مفجوعين الليله ابفگدك
يالهادي وداعك ماذينه
بس للونات امخلينه
نادت فاطم يا والينه
عگبك نوحي بگلبي الحادي
مفجوعين الليله ابفگدك
بموتك ناس انگلبت ضدك
متوسد عافوك الوحدك
ضد اهلك سلكوا چم وادي
يابو الزهره ريتك ترجع
واتشوف اشچم عين التدمع
ياهو المنهم ضل يتوجع
واتشوف اعلى العتره اشسادي
بس حيدر ضل يمك ينحب
قالع خيبر شاطر مرحب
البمر الباري اعلينه اتنصّب
عزلوه ونصبوا چف عادي
حيدر جهلوا حگ تنصيبه
اهل الشرّ وأهل الريبه
منين الهادي اعليها انجيبه
من اهل الشر ايشوف اشبادي
جابوا شر الهاي الأمه
والما يقبل سفكوا دمه
ساس الكل الباطل همه
يهجر عنّك گام اتنادي
فراس موحان الساعدي
رد مع اقتباس
