انت منو ؟ انت منو ؟ اني العراقي من صدك
اني الي عاشرت التفك والشابك بموتي شبك
انت منو ؟ انت منو ؟ اني العراقي الما امل
اني الامل ثابت اضل اني الفصل واني الاصل
انت منو ؟ انت منو ؟ اني الي رادوني انكسر
بالساحه لو على الجسر بس باقي صابر عالعسر
انت منو ؟ انت منو ؟ اني الي ثارو وياي
اخوتي ورفعو الرايه منطي خوتي الهوايه
انت منو ؟ انت منو ؟ اني الي ما ردت الضلم
بيدي قلم شايل علم بلساني محد ما سلم
انت منو ؟ انت منو ؟ اني النجم واني النغم
واني العراقي والاسم واني النساء واني الزلم
انت منو ؟ انت منو ؟ اني الي اعرف حنقتل
بس صوتي يبقى حي عدل اني الصعب ونتو السهل
انت منو ؟ انت منو ؟ اني الي ثاير وانتضر
ميهمني حر ولا مطر اني الاصل واني الفصل
انت منو؟ انت منو؟ اني الجبل واني والسمه
اني الي بيوتي مهدمه اني الى صوتي ملحمه
انت منو ؟ انت منو ؟ اني الفخر واني الفقر
واني السفر واني القبر واني الي ما ضلي عمر
انت منو ؟ انت منو ؟ اني الي سافر ما رجع
انا الي كاتلني الوجع كطعولي خلگي ومنگطع
انت منو ؟ انت منو ؟ اني الشهم واني العهد
قمعونا شما ردتو بعد حقنا يرد هذا وعد
انت منو ؟ انت منو ؟ اني الي بدمي مكحله
حسي يزلزل لو عله صوتي سواهم مهزله
انت منو ؟ انت منو ؟ اني القوية من گبل
انا الدست كومة عگل للي حچه غصه اضل
انت منو ؟ انت منو ؟ اني الجنوبي الي اجه
لبغداد وبدمه بچه اني الجروحي مدچچه
انت منو ؟ انت منو ؟ اني الشمالي الي انتفض
وابن الغربيه الي رفض لازم نرد هذي الارض
رد مع اقتباس
المشاركة الأصلية كتبت بواسطة سيد الكلمات
