وجع وحشة وظما ايفتت
أناشغ والدموع اتكت ..
شاورني الجرح "عوفه" وگَلتله اسكت.!
وجع وحشة وظما ايفتت
أناشغ والدموع اتكت ..
شاورني الجرح "عوفه" وگَلتله اسكت.!
بس أگلك كله منكمن اتيه بشارع ومادري المن؟
هاي منك
من يصيحوني البگربي
وما ارد لصواتهم؟ "هالصفنة منك"
من يصير العرف بعيوني غريب؟
التيّه منك
من اشوف انه النهر بذات
وجروفه وحيدة؟ "الغربة منك"
من تصير النار ثلث اوكات بين ضلوعي ، منك
وانه من بين الضباب الطايح أعله اكتاري كلها ..
أنه منك
الحسافة ؟ انه منك..
لايگ الاسود عليك ولايگ الكلشي عليك
و شارع شگده وشكبره
ما تدوس اله اعله گلبي
شلون بيك ..؟
وحاسبك حسبت اخو يخاف اعله أخيهوغير هذا وداعتك ماحسبيتك !
گلت بس ما گلت لاحد خايف انچفي دمعه بگلب مرمر ..
خايف اندفن شامه أعله خد اسمر !
خايف ما تميز زغري من اكبر .
مرات اعذرك بس تره بگلبي هوايوما ينحجن ويه العزيز اليغلط ..
يناهبني اعله حجت غار ..أخذ حزنك ،
كونك مو نبي ومبعوث
المن بايت بروحي ؟!
شح عني ملگة وصوت ظل يحجي بالكيفذاك الچنت لو نام يلحگني بالطيف ..!
يآ أعز طين أعله عيني شغَيّرآك؟
يمه ابنچ عديم الحظ .. لا صاحب وجه مكروه
ولا گلبي غليظ وفظ
زين شمالني ويه الحظ !