هنا

[نـايـا]

اهلا نايا ..
ممكن توضيح لماذا كان خاتل وما سبب ..
وكيف أصبح موظف وهوه كان مشرد على حسب قولك ..؟
والزواج المتعدد ما أعتقد له دخل في الموضوع ..!

رجل كان فرار (مطارد من قبل الحزبية ) اكيد العمل صعب بهذاك الزمان وخصوصا اذا مطلوب للدولة ..كان بيتة من خشب وطين واطفالة الجوع كاتلهم ...بعد السقوط توظف حارس بالمدرسة وصار عندة بيت يعني حالتة المادية جيدة ..اما عن التعدد فما عدد قبل شمعنى هسه ..اكيد لان حالتة صارت زينه ..ومن يكعد يحجي ع النظام السابق يترحم عليه ليكول كان غركان بالخير ..وهواي مواقف متنذكر هنا حصلت مع هذا الرجل بسبب المطاردة

[سـمــيــر ..]

رجل كان فرار (مطارد من قبل الحزبية ) اكيد العمل صعب بهذاك الزمان وخصوصا اذا مطلوب للدولة ..كان بيتة من خشب وطين واطفالة الجوع كاتلهم ...بعد السقوط توظف حارس بالمدرسة وصار عندة بيت يعني حالتة المادية جيدة ..اما عن التعدد فما عدد قبل شمعنى هسه ..اكيد لان حالتة صارت زينه ..ومن يكعد يحجي ع النظام السابق يترحم عليه ليكول كان غركان بالخير ..وهواي مواقف متنذكر هنا حصلت مع هذا الرجل بسبب المطاردة

معلومة لك ..
نسبة 90% أو أكثر من يخدم في الجيش لم يكونوا متزوجين لأن أعمارهم صغيره وكان الزواج صعب وكيف مع شخص عسكري والعسكري يتزوج بعد تسريحه من الجيش في العراق ..@
وكان يلزمك ذكر الشخص بأنه مطلوب للدولة قبل أنتقاصك منه ..

[نـايـا]

معلومة لك ..
نسبة 90% أو أكثر من يخدم في الجيش لم يكونوا متزوجين لأن أعمارهم صغيره وكان الزواج صعب وكيف مع شخص عسكري والعسكري يتزوج بعد تسريحه من الجيش في العراق ..@
وكان يلزمك ذكر الشخص بأنه مطلوب للدولة قبل أنتقاصك منه ..

لمدة سنين هوه هارب من الجيش ..راح تكول ما معقولة مالزموا ..الجواب لان اغلب الحزبية ابناء عمه واقاربة ..عندة علم قبل ما يجون تفتيش حتى
اني ما انتقصت منه لان فقير وعلى كد حالة ..بس رجل منافق لمن هيج يحب النظام السابق ماخدم وكمل العسكرية
عموما حجيت قصة جارنا وانت حر سواء صدكَتها او لا

[سـمــيــر ..]

لمدة سنين هوه هارب من الجيش ..راح تكول ما معقولة مالزموا ..الجواب لان اغلب الحزبية ابناء عمه واقاربة ..عندة علم قبل ما يجون تفتيش حتى
اني ما انتقصت منه لان فقير وعلى كد حالة ..بس رجل منافق لمن هيج يحب النظام السابق ماخدم وكمل العسكرية
عموما حجيت قصة جارنا وانت حر سواء صدكَتها او لا

بالعكس
شكرآ لك نايا على التوضيح ..
لك التحيه ..

[أبن ألأشتر]

