هنا

[فقار الكرخي]

انته عليل وشفت كل المصايب
عندك كلب ما ظال والكلب ذايب
شفت ابو اليمه حسين فوك الترايب
فوك الارض مطروح سيد البريه

كل المصايب ذيح صارت امامك
لا ابو يمك ضال لا كو عمامك
فوك الجره والصار حركو خيامك
وانته عليل وشلت هم وأذيه

شلت الالم بالروح شلت المآسي
صبرك ضعف مرتين صبر الرواسي
اه شكثر يا ناس هالزمن قاسي
خله عيال حسين تمشي سبيه

لمن سرو بالنوك للكوفه ترحل
والله عجيبه شلون كلبك تحمل
ويه الشمر تمشون بعد التكفل
بعد الكمر عباس راعي الحميه

رغم المرض والضيم رغم السلاسل
لكن رفعت الروس يبن البواسل
جبت النصر بالشام رغم الجحافل
نزلّت راس ايزيد تحت الوطيه

بعد المصايب ذيج بعد النوايب
عدت سنين اعليك بعد الاطايب
كلما تضوك الماي تذكر حبايب
تذكر كمر عالماي طايح رميه

ظل الظلم والجور بعداكم يدور
بعد المصاب الصار لهلك بعاشور
لنك بعد كل ذاك مسموم مغدور
بالسم غدر غدروك ارجاس اميه












جعفر عطيه البزوني

[انثى مخمليةة]

شكرا فقار