هنا

[basher4]

العراقيين حيروا علماء الارض محد يعرف شيردون ..

بعد انقلاب تموز عام 1958 بكم يوم ..

صعدت امرأه كبيرة بالسيارة من الاعظميه لباب المعظم..
سألها السكن مال السياره حجيه وين تنزلين ؟ گالتله..
خاله يم المستشفی الملكي...
صاحت علیها العبریه..خاله یاملكي..؟
صار اسمه المستشفى الجمهوری
واحد من الشباب جماعة الزعيم..گاللها انتم العملاء اذناب الاقطاع والرجعيه حتى الاسم ثگیل علیکم..لعد اشگد حاقدین
خطيه ظلت الحجيه مرعوبه وخايفه..نزلت وتتلفت من الخوف..خلصت شغلها ورجعت ركبت بغير پاص ..
نشدها السكن حجيه وين توصلين ؟
قرت المعوذات كلهن وگالتله..بعد خالتك نزلنی يم المقبره الجمهوریه
صاحت العبریه خاله المقبره الملکیه مو الجمهوریه..
شاب من جماعة الانقلاب. معلگ حمامة السلام علی قمیصه گام یصیح علیها..هاي مقبرتکم یارجعیین یاعملاء الاقطاع.. جمهوريتنا خالده وتقضي عليكم ..گالت للسايق نزلني خاله..فتحت الباب وصاحت الله ليوفقكم
گلنه ملكیه مارضيتوا..گلنه جمهوريه ومارضيتوا چابيمن ترضون ..
وهذه هتافات العراقيين آخر ١٠٠ سنة محد يعرف شيّردون

١- قبل ثورة العشرين
(نار الأنگليز ... ولا جنة العثمانيين الملاعين)
٢- بعد ثورة العشرين
(الطوب احسن ... لو مگواري)
(يا عراقي يا حيران ... باگوك ولد الطليان)
٣- قبل انعقاد معاهدة بورتسموث
(نوري سعيد شدة ورد ... وصالح جبر ريحانه)
٤- بعد انعقاد معهادة بورتسموث
(نوري سعيد القندرة ... وصالح جبر قيطانه)
٥- قبل ثورة ١٤ تموز
(مصر وحدة عربية ... تسقط تسقط الصهيونة)
٦- بعد ثورة ١٤ تموز
(يا ناصر شيل أيدك ... شعب العراق ميريدك)
٧- أثناء حكم عبد الكريم قاسم
(اعدم اعدم ... جيشك وشعبك يحميك)
٨- بعد الحكم
(الما عنده چلب ... خل يربط المهداوي)
٩- قبل ثورة ١٩٦٣م
(سنمضي سنمضي الى ما نريد ... وطن حر وشعب سعيد) شعار الحزب الشيوعي
١٠- بعد ثورة ١٩٦٣م
(اشرب ماي والعن فهد ... ماكو شيوعي بالبلد)
(شعب شعب كله بعثية ... موتوا موتوا يالشيوعية)
١١- قبل اسقاط حكومة عبد الكريم قاسم
(عرب كرد فد حزام ... عاش الزعيم المقدام)
١٣- بعد اسقاط حكومة عبد الكريم قاسم
(يا بغداد ثوري ثوري ... خلي قاسم يلحگ نوري)
١٤- اثناء حكم عبد السلام عارف
(عبد السلام محبوبنه ... مكتوب جوه گلوبنه)
(احنه جنودك يا سلام ... سير سير للأمام)
١٥- بعد وفاة عبد السلام عارف
(طار بالبصرة لحم ... وگع بالگرنة فحم)
١٦- قبل معاهدة كامب ديفيد
(دولة وحده عربية ... على عناد الصهيونية)
١٧- بعد معاهدة كامب ديفيد
(حافظ الأسد يا جبان ... شيل أيدك من لبنان)
(يا سادات يا بومة ... قشمروك بحلقومة)
(يا سادات يا جبان ... يا عميل الأمريكان)
١٨- اثناء انتفاضة عام ١٩٩١م
(لا اله الا الله ... صدام عدو الله)
١٩- بعد فشل الانتفاضة عام ١٩٩١م
(ما نريد الخبز والماي ... بس نريد ابو عداي)
٢٠- قبل الغزو على العراق
(فوت بيها وعـ الزلم خليها)
٢١- بعد احتلال العراق "قبل الانتخابات
(ماكو ولي الا علي ... ونريد قائد جعفري)
٢٢- بعد الأنتخابات
(بأسم الدين ... باگونه الحرامية)
شعب ما تدري شيريد .......