على اساس هسة كمرة وربيع من ستلموهة الجماعة!!
ابسط مثال الجندي او الشرطي هسة راتبة مليون ونص وتدنة نفسة على ركية لو صندوك عنب لو سمجة يسلبهة من السيارات الي تطلع الفجر للعلوة والي ما ينطي خاوة هاي الله كتبهة علية وتخيلو يعني كل كيلو متر اكو سيطرة يعني الي ع طريقة 5او 6 سيطرات يوزع حمولتة للجماعة ويرجع هاي ماعدا الكمارك الي بين المحافظات وسيطرات الخال والحجي والسيد ....الخ
التريلات وسيارات الحمل كل يوم توكف طوابير تمتد لعشرات الكيلومترات بسيطرات مداخل بغداد والمحافظات محملة بالخضرة ومواد سريعة التلف والي مايدفع المقسوم يظل بالسيطرة الة تتلف بضاعتة هاي ماعدا حرق المحاصيل والبساتين وتسميم الثروة السمكية والحيوانية لغايات معروفة خوب الكهرباء والماء حدث ولا حرج..ماكو اي قيمة لحياة البشر
...وهاي حادثة حقيقية صارت في بغداد قبل 3سنوات (الحادثة حقيقية وضحاياهة من اقربائي يعني مو مجرد خرط حجي وتسفط وتحشيش) ولد هوة واخوة عدهم سيارة ستاركس كل يوم ياخذون الطالبات من حي الجامعة لباب المعظم وبعد الظهر يرجعوهن وهمة طلاب كلية وبيوم الصبح وكالمعتاد وكفتهم سيطرة واحد من الجنود يحجي وية السايق والثاني يتحارش بالطالبات مجرد كلولهم يابة عيب مو هاي اعراض العالم وانتو هم عدكم خوات الجندي نزل السايق وشحطة نزل اخوة ولزمو الجندي الي تحارش بالبنات سكطوة من الكتل بحيث الة فزعو جماعتة كلهم ورمو طلقات يالله فكوة من اديهم المهم اخذوهم وجابو سلاح ومتفجرات وصورهم همة والسلاح بالسيارة واكلوهة 4 ارهاب وهسة الولد هوة واخوة محكوم اعدام وبسجن الناصرية ينتظر التنفيذ وغيرهة وغيرهة سوالف تشيب الرأس...سلب ونهب وظلم قتل ع الهوية اعتقالات بتهم كيدية وتدفع دفاتر لو تضيع محد يندلك وين ...الاف المختطفين والمغيبين عوائل كاملة بقت بس النسوان والاطفال ويجيك واحد بطران يقارن هسة بقبل السقوط...طيب اذا انتو هيج متونسين هسة ليش قلبتو ع الامريكان الي سقطو الحكم وجابولكم الحرية والديمقراطية وخلو الشعب 50%منة موظفين بس بالاسم واغلبهم ياخذ راتبين وثلاثة
وبالنتيجة هسة العراق ميزانيتة التشغيلية 80 مليار $ ووارداتة جوة ال 50 مليار$ و5 محافظات مدمرة وسكانهة مشردين بالمخيمات ...لا صناعة ولازراعة بلد يستورد كلشي من الابرة للصاروخ اخر شي لحكو الفقير ع الحصة التموينية كطعوهة ..
يعني ما اعرف الجماعة يحجونة وكأنو احنة مغتربين مو عايشين بالعراق ونشوف ونسمع كل الي يصير يومية...مصورينة( الشط مرك والزور خواشيك) هاي السوالف احجوهة لجيل ال 2000 ممكن تعبر عليهم ..
ثاني شي من واحد يتجنب الرد والنقاش مو بالضرورة يكون مقتنع بوجهة نظر البقية ولا خايف بالعكس ممكن يكون مايريد يصتدم بالمحاور ويخسرة ترة الثقافة مو بالسب والشتم وقذف الاعراض والتسقيط وثرد حجي..
اسف ع الاطالة يالله اعتبروها قصة من قصص الاخ ابن الاشتر
شكرا

