راس المال عدكم وين راح المال
يخو عمدة الرويتب طوّل الغيبة
والناس إعله مودة عايشة بريبة
___
ويا من نسولف حتى نشكي الحال
كل راس الشهر ينعاد هالموال
راس المال عدكم وين راح المال
المنفذ مو گلت وگفنه تهريبه
___
زين اترك المنفذ والحچي التعبان
سولفلي مدامك حارس البستان
الملايين التروح الجيب كردستان
الجنوب شبيه منها ما وصل جيبه
___
ابو المالية وينه ماتودي اعليه
واذا مابيه نفع چا المن مخليه
واذا شعليك انت وهو هم شعليه
اذن هالشعب يستاهل تگص شيبه
___
گاضيها علينه قوط من كل لون
وچنك بالصور سلفستر ستالون
ومشاريعك چذب ترست التلفزيون
الحمد لله اعله توفيجه ودواليبه
___
الراتب خل يولي الف لو مية
واليطلع عليك يكول سلمية
زين إحچيلنه وي ابو الكمية
الوطن لو جاعو اهله ماله كل هيبة
___
چنه مو عراق تكول ملك الري
بينه الشمس تاكل واحنه اهل الفي
مو انت الگلت انا الشهيد الحي
لو كرسي الحكم هذا وملاعيبة ؟
رد مع اقتباس
المشاركة الأصلية كتبت بواسطة فقار الكرخي
