يخرخاشة طفولة گلبي
شيسكّتني من دونك ؟!..
أروح لوين ؟!
وآنه أشرب صفنّتي
من أغصّ بظّنونك ..
شيصبّرني من أشوف الليل
بايگ كحلةً عيونك ..
من أشوف النهر
ينزل منّفرگ نصّين
إذا يصعد على متونك !..
أهج لوين ؟!..
وانتَ الگاع لبست ردن من ثوبك ..
وانتَ الكون هذا يضيع بدروبك ..
أخذني وياك
أنه مطشّر حنين وشوگ
مو صعبة عليك تضمني بجيوبك ..
وانتَ شبيك يمعود
إذا حنّيت بالبسكوت ما تنحسب
غيبة وتكثر ذنوبك ..
يمته تشيلّني گلادة
وتشوف الناس مصلوبك ؟!..
يمته اخلص بخور
بساعة غروبك ؟!..
يمته ألّگة حضن ما بي
ريحة شعرك وثوبك ؟!.
من مرت جنازة عمري يم الباب
ما غص گلبك وحاچاك
گلك ذاك محبوبك ..
#ادهم_عادل
رد مع اقتباس
المشاركة الأصلية كتبت بواسطة Scrap