............
الاخ قاص حياك الله
الله شاهد مااجاملك كل كلامك صحيح وان زدت من تصوراتك ايضا صحيح .
............
الوضع الان بالنسبة للفقير فقط مافيه اكشن .بمعنى مافيه اعدامات وقفز على البيوت في نصف الليالي ولااشتراكات
قسرية اوتطوعية . بمعنى يشبه الماضي لكن بدون اكشن .والظاهر الجماعة يكرهون الرتابة حتى اذا هم ينغمرون بالحرية في الكلام والتصرف
اليومي الطبيعي بالنسبة للعلاقات الاجتماعية .(يعني مايحبون اليوم الذي يمر عليهم بدون اخذوا ابوعلي واخذو ابوحسين)
...............
المسأله هم القاصدين لتدمير العراق لازالوا يعملوا على ذلك .
كيف ذلك .
كان الذي بيني وبينك هادئ اليوم صار له صوت وفعل .(تحريك الدواعش مقابلها الحشد)
هذة منقبه ناجحة لاعدائنا انا وانت .
............
القضية ياابن عمي .
العراق من ألاف السنين واعداء الحق يخافون منه ويعرفون اذا اتفق المذهبان بدون حراك دموي اوتنابزي فسوف
ينقض على مشاريعهم وينهيها ونهاية مشاريعهم معناها لم يوجد سيد وعبد تاجر وفقير وهذا لايناسبهم .
فأشتغلوا بصدام .
وتلك الزعامة تعرفها حروب وحفر واعدامات وسجون خوف وجوع جهل وتأخر .
لاأمل للفرد بحياة هانئة ابداً.
.............
الشيء الذي لاتستسيغه الذي غير اللعبة اوالفعل هو الذي جعل الذي نصبه علينا خلعه .
والفعل كان الانتفاضة الشعبانية .
كان اعداء العراق يظنون ان الشعب حتى وان قيدنا صدام فلاله حراك وانتهى عن بكرة ابيه .
لكن تفاجئ بالانتفاضة .
وهنا لعب الفار بعبهم .
قالوا اذا لم نسقطه بمعنى جماعة الانتفاضة لايهدئون ولابد في يوم ينتفضوا من جديد ثم ينصبوا
زعيم من ابنائهم (و يضيع كل ماعملناه ) ومن هذا التفكير اتفقوا ان يصولوا . مادام الفاقه والفكَر والضيم يعشعش
تحت وسادتهم .فهجمونا اوتقدمنا . عليهم قبل تكاتفهم لربما يقبلوا الايادي وهم محقّين امام ربهم لان الضيم وصل حد الكفر .
عاد صار الجرى ولكن .؟
انتبه لهاي الولكن ..؟
ولكن يعرفوا ان لازال عندهم قوة (العراقيون ) وقوتهم (بالجماعة مثلما تسميهم)
ومن هذا المبدأ جعلوا أوطأ الناس كرامة على كرسي الحكم وشجعوا كل من يصنع اويأسس حزب ثم حركونا على بعضنا
واهتموا بتنصيب الرجل الغير مناسب بالمكان الغير مناسب ومن خلال هذا التنصيب فتسمع اوترى مثل هذا الجندي الذي اخذته مثال
على طبيعة الجماعة مثل ماتفضلت .بمعنى انت صادق .بالنقل .؟
سؤالين واحد انت مجبور ان تجيب عليه اعتبرني اخيك الصغير
ويريد يعرف عن شخصك هل انت عراقي الاصل ولاتميل للطائفية بصورة خاصة
والثاني غير مجبور انت بكيفك .
...............
السؤال الغير مجبور على الجواب عليه
وهو .
ابروح والدك هو معصوم هذا المهلّس يصلح رئيس للعراق
ايضا ابروح الاعزاز .
هل ان حيدر الاعبادي هذا الارنب يصلح ان يكون رئيس الوزراء
ـــــــــــــــــــــــــ ــــــــ
السؤال هذا انت مجبور على الجواب عنه .
انت تسمي الحكم الحالي وتنسبه بمجاز الجماعة بمعنى (ش)
اسالك ابروح موتاك عكس الجماعة صار لهم الاف السنين يحكمون على مستوى الامة العربية
ملوك وامراء ورئساء جمهوريات .
والكل خلال هذة السنين العالم العربي كله يصيح فلسطين مغصوبه والغاصب اسرائيل
واليوم كما ترى التطبيع بدأببلد عربي لايحكمه الجماعة .
لماذا يقولون اونقول كلنا وعلى اساس نحتقر من قام بهذا الفعل .
(نقول الامارات بدأت تطبع مع اسرائيل )
في حين جندي تحرش بالبنات اوسيطرة اخذت رشوى
نقول .(ش)(الجماعة على اساس مسوينها كمرة وربيع)
بمعنى تطبيع العرب مع اليهود .الامارات
فعل جندي ال(ش)
عود ليش
تحياتي

[Ḑ̴̛̙̞̠͉̺̆̃̓̔̈́͗͒Ė̶͆̌]

ألاخ العزيز ابن الاشتر..
حتى لو قلت لي ان السماء لونها برتقالي رغم قناعتي ان لونها ازرق وختلفت معك بالرأي تظل اخ عزيز وصديق وعلى راسي
اما ان يجي واحد يستبد برأية ويحاول يفرضة ع البقية هذا شيء ما مقبول ..
بالسابق كان التجنيد الزامي والكل سواسية وملزمين بأداء الخدمة العسكرية ظلت عاد الي يريد يهرب من الخدمة ويلاحقوة البعثية هاي بكيفة بعد
اما هسة الجندي او الشرطي هوة متطوغ بأرادتة لاداء الخدمة العسكرية مقابل راتب شهري يعادل راتب لواء بالجيش بزمنة يعني هذة واجبة بغض النظر عن قدسية المهنة ومو مانية اذا دافع عن بلدة بس مو يسلب بالشارع..
اما بخصوص الأخ سمير (وهذه نقطه تحسب على الإدارة لعدم المتابعه أو تلافي مثل هذه الكلمات بحق الأعضاء) الادارة سمحت لك ولشكم عضو بمواضيع سابقة بالتجاوز مو بس ع الاعضاء على مكونات كاملة بالسب والشتم والقذف بالاعراض واتذكر قبل يومين او ثلاثة بموضوع الاخ سيف حسين صار سب وشتم وكلام مايلبس علية عكال لدرجة اغلق الموضوع وبقت الردود شاخصة للاعضاء والزوار حتة يشوفون المستوى الي وصلناة وهاي مال ناس مترفة وولد الخايبات خلي تولي الكل عانا ما عاناة بزمن قبل ..حصار وجوع وعازة بس مو معناة احسن من هسة ..
احترم وجة نظرك بس ما ملزم بيهة (لاحظ ان المعلقين بموضوعك مايتجاوزون ال 10 اعضاء ) يعني لسة اكو شكم الف ما علقو بس اكيد شافو الموضوع او راح يشوفوة

[سـمــيــر ..]

..
اما بخصوص الأخ سمير (وهذه نقطه تحسب على الإدارة لعدم المتابعه أو تلافي مثل هذه الكلمات بحق الأعضاء) الادارة سمحت لك ولشكم عضو بمواضيع سابقة بالتجاوز مو بس ع الاعضاء على مكونات كاملة بالسب والشتم والقذف بالاعراض واتذكر قبل يومين او ثلاثة بموضوع الاخ سيف حسين صار سب وشتم وكلام مايلبس علية عكال لدرجة اغلق الموضوع وبقت الردود شاخصة للاعضاء والزوار حتة يشوفون المستوى الي وصلناة وهاي مال ناس مترفة وولد الخايبات خلي تولي الكل عانا ما عاناة بزمن قبل ..حصار وجوع وعازة بس مو معناة احسن من هسة ..
احترم وجة نظرك بس ما ملزم بيهة (لاحظ ان المعلقين بموضوعك مايتجاوزون ال 10 اعضاء ) يعني لسة اكو شكم الف ما علقو بس اكيد شافو الموضوع او راح يشوفوة

اليوم وأنا في ضيافة أبا عبد الله الحسين عليه السلام كان هناك شاب بعمر الورد اوقفني وقال لي اطلب منك طلب بأن تجلس حتى أعمل لك مساج لقدميك لأنك زائر الحسين عليه السلام
وقبلته وحتى قام بتقبيل يدي وصدري وذهبتوأنا بقشعريرهةودمعتي نزلت ...
هذا الشاب الصغير على أي أسس تربى ومتى عرف الحسين ومصيبته وهو مراهق ..فل نقول تعلمها من أبيه وجده وأقاربه الذين حاربهم البعث النتن ..
أذن هنا القلم لك لتكتب لنا ماذا علمك زمنك وزمرك الذي تتباها بهم ..
نحن في أنتظارك ..

[Sωeeτ]

صور معبرة
قهرتني صورة البيوت لها حرمة

[سـمــيــر ..]

صور معبرة
قهرتني صورة البيوت لها حرمة

نور قصصنا إذآ عبرنا عنها تكون هوليوديه السكوت أفضل لنستجمعها في قلوبنا ويأتي من يأتي يتراقص فوقها ..

[Ḑ̴̛̙̞̠͉̺̆̃̓̔̈́͗͒Ė̶͆̌]

أذن هنا القلم لك لتكتب لنا ماذا علمكزمنك وزمرك الذي تتباها بهم ..

علمني زمني من انتقد واحد لازم اكون اني احسن منة ومن اشوف اساءة وسب وشتم من جاهل اتجاوزة بأخلاقي وما انزل لمستواة ..وعلمني ما اصطف وية الباطل وبعد هواي علمني شغلات اكبر من تصوراتك..
..احنة اهل الغربية كل عمرنة ولد عز وناكل من عرك جبينة والله مفضل علينة وعدنة خير يسد عين الشمس قبل السقوط وهسة ومايحتاج نتلوك لحكومة ونوالي احد ولايحتاج نصير ذيول للاجنبي على حساب بلدنة اذا ما تعرف الدليم واهل الانبار تعال ضيفنة واكضيلك شكم يوم حتة تعرف احنة شنو ماشنو نتشرف ونحطك على رؤوسنة انتة ونعالاتك ولاتنسة جيب وياك هذا الاسمر البصراوي الي يهوبز
عشت بهالحياة مايكفي وفريت العراق من الشمال للجنوب ومكسر كحوف الدنيا على راسي ومايحتاج واحد يعلمني ..

اذا ما تتقبل كلامي بسعة صدر كلي حتة ما ارد بمواضيعك
اذا انتة كاعد بحظرة الامام الحسين (علية السلام ) وهيج ردودك لعد لو بالشارع جان شسويت!!؟
(وذهبتوأنا بقشعريرهة ) لاتنسة عدل ذولي بدربك عيب احد يشوفهن