[ابن الوطن]

متابع ولي عودة

[basher4]

متابع ولي عودة

مرحبا بك

[مـصطفى]

اكو هواي ناس بالعراق عدهم ازدواجية غريبة بحيث يحبون
(الملك فيصل، والزعيم، ونوري سعيد، وعبد السلام عارف، وعبد الرحمن عارف، واحمد حسن البكر، وصدام، والمالكي ) حتى (غازي الياور) وياهم.
ما ادري شنو يردون (اقصد جيل الخمسينات فصاعدا)
اما جيل الالفينات فيحبون صدام.
اما جيلنه جيل التسعينات فماندري شنو السالفه ماخذين دور المتفرج اقوة واحد بينه يحب العبادي

صدگ ما يعرف شيريد

[مصطفى العراب]

احنة عدنا ذاكرة ذبانة ، كلما تبعدها عنك تشرد جزء من الثانية وترجعلك

المهم
كل حكومة تجي تسويلنا العالم وردي بسبب الوعود

ورا فترة يتبين ان هالوعود چذب فاغلب الناس يغيرون رأيهم

بهالموضوع بالذات العراقي مو ازدواجي وانما بسرعة ينسى وكل مرة ينخدع بوعود الحكومات

[basher4]

اكو هواي ناس بالعراق عدهم ازدواجية غريبة بحيث يحبون
(الملك فيصل، والزعيم، ونوري سعيد، وعبد السلام عارف، وعبد الرحمن عارف، واحمد حسن البكر، وصدام، والمالكي ) حتى (غازي الياور) وياهم.
ما ادري شنو يردون (اقصد جيل الخمسينات فصاعدا)
اما جيل الالفينات فيحبون صدام.
اما جيلنه جيل التسعينات فماندري شنو السالفه ماخذين دور المتفرج اقوة واحد بينه يحب العبادي

صدگ ما يعرف شيريد

شعب عجيب.... أنرت

[basher4]

احنة عدنا ذاكرة ذبانة ، كلما تبعدها عنك تشرد جزء من الثانية وترجعلك

المهم
كل حكومة تجي تسويلنا العالم وردي بسبب الوعود

ورا فترة يتبين ان هالوعود چذب فاغلب الناس يغيرون رأيهم

بهالموضوع بالذات العراقي مو ازدواجي وانما بسرعة ينسى وكل مرة ينخدع بوعود الحكومات

صدقت...

[الياسمين]

الشعوب العربيه لا تملك غير الهتافات لتحتج على وعود لا يوفى بها ..
على خطابات وبيانات وتصريات لا ترى
على حكام اكتشفوا كل شيء إلا ان في بلادهم شعوب
لذلك تفننت وتنافست في ابتكار الشعارات الخالده التي سجلها التاريخ واصبحت علامة عربيه
الشعوب تعرف ما تريد ولكن ما بيدها حيلة غير ان تتمسك بأمل ضعيف حتى اذا انقطع الحبل حولت الى غيره والغريق يتعلق بقشايه
تحياتي ايها العزيز

[المستشار القانوني]

شعب متقلب المزاج..

[basher4]

الشعوب العربيه لا تملك غير الهتافات لتحتج على وعود لا يوفى بها ..
على خطابات وبيانات وتصريات لا ترى
على حكام اكتشفوا كل شيء إلا ان في بلادهم شعوب
لذلك تفننت وتنافست في ابتكار الشعارات الخالده التي سجلها التاريخ واصبحت علامة عربيه
الشعوب تعرف ما تريد ولكن ما بيدها حيلة غير ان تتمسك بأمل ضعيف حتى اذا انقطع الحبل حولت الى غيره والغريق يتعلق بقشايه
تحياتي ايها العزيز

صدقتِ الشعوب العربيه لا تملك غير الهتافات
أنرتِ عزيزتي