هنا

[فقار الكرخي]

امهنه ابعرسك يالضامي
حنيتك بالدم جسامي

عرسك بالحومه اينصبونه
ياشاب وربعه ايزفونه
ابني اشگد حلوات اعيونه
شمعة وضوت كل ايامي

يالرايح للحومه وعازم
ادعي الأمك ترجع سالم
انصبلك صينية القاسم
بالمعصب شديت احزامي

أمك علگتلك شمعاتك
گر عيني يبني ابصولاتك
شوباش ايصيحن عماتك
والفرحه اتعم كل اخيامي

روح العمك يبني اتعنه
طب للحومه استأذن منه
خل گلبي ايسر ويتهنه
عن عمك كون انته اتحامي

جسام أمك نصبت حوفه
والعرسك صارت ملهوفه
ذل الجيش وكل اصفوفه
ياعريس المثلك دامي

كلشي ايهون الخاطر عمك
يستاهل تفديه ابدمك
خل ياجاسم بيده ايلمك
وخل تكثر بگليبي اسهامي




علي ابوسما الديواني

[أستثنـآئيـّةة❤️]

يسلموو فقار

[تشارليز ليلان]

شكرأ لك