عزيزي المشاهد، تخيل انك بيوم من الٲيام تمشي بالشارع ويه اصدقائك، وفجاة يختفون كلهم واغلب الي موجودين بالمدينة مالتك بدون سبب كٲن الٲرض انشكت وبلعتهم.
مسلسل The Leftovers احداثه بعد ۳ سنوات من حدث غامض، يختفي 2% حوالي 150 مليون شخص من سكان الٲرض بشكل غريب بدون ما يتركون ٲثر، تاركين وراهم بقية العالم بخراب، مسلسل متكون من 3 اجزاء كل جزء 10 حلقات، يركز علی شخصيتين يكافحون حتی يحافظون علی حياتهم الشخصية، رغم انو يواجهون مٲساة عالمية بخسائرهم.
اكثر شي يميز هذا المسلسل هو الاختفاء المفاجئ، الحدث الي مس العالم كله يسوي جو فريد من نوعه، يخلق الاحساس بالضياع لكل البشرية، مسلسل يتعلق ويرتبط بيك، مزيج مثالي بين الدراما و الفانتازيا بقالب واقعي، ومن الاعمال الي احبها لان تقدملنا الحب و الاكتئاب والقلق والحياة والموت والوجود ببراعة وٲمتياز.
التقييم 8
رد مع اقتباس
المشاركة الأصلية كتبت بواسطة MiSsO
