الكرم والطيب رابي وي أصلنه
والفاكَد عزيز شكد وصـــلنه
شعجب إلي نحبه ما وصلنه
وحتى بمسج ما يسأل عليه
يمر يقره التعازي وما يـرد لاك
اخــاف نكشفه حاضر ما يردلك
يغيب شــــــهور عنك ما يردلك
ونتكَابل سوه ويعتب عليه
كسرْ هجركْ لروحي صَلْ عليها
وهجم بين الحيايه صــل عـليها
وذا ماتت يخــلي صــل عليها
بلكي بموتها تنسه الاذيه
كَلبي دون كل الناس سَر بيك
فرزن بالوجوه وشاف سرْ بيك
كَلبي أبيوم حب كَلبك سرى بيك
يعيش وياك حد يوم المنية
يخلي الشوكَـ دكَني كافي مرعاد
وسهم أجفاك لب الكَلب مــرعـد
جنت أنت الشهد وصفيت مرعاد
حنظل بس أحسك عسل اليه
يروحي لليودج صــيري ملها
وتموت الـروح دونج يا أملها
امْلْ الناس كلها ولا أملها
وشم بنفاسها صبح ومسيه
فصاحة ودين وليبهر علمها
سبحان الخلق ولفي على أمها
وعْلم ما عندي ليحاجج علمها
تغار الناس من نمشي سوية
انا مضيع عكَل ومتيه الراي
ولأ يوم نتوالم راي بالراي
اشو كَلبي أليحبه طلع براي
ولعاذل صفه غصبن عليه
شريفه والعـــواهر عيرنها
بجف ميزان باطل عيرنها
وأنا بودي العفيفة أعيرنها
ونال الشرف بيها والحمية
على العدوان كَلي وياك من شد
وهسه انته تكَلي عليك منشد
علم عباس كلي وياك من شد
كل هذا عجب وتخون بيه
صحيح بعشرته وغـيره وين صح
ينصف والحجي حكمة وين صح
قليلة مثله بالدنية وين صح
مايوصل تره خمسه بالمية
شريفة والعــــواهر فــرعنها
وزوجها من الشماتة فرعنها
ولا دمـــــه بْحميه فار عنها
دم أنجاس هذا ابن ألرديه
مـــدير وما ني عندج طالب آني
احترامي جان لسمك طالباني
بسبب ذيج الزيارة طـالباني
الوزير يريد تحقيق وقضيه
بكثر ما تحب ناسك أنت ناسي
ولا حنيت مـــــرة وكلت ناسي
يل جافي حبيبك وأنت ناسي
من يوم لعرفتك خنت بيه
ولك اعــــــــــــرف قدر نفسك هبه اني
النصيب انطاني شخصك هـــم هــباني
فـــــــــــــــــرق بينك وبيني والهب اني
يالبارد ونارك توج بيه
هاك الكَلب أخذ وياك يربَه
شوفه وبالضواري السود يربه
وذكرك لا تحطه أكبال يربه
تعديه ويرد منبوذ اليه
ارجو ان تنال رضاكم
بقلمي
قاسم البهادلي
رد مع اقتباس
المشاركة الأصلية كتبت بواسطة Haidar Iraq
