الحرگ گلبي غثيث معاتبك
من بين الهوه اتلگيتك بعيني ،
ولاجنّك
اشوفك بالحلم تشطب شوارعنا
وماتدري
أنة العتبة واريدك تسحگ بروحي
اشكثر غنيت
مل منّي ودفعني الباب ،
وماادري ادورك مدري ادور الباب
وتنشدني شحرگ كلبي؟
الحرگ گلبي غثيث معاتبك من دون المعاتب
الحرگ گلبي
اهيسك نجمة عالشباج ومن تخطف اطويرة حب ترد لسماك
ووين سماك ؟
بعيدة ابعد كل هلال يكره روحة جي مذموم للفقرة
وعيون الخلگ بالگمر مخبوصة
الحرگ گلبي
اصيحك طعم ملگة الراحة بالراحة
وانت تگلي الله وياك
يماذيني بكبر شوغة. وطن مبيوع من اهلة
واجت تشرين
وانت ولا خبر من صوت جنسيتك
وعبر عام وبعدني اتنطرك سلوة
واثاري المن عبر نيتك
عباس الغالبي
رد مع اقتباس