خصرج اترف امن الماي ..
مثل كل ليله ادعيلج
نده وعالتربه ابجيلج .. وصليلج ..
جبت روحي نذر للشوف
محتام اعله شوفج حته اغنيلج
وطن تارس عيونج ليل
ومن شاماتج اندل ياكتر ليلج
يالجنج طفل .. عودني من اتنام
متنام الا الوليلج ..
شوصفج وانتي ومضة شوك
وخصرج اترف امن الماي ..
محتار اعلئ وصفه منين وابديلج
بكد ما بيضه شفافه ..
امن سولف للنهر عنج
يتبده اعلئ طوله حتئ يحجيلج ..
شما تعله الشمس وتبان ..
النده اعلئ الشفه يبقئ وفوك الخدود
النوارس عالجرف وشكد تغنيلج ..
اسومر عالدرب من اسمع بطاريج
اتاني بلهفه حتئ اتغنه واشكيلج
ومن روحي وطن للملكه من اشتاك
بصباح الله اعله حس فيروز ..
قصايد شوك اوديلج ..
السلف مايسوه دونج راي
قليله الروح شهديلج ..
من عيني نظر مبيوك ..
علئ جيدج والزلف والعين
عالشامه ونحر والتين
من كل الخضار البيه ابنيلج
وطن من روحي ابنيلج ..
لــ #فيصل_عاشور
رد مع اقتباس
