كسروا اضلوع النبي خير البرية
خذتي كَلبي وياج يازهرة زماني
انتي رحتي والحزن بعدج خذاني
ضلمة دنياية بغيابج ياام الحسين
وادري بلفارك حبيبة يموت مرتين
البضعة روحي وشافت اوياي الاذية
كسروا اضلوع النبي خير البرية
دفعوا الباب بحقد بس شبدية
ربي سترك شاهدت دمع الزجية
بيني وبين الغضب مشعولة نارين
من يجي الليل بقهر بعُدج عماني
فترة اغيابج طويلة وانة اتاني
مثل عطرج وين الكة ماكو ثاني
صدري يتنفس هواكم مااجاني
للأبد بجروحي اسمع صوت الونين
شاهدتهة وخلصت وياهة عمري
غسلتهة بالدمع شيحملة كسري
راحت من ايدي ومتت وزداد قهري
بكسرة الخاطر صبح بس الله يدري
غابت الزهرة وعشت لوعات البنين
شِلت لجنازة وبقت روحي الحزينة
يصعب هواية طلع فكد الحنينة
مثل وجهج وين بالدنية يجينة
ذكرة تبقة ابراسي وتخيم علينة
اتمنة اتخلص حياتي وتكَضي السنين
و البداية اوياي من هجموا عليهة
ابكربلة يرجعون جرحي والي بيهة
زينب اتشاكَف صياط ابين اديهة
وبهذيج الحالة آنة العتنيهة
والجرح برض الطفوف يصير جرحين
مصطفى_الساعدي
رد مع اقتباس