هنا

[فقار الكرخي]

زينب كصدت مشايه
وبجفها اترف الرايه
او خطّت بيها اسم العباس
.
.
.
اول رايه طلعت بالمشي الزينب
عليها اسم الكفيل امطرز امذهب
مركزها الأرض بس للعرش أقرب
تون وي رفّت الراية السمه او تنحب

اول راية اتشيل احساس
خطت بيها اسم العباس
.
.
.
تِبَرّك بيها جبريل او عِلا صيته
رُغم قدسيته زادت والله قدسيته
الخضر يخدمها جانت أكبر امنيته
او موسى ابيته خلاها حرز بيته

او بيها ايباهي الله الناس
خطت بيها اسم العباس
.
.
.
زينب خيِّطَتها بجفها هالراية
وكالت هاي من امشي آنه مشايه
آخذها او اسوي بكربله اقرايه
او يم احسين يلطم كلشي ويايه

او زينب بيها اتعصب الراس
خطت بيها اسم العباس
.
.
.
تُميت او تحيي والله او بالحشر تشفع
رايه امباركه والها المَلَك تركع
رفعتها العقيلة بآية المدمع
او رسمت منهج الرايات من تطلع

تنزار الراية او تنباس
خطت بيها اسم العباس







فاضل عباس الخزاعي

[انثى مخمليةة]

شكرا فقار