أه
على كل دمعة في عيني على اللي جارحني في سنيني

على اللي باعني من غير تمن على اللي سابني للزمن

وانا اللي كنت في نن عينه وكنت محليله الحياه



أه

على اللي وراني الاهات ودوقني مر السكات

وعرفت بيه ازاي اعيش مع الالم مقولش اه



أه

على دنيا قاسيه وجراحه تعبت منها بصراحة

دنياة اسود دنيا وحوش معقولة دي دنيا ولا



أه

على ناس مهياش بشر وكأنه صنم حجر

لا فيهم روح ولا احساس ولا اي ملامح للحياة


أه
على كل انسان خلاني اقوللها واعيدها من تاني

أه واللي يدويها ذكره سبحانه جلا علاه

الله الله الله

بقلم الشاعر
محمد البهلوان
يحظر نقل او نسخ العمل دون الاشارة للمصدر وصاحب الكلمات