺑﺎﻟﺤﻤﺎﻡ ﺍﻟﺪﺍﺧﻠﻲ ﻣﺎﻟﺖ ﺍﻟﻐﺮﻓﻪ ﻭﻇﻠﻴﺖ ﺍﺭﻓﺲ ﺑﻴﻬﺎ ﻛﻠﻪ ﻣﻨﺞ ﻟﻴﺶ ﻃﻠﻌﺘﻲ ﺑﻮﺟﻬﻲ ﻟﻴﺸﺸﺸﺸﺶ ﺍﺍﺍﺍﻩ ﺍﺣﻤﺪ ﻣﻮﺗﺘﻨﻲ ﺷﺴﻮﻳﺖ ﺍﻧﻲ ﻋﻮﻭﻭﻓﻨﻲ ﻭﺗﺼﺮﺧﻴﻦ ﺑﻌﺪ ﻛﻠﻪ ﻣﻨﺞ ﻛﻠﻪ ﻣﻨﺞ ﻭﺳﻦ ﻭﺍﻧﻲ ﺍﺩﻓﺮ ﺑﻴﻬﺎ ﻓﻘﺪﺕ ﺷﻔﺘﻬﺎ ﻣﺎ ﺗﺘﺤﺮﻙ ﻭﺍﻟﺪﻡ ﻳﻨﺰﻑ ﻣﻦ ﺧﺸﻤﻬﺎ ﻭﺣﻠﻜﻬﺎ ﻭﺷﻔﺖ ﻭﺟﻬﻬﺎ ﻛﻠﻪ ﻃﻜﻚ ﺻﺎﺭ ﻓﻮﻙ ﺍﻟﺴﻤﺎﺭ ﺑﻘﻊ ﺣﻤﺮ ﻭﻛﺒﺎﺭ ﻣﺎ ﻫﻤﻨﻲ ﻣﻨﻈﺮﻫﺎ ﻋﻔﺘﻬﺎ ﺑﺎﻟﺤﻤﺎﻡ ﻭﻃﻠﻌﺖ ﺍﻥ ﺷﺎﺀ ﺍﻟﻠﻪ ﺗﻤﻮﺗﻴﻦ ﻭﺍﺧﻠﺺ ﻣﻨﺞ ﻃﻠﻌﺖ ﻣﻦ ﺍﻟﺒﻴﺖ ﻭﻗﻔﻠﺖ ﺍﻟﺒﻴﺒﺎﻥ ﺻﻌﺪﺕ ﺑﺎﻟﺴﻴﺎﺭﻩ ﻭﻣﺸﻴﺖ ﺭﺣﺖ ﻋﻠﻰ ﺍﻫﻠﻲ ﻧﺰﻟﺖ ﺭﺩﺕ ﺍﺩﺧﻞ ﻭﺗﺮﺍﺟﻌﺖ ﺭﺣﺖ ﻟﻠﺼﻴﺪﻟﻴﻪ ﻭﻫﻢ ﺗﺮﺍﺟﻌﺖ ﻣﺸﻴﺖ ﺑﺎﻟﻄﺮﻳﻖ ﻭﻛﻔﺖ ﻳﻢ ﺳﻮﺑﺮ ﻣﺎﺭﻛﺖ ﺍﺷﺘﺮﻳﺖ ﻣﻲ ﺷﺮﺑﺖ ﺣﺴﻴﺖ ﻫﺪﺋﺖ ﺍﻋﺼﺎﺑﻲ ﺗﺬﻛﺮﺕ ﻣﻮﻗﻔﻬﺎ ﺑﺲ ﻻ ﺗﻤﻮﺕ ﺍﻟﺒﻨﻴﻪ ﺩﺧﻴﻠﻚ ﻳﺎ ﺍﻟﻠﻪ ﻃﻠﻌﺖ ﻋﻠﻰ ﺍﻟﺴﺮﻳﻊ ﺭﺟﻌﺖ ﻟﻠﺒﻴﺖ ﻓﺘﺤﺖ ﺍﻟﺒﻴﺒﺎﻥ ﻭﺻﺤﺖ ﻭﻭﻭﻭﺳﻦ . ... .
ﻳﺘﺒﻊ 4
.
رد مع اقتباس
المشاركة الأصلية كتبت بواسطة ☆Golden Boy☆
بطل معوق